| დასახელება: | სალამოლ ეკო | |
| უნიფიცირებული დასახელება: | სალბუტამოლი Salbutamol | |
| დოზა: | 100მკგ/დოზა | |
| ფორმა: | აეროზოლი | |
| შეფუთვა1: | 200მლ ფლაკონი | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 1 | |
| მწარმოებელი ქვეყანა: | ჩეხეთი | |
| კომპანია: | ტევა ჩეხ ინდასთრის | |
| მწარმოებელი: | ტევა ჩეხ ინდასთრის | |
| რეგისტრაციის ნომერი დათარიღი: | ||
| გაცემის რეჟიმი: | ||
| ფარმაკოლოგიურიჯგუფი/ქვეჯგუფი: | ჯგ.:ბრონქოლიზური საშუალებები. ქვ/ჯგ.:ბეტა2- ადრენომიმეტური. |
|
| ა.თ.ქ. კლასიფიკაცია: | ||
R03AC02 | R სასუნთქი სისტემა | |
| 03 პრეპარატები ბრონქული ასთმის მკურნალობისათვის | ||
| A სიმპატომიმეტური საშუალებები ინჰალაციური გამოყენებისათვის | ||
| C სელექტიური ბეტა2- ადრენომიმეტური საშუალებები | ||
| ანოტაცია: | ||
| შემადგენლობა: | ყოველი დოზა შეიცავს აქტიური ნივთიერების: სალბუტამოლის სულფატის – 100 მკგ-ს. დამხმარე ნივთიერებები: ოლეინმჟავა, ჰიდროფლუოროალკანი – 134ა. | |
| ფარმაკოდინამიკა: | სალბუტამოლი წარმოადგენს ბეტა 2-ადრენორეცეპტორების სელექტიურ აგონისტს. თერაპიულ დოზებში მოქმედებს ბრონქების გლუვი მუსკულატურის ბეტა 2-ადრენორეცეპტორებზე და ავლენს გამოხატულ ბრონქოლიზურ ეფექტს, ახდენს ბრონქოსპაზმის პრევენციას და მოხსნას, სასუნთქ გზებში აქვეითებს წინაღობას, ზრდის ფილტვების სასიცოცხლო მოცულობას. ხელს უშლის პოხიერი უჯრედებიდან ნელა მორეაგირე ჰისტამინისა და ნეიტროფილების ქემოტაქსისის ფაქტორების გამოყოფას. მიოკარდიუმზე ახდენს უმნიშვნელო დადებით ქრონო და ინოტროპულ ზემოქმედებას. იწვევს კორონარული არტერიების გაფართოებას, პრაქტიკულად არ აქვეითებს არტერიულ წნევას. ახდენს ტოკოლიზურ მოქმედებას: ამცირებს ტონუსს და მიომეტრიუმის კუმშვადობის აქტივობას. პრეპარატის მოქმედება იწყება ინჰალაციის გზით შეყვანიდან 5 წუთის შემდეგ და გრძელდება 4-6 საათის განმავლობაში. | |
| ფარმაკოკინეტიკა: | ინჰალაციური შეყვანის შემდეგ დოზის 10%-დან 20%-მდე ხვდება სასუნთქ გზებში. დანარჩენი ნაწილი რჩება მოწყობილობაში ან ილექება პირხახაში და შემდეგ გადაიყლაპება. დოზის ნაწილი, რომელიც გადადის სასუნთქ გზებში შეიწოვება ფილტვის ქსოვილებში, არ მეტაბოლიზდება ისე ხვდება სისხლში. სისტემურ სისხლის მიმოქცევაში მოხვედრის შემდეგ მას შეუძლია მეტაბოლიზდეს ღვიძლში და გამოიყოს შარდთან ერთად შეუცვლელი ან ფენოლის სულფატის სახით. დოზის ნაწილი, რომელიც ღვიძლში პირველი გასვლის დროს ხვდება კუჭ-ნაწლავის ტრაქტში, შეიწოვება და ინტენსიურ მეტაბოლიზმს განიცდის, იგი ფენოლის სულფატად გარდაიქმნება. შეუცვლელი პრეპარატი და კონიუგატი ძირითადად გამოიყოფა შარდში. ვენაში, პერორალურად ან ინჰალაციის გზით შეყვანილი სალბუტამოლის დოზის დიდი ნაწილი გამოიყოფა 72 საათის განმავლობაში. პლაზმის ცილებთან სალბუტამოლის შეკავშირების ხარისხი შეადგენს 10%-ს. | |
| ჩვენება: | ბრონქული ასთმის, ქრონიკული ობსტრუქციული ბრონქიტის, ფილტვების ემფიზემის დროს ბრონქოსპაზმის განვითარების პრევენცია და კუპირება. | |
