დასახელება: | აქვანორმი | |
უნიფიცირებული დასახელება: | ნატრიუმის ქლორიდი + კალიუმის ქლორიდი + ნატრიუმის ციტრატი + დექსტროზა Sodium chloride + Potassium chloride + Sodium citrate + Dextrose | |
დოზა: | - | |
ფორმა: | ფხვნილი ორალური ხსნარის მოსამზადებლად | |
შეფუთვა1: | პაკეტი | |
რაოდენობა შეფუთვა1-ში: | ||
შეფუთვა2: | ||
რაოდენობა შეფუთვა2-ში: | 10 | |
მწარმოებელი ქვეყანა: | საქართველო | |
კომპანია: | ჯი-ემ-პი | |
მწარმოებელი: | ჯი-ემ-პი | |
რეგისტრაციის ნომერი დათარიღი: | #რ-033311 2021-09-21 - 2026-09-21 | |
გაცემის რეჟიმი: | III ჯგუფი, გაიცემა რეცეპტის გარეშე | |
ფარმაკოლოგიურიჯგუფი/ქვეჯგუფი: | ჯგ.:ელექტროლიტურ ცვლაზე მოქმედი საშუალებები. ქვ/ჯგ.:ენერგეტიკული და ელექტროლიტული ბალანსის მაკორეგირებელი. |
|
ა.თ.ქ. კლასიფიკაცია: | ||
A07CA | A საჭმლის მომნელებელი ტრაქტი და ნივთიერებათა ცვლა | |
07 ფაღარათის საწინააღმდეგო, ნაწლავის ანთების და მიკრობების საწინააღმდეგო პრეპარატები | ||
C ელექტროლიტები ნახშირწყლებთან ერთად | ||
A რეჰიდრატაციული შიგნით მისაღები საშუალებები | ||
ანოტაცია: | ||
სიფრთხილის ზომები: | პრეპარატის დოზის გადაჭარბების და სხვა სამკურნალო საშუალებებზე ურთიერთგავლენის შემთხვევები აღწერილი არ არის. | |
ვარგისიანობის ვადა: | 3 წელი. | |
გაცემის წესი: | რეცეპტის გარეშე! | |
გამოშვების ფორმა: | დოზირებული ფხვნილი პერორალურად მისაღები ხსნარის მოსამზადებლად პაკეტებში, მეორადი შეფუთვა – მუყაოს კოლოფში 10 პაკეტი. | |
შემადგენლობა: | გლუკოზა 10გ, კალიუმის ქლორიდი 2.5გ, ნატრიუმის ქლორიდი 3.5გ, ნატრიუმის ციტრატი 2.9გ. | |
ფარმაკოლოგიური თვისება: | აქვანორმი ორგანიზმის ელექტროლიტური და ენერგეტიკული ბალანსის მაკორექტირებელი საშუალებაა. ორგანიზმის გაუწყლოვანების დროს აქვანორმი აღადგენს ორგანიზმის დარღვეულ წყალ-ელექტროლიტურ წონასწორობას და ახდენს აციდოზის კორექციას. პრეპარატი ხანმოკლედ ცირკულირებს სისხლის მიმოქცევის სისტემაში და სწრაფად გადადის ინტერსტიციალურ შრესა და უჯრედებში. T1/2 შეადგენს 1 საათს. პრეპარატი ხელს უწყობს დიურეზის გაძლიერებას, ორგანიზმიდან გამოიდევნება თირკმლების საშუალებით. თირკმლის უკმარისობის დროს შესაძლებელია პრეპარატის შემადგენლობაში არსებული კალიუმის გამოყოფის შეფერხება. | |
ჩვენება: | აქვანორმი ინიშნება: - კომპლექსურ თერაპიაში - მწვავე დიარეის (მათ შორის ქოლერა) დროს წყალ-ელექტროლიტური წონასწორობის აღდგენისა და აციდოზის კორექციის მიზნით; თერმული დაზიანების დროს წყალ-ელექტროლიტური ბალანსის აღდგენის მიზნით; - პროფილაქტიკის მიზნით – თერმული და ფიზიკური დატვირთვის დროს, როდესაც ინტენსიური ოფლდენა აღინიშნება. | |
დოზირება და მიღების წესი: | აქვანორმი ინიშნება პერორალურად, კვების მიღებისგან დამოუკიდებლად. პრეპარატის მიღებამდე 1 პაკეტის შიგთავსი უნდა გაიხსნას 1 ლიტრ გადადუღებულ და გაცივებულ წყალში. აქვანორმის მომზადებული ხსნარი ინახება მაცივარში არა უმეტეს 24 საათის განმავლობაში. დიარეის დროს პრეპარატი ინიშნება ყოველ 3-5 წუთში ერთხელ 50-100 მლ ულუფების ოდენობით ან ნაზოგასტრალური ზონდით 3-5 საათის განმავლობაში. ახალშობილებში და მცირე ასაკის ბავშვებში აქვანორმი ინიშნება 1-2 ჩაის კოვზით ყოველ 5-10 წუთში ერთხელ 4-6 საათის განმავლობაში (დიარეის მსუბუქი ფორმის დროს ხსნარის საერთო რაოდენობამ უნდა შეადგინოს 40-50 მლ/კგ/დღე-ღამეში, საშუალო სიმძიმის დროს – 80-100 მლ/კგ/დღე-ღამეში). შემანარჩუნებელი თერაპიის მიზნით ხსნარის სავარაუდო მოცულობა შეადგენს 80-100 მლ/კგ/დღე-ღამეში. პრეპარატი ინიშნება დიარეის შეწყვეტამდე და წყალ-ელექტროლიტური ცვლის აღდგენამდე. თერმული დაზიანებების დროს კრუნჩხვებისა და წყალ-ელექტროლიტური ცვლის დარღვევის სხვა სიმპტომების დროს (რომელსაც ორგანიზმის გადახურება და გაუწყლოვანება (პოლიურია, წყურვილის გაძლიერება) განაპირობებს) პირველი 30 წუთის განმავლობაში აქვანორმი ინიშნება 100-150 მლ ულუფებით, ისე რომ მთლიანად მისაღები ხსნარის მოცულობამ 500-900 მლ შეადგინოს. შემდგომ ყოველი 40 წუთის განმავლობაში ინიშნება იგივე დოზით წყალ-ელექტროლიტური დეფიციტისა და თერმული დაზიანების სიმპტომების აღმოფხვრამდე. ექსტრემალური თერმული და ფიზიკური დატვირთვის დროს, წყალ-ელექტროლიტური დისბალანსის პროფილაქტის მიზნით, აქვანორმი ინიშნება წყურვილის შეგრძნების გაჩენიდან მცირე ულუფებით – ყლუპ-ყლუპით და მისი მიღება გრძელდება წყურვილის დაკმაყოფილებამდე. | |
გვერდითი მოვლენები: | აქვანორმის ჩვენების და რეკომენდებული დოზით მიღების შემთხვევაში გვერდითი მოვლენები არ არის გამოვლენილი. | |
უკუჩვენება: | - პრეპარატის კომპონენტებისადმი მაღალიმგრძნობელობა; - თირკმლების ფუნქციური დარღვევები; - შაქრიანი დიაბეტი. | |
შენახვის პირობები: | 10-25C ტემპერატურაზე, მშრალ, ბავშვებისათვის ხელმიუწვდომელ ადგილას! პრეპარატის მომზადებული ხსნარი ინახება მაცივარში (2-8C ტემპერატურაზე) არა უმეტეს 24 საათის განმავლობაში! |
Page generation time: 0. 051274017 sec.