| უკუჩვენება: | • ჰიპერმგრძნობელობა პრეპარატის რომელიმე კომპონენტის მიმართ • ტაქიარითმია • მიოკარდიტი • გულის მანკები, აორტული სტენოზი • დეკომპენსირებული შაქრიანი დიაბეტი • ჰიპერთირეოზი • გლაუკომა • 2 წლამდე ბავშვის ასაკი სალბუტამოლის საინჰალაციო პრეპარატები არ გამოიყენება ნაადრევი მშობიარობების დროს. სალბუტამოლის გამოყენაბა არ შეიძლება მოსალოდნელი აბორტის დროს. | |
| დოზირება და მიღების წესი: | სალამოლ ეკო განკუთვნილია მხოლოდ ინჰალაციის გზის შეყვანისათვის. სალამოლ ეკო-ს მოქმედება ვლინდება ინჰალაციიდან 5 წუთის შემდეგ და გრძელდება 4-6 საათი. დოზის მომატების ან პრეპერატის გამოყენების სიხშირის საკითხი მხოლოდ ექიმის გადასაწყვეტია. მოზრდილები (მათ შორის ხანდაზმული პაციენტები): ბრონქული ასთმის შეტევის განვითარების დროს რეკომენდებული (ერთჯერადი საწყისი) დოზა შეადგენს 100-200მკგ-ს (1-2ინჰალაცია). ბრონქული ასთმის შეტევის თავიდან ასაცილებლად, რომელიც დაკავშირებულია ალერგენის მოქმედებით ან გამოწვეულია ფიზიკური დატვირთვით, რეკომენდებულია ორი ინჰალაციის გაკეთება (200მკგ) 10-15 წუთში მოსალოდნელ ეფექტამდე. ხანგრძლივი მკურნალობისას სალამოლ ეკო ინიშნება დოზით 200 მკგ (2 ინჰალაცია) დღეში 4-ჯერ. 2 წელზე უფროსი ბავშვები: ბრონქული ასთმის შეტევის განვითარების დროს, და ასევე ბრონქული ასთმის შეტევის თავიდან ასაცილებლად რომელიც დაკავშირებულია ალერგენის მოქმედებით ან გამოწვეულია ფიზიკური დატვირთვით რეკომენდებული დოზა შეადგენა 100-200 მკგ-ს (1 ან 2 ინჰალაცია). ხანგრძლივი მკურნალობისას სალამოლ ეკო ინიშნება დოზით 200 მკგ (2 ინჰალაცია) დღეში 4-ჯერ. სალამოლ ეკო დღიური დოზა არ უნდა აღემატებოდეს 800 მკგ-ს (8 ინჰალაცია0 სალამოლ ეკო-ს მაქსიმალური დოზების ხშირი გამოყენების მოთხოვნილება ან დოზის უეცარი მომატება დაავადების გაუარესებაზე მიუთითებს. | |
| განსაკუთრებული მითითებები: | პაციენტებში ბრონქული ასთმის მძიმე ან არასტაბილური მიმდინარეობით ბრონქოდილატატორების გამოყენება არ უნდა იყოს მკურნალობის ძირითადი ან ერთადერთი მეთოდი. თუ სალამოლ ეკო-ს ჩვეულებრივი დოზა ნაკლებ ეფექტური ხდება ან ნაკლებად ხანგრძლივი (პრეპარატის მოქმედება უნდა შენარჩუნდეს არა ნაკლება 3 საათისა), პაციენტმა ექიმს უნდა მიმართოს. ბრონქული ასთმის სიმპტომების კონტროლისათვის მოკლე ხანგრძლივობის ბეტა 2-ადრენორეცეპტორების ინჰალაციური აგონისტების მიღების მომატებული მოთხოვნილება დაავადების გამწვავების მანიშნებელია. ასეთ შემთხვევაში საჭიროა პაციენტის გადაიხედოს მკურნალობის გეგმა და გადაწყდეს საინჰალაციო ან სისტემური გლუკოკორტიკოიდების დოზის მომატების ან გაზრდის საკითხი. ბეტა 2-ადრენორეცეპტორების აგონისტებით მკურნალობამ შეიძლება გამოიწვიოს ჰიპოკალიემია. განსაკუთრებული სიფრთხილეა საჭირო ბრონქული ასთმის მძიმე შეტევების მკურნალობის დროს, ვინაიდან ასეთ შემთხვევაში ჰიპოკალიემია შეიძლება გაძლიერდეს ქსანტინის წარმოებულების, გლუკოკორტიკოსტეროიდების, დიურეტიკების ერთობლივი გამოყენების, და ასევე ჰიპოქსიის შედეგად. ასეთ შემთხვევებში საჭიროა სისხლის შრატში კალიუმის დონის კონტროლი. | |
| ორსულობა და ლაქტაცია: | ორსულ ქალებში პრეპარატი ინიშნება მხოლოდ იმ შემთხვევაში, თუ დედისათვის მოსალოდნელი სარგებელი აღემატება ნაყოფისათვის მიყენებულ შესაძლო საშიშროებას. სავარაუდოა რომ სალბუტამოლი აღწევს დედის რძეში, ამიტომ მეძუძურ დედებში არ არის რეკომენდებული პრეპარატის მიღება, გარდა იმ შემთხვევისა, თუ დედისათვის მოსალოდნელი სარგებელი აღემატება ბავშვისთვის მიყენებულ შესაძლო საშიშროებას. უცნობია, ახდენს თუ არა დედის რძეში არსებული სალბუტამოლი ახალშობილზე უარყოფით ზემოქმედებას. | |
| გვერდითი მოვლენები: | სალამოლ ეკო-ს შეუძლია გამოიწვიოს ჩონჩხის კუნთების მსუბუქი ტრემორი, რომელიც ყველაზე უფრო გამოხატულია ხელების მხრივ და წარმოადგენს ტიპიურ გვერდით მოვლენას ბეტა 2-ადრენორეცეპტორების ყველა აგონისტისათვის. რიგ შემთხვევებში პაციენტებში აღინიშნება თავის ტკივილი, პერიფერული სისხლძარღვების გაფართოება და გულის შეკუმშვების სიხშირის უმნიშვნელო კომპენსატორული მომატება. ძალიან იშვიათად ვითარდება ჰიპერმგრძნობელობის რეაქციები (ანგიონევროზული შეშუპების, ჭინჭრის ციების, ბრონქოსპაზმის, არტერიული ჰიპოტონიისა და კოლაფსის ჩათვლით), კუნთოვანი კრუნჩხვები, ტაქიკარდია, გულისრევა, ღებინება. ინჰალაციურ პრეპარატებს შეუძლიათ პარადოქსული ბრონქოსპაზმის განვითარება. აუცილებელია პარადოქსული ბრონქოსპაზმის სასწრაფო მოხსნა სალბუტამოლის სხვა სამკურნალო ფორმით ან სხვა სწრაფად მოქმედი ინჰალაციური ბრონქოდილატატორით. პარადოქსული ბრონქოსპაზმის განვითარების შემთხვევაში საჭიროა უმალვე შეწყდეს სალამოლ ეკო-ს მიღება, შეფასდეს პაციენტის მდგომარეობა, ჩატარდეს აუცილებელი გამოკვლევა და საჭიროების შემთხვევაში დაიშნიოს თერაპია სხვა სამკურნალო პრეპარატებით. ინჰალაციურ პრეპარატებს შეუძლიათ გამოიწვიონ პირის ღრუსა და ხახის ლორწოვანი გარსის გაღიზიანება. ბეტა 2-ადრენორეცეპტორების აგონისტებით მკურნალობამ შეიძლება გამოიწვიოს ჰიპოკალიემია, რომელიც პაციენტისათვის სერიოზულ საფრთხეს წარმოადგენს. ისევე როგორც ბეტა 2-ადრენორეცეპტორების სხვა აგონისტები, სალამოლ ეკო-ს იშვიათად შეუძლია გამოიწვიოს აგზნებადობა და ბავშვებში მამოძრავებელი აქტივობის მომატება. ზოგიერთ პაციენტში შესაძლებელია გულის არითმიების გამოვლენა (წინაგულების ფიბრილაციის, პარკუჭზედა ტაქიკარდიების და ექსტრასისტოლების ჩათვლით). | |
| ჭარბი დოზირება: | სალბუტამოლის ჭარბი დოზის მიღების შემთხვევაში საუკეთესო ანტიდოტია კერდიოსელექციური ბეტა 2-ადრენობლოკატორები. თუმცა, ბეტა 2-ადრენორეცეპტორების ბლოკატორები დიდი სიფრთხილით უნდა გამოვიყენოთ პაციენტებში, რომელთაც ანამნეზში ბრონქოსპაზმი აღენიშნებათ. სალბუტამოლის დიდი დოზების მიღებამ შეიძლება გამოიწვიოს ჰიპოკალიემია, ამიტომ ჭარბ დოზირებაზე ეჭვის შემთხვევაში აუცილებელია სისხლის შრატში კალიუმის დონის კონტროლი. | |
| ურთიერთქმედება სხვა მედიკამენტებთან: | არ არის რეკომენდებული სალამო ეკო-ს და ბეტა 2-ადრენორეცეპტორების არასელექციური ბლოკატორების, ისეთების როგორიცაა პროპრანოლოლი კომბინაციაში გამოყენება. სალამოლ ეკო უკუნაჩვენები პაციენტებში, რომლებიც ღებულობენ მონოამინოქსიდაზას ინჰიბიტორებს. ჰიპოკალიემია შეიძლება გაძლიერდეს ქსანტინის წარმოებულების, გლუკოკორტიკოსტეროიდების, დიურეტიკების ერთდროული გამოყენებისას. | |
| გაცემის წესი: | გაიცემა ექიმის რეცეპტით. |
Page generation time: 0. 051194608 sec.
