| დასახელება: | ცეტირიზინ ჰექსალი | |
| უნიფიცირებული დასახელება: | ცეტირიზინი Cetirizine | |
| დოზა: | 10მგ | |
| ფორმა: | შემოგარსული აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 20 | |
| მწარმოებელი ქვეყანა: | გერმანია | |
| კომპანია: | ჰექსალი | |
| მწარმოებელი: | სალუტას ფარმა | |
| რეგისტრაციის ნომერი დათარიღი: | ||
| გაცემის რეჟიმი: | ||
| ფარმაკოლოგიურიჯგუფი/ქვეჯგუფი: | ჯგ.:ჰისტამინური H1-რეცეპტორების ბლოკატორები. ქვ/ჯგ.:II თაობის. |
|
| ა.თ.ქ. კლასიფიკაცია: | ||
R06AE07 | R სასუნთქი სისტემა | |
| 06 ანტიჰისტამინური პრეპარატები სისტემური გამოყენებისათვის | ||
| A ანტიჰისტამინური პრეპარატები სისტემური გამოყენებისათვის | ||
| E პიპერაზინის წარმოებულები | ||
| ანოტაცია: | ||
| გაცემის წესი: | ექიმის რეცეპტის გარეშე. | |
| შემადგენლობა: | ცეტირიზინი 10მგ. სხვა ინგრედიენტები: ლაქტოზას მონოჰიდრატი, მიკროკრისტალური ცელულოზა, სილიციუმის დიოქსიდი კოლოიდური, მაგნიუმის სტეარატი, ტიტანის დიოქსიდი, ჰიპრომელოზა, მაკროგოლი 4000. | |
| ფარმაკოლოგიური თვისება: | გააჩნია ანტიალერგიული მოქმედება. პრაქტიკულად არ გააჩნია სედაციური ეფექტი რეკომენდებული დოზებით მიღებისას და ანტიქოლინერგიული და ანტისეროტონული მოქმედება, ახდენს ალერგიული რეაქციების განვითარების პრევენციას და ამსუბუქებს მათ მიმდინარეობას. გააჩნია ქავილის საწინააღმდეგო და ანტიექსუდაციური ეფექტი. გავლენას ახდენს ალერგიული რეაქციების ადრეულ სტადიაზე, ასვე ამცირებს ანთებითი უჯრედების მიგრაციას; თრგუნავს მედიატორების გამოყოფას, რომლებიც მონაწილეობენ გვიან ალერგიულ რეაქციებში. ამცირებს კაპილარების გამტარობას, ახდენს ქსოვილების შეშუპების განვითარების პრევენციას, ხსნის გლუვი მუსკულატურის სპაზმს. აღმოფხვრის კანის რეაქციას ჰისტამინის, სპეციფიკური ალერგენების შეყვანაზე, ასევე გაყინვაზე (სიცივის გამონაყარი). ცეტირიზინი მნიშვნელოვნად ამცირებს ბრონქული ხის ჰიპერაქტივობას, რომელიც ვითარდება ჰისტამინის გამოთავისუფლების პასუხად ბრონქული ასთმის მქონე პაციენტებში. პრეპარატის თერაპიული ეფექტი ვლინდება მიღებიდან საშუალოდ 60 წუთის შემდეგ. არ ვითარდება ტოლერანტობა. | |
| ფარმაკოკინეტიკა: | შეწოვა: შიგნით მიღების შემდეგ ცეტირიზინი სწრაფად და საკმარისად სრულად აბსორბირდება კუჭ-ნაწლავის ტრაქტიდან. Cmax მიიღწევა 40-60 წუთის შემდეგ. საკვების მიღება არსებით გავლენას არ ახდენს აბსორბციის მოცულობაზე, თუმცა ასეთ შემთხვევაში, შეწოვის სიჩქარე უმნიშვნელოდ მცირდება. განაწილება: სისხლის პლაზმის ცილებთან კავშირი შეადგენს დაახლოებით 93%-ს. Vd დაბალია და შეადგენს 0.5 ლ/კგ-ს. ცეტირიზინი ვერ აღწევს ჰემატოენცეფალურ ბარიერში. მეტაბოლიზმი: ცეტირიზინი უნიშვნელოდ მეტაბოლიზდება ღვიძლში არააქტიური მეტაბოლიტის წარმოქმნით. 10მგ/დღეში მიღებისას 10 დღის განმავლობაში კუმულაცია არ აღინიშნება. გამოყოფა: უპირატესად გამოიყოფა თირკმლებით (70%) ძირითადად უცვლელი ფორმით. სისტემური კლირენსი შეადგენს დაახლოებით 54 მლ/წთ-ს. 10მგ დოზის ერთჯერადი მიღების შემდეგ T1/2 შეადგენს დაახლოებით 10 საათს. ფარმაკოკინეტიკა განსაკუთრებულ კლინიკურ შემთხვევებში: 2-დან 12 წლამდე ასაკის ბავშვებში თ1/2 მცირდება 5-6 საათამდე. თირკმლების ფუნქციის გამოხატული დარღვევის დროს (კკ 11-31 მლ/წთ) და ჰემოდიალიზზე მყოფ პაციენტებში (კკ 7 მლ/წთ-ზე ნაკლები) თ1/2 იზრდება 3-ჯერ, სისტემური კლირენსი კი მცირდება 70%-ით. ქრონიკული დაავადებების ფონზე და ხანდაზმულებში აღინიშნება T1/2-ის მომატება 50%-ით და სისტემური კლირენსის შემცირება 40%-ით. | |
| ჩვენება: | - მთელი წლის მანძილზე მიმდინარე და სეზონური ალერგიული რინიტი (სიმპტომატური თერაპიის სახით); - ჭინჭრის გამონაყარი (მათ შორის ქრონიკული, იდიოპათური); - დერმატოზები, რომლებიც მიმდინარეობენ ქავილით (მათ შორის, ატოპური დერმატიტი, ნეიროდერმიტი); - ალერგიული კონიუნქტივიტი. | |
| დოზირება და მიღების წესი: | მოზრდილებსა და ბავშვებში 12 წლის ასაკის ზევით რეკომენდებულია 10მგ (1 აბი), სასურველია საღამოს. 6-დან 12 წლამდე და 30 კგ-მდე წონის ბავშვებში 5მგ (1/2 აბი) საღამოს; 30 კგ-ზე მეტი წონის შემთხვევაში – 10მგ (1 ტაბ.) საღამოს. შესაძლებელია 5მგ-ს (1/2 აბი) მიღება დღეში 2-ჯერ (დილით და საღამოს). თირკმლის უკმარისობის მქონე პაციენტებში რეკომენდებული დოზა უნდა შემცირდეს 2-ჯერ. ღვიძლის ფუნქციის დარღვევის დროს დოზის შერჩევა უნდა მოხდეს ინდივიდუალურად, განსაკუთრებული სიფრთხილით კი იმ შემთხვევაში, როდესაც ერთდროულად აღინიშნება ღვიძლისა და თირკმლის უკმარისობა. ხანდაზმულებში თირკმლის ნორმალური ფუნქციით დოზის კორექცია საჭირო არ არის. სეზონური ალერგიული რინიტის დროს თერაპიის ხანგრძლივობა მოზრდილებში შეადგენს ჩვეულებრივ 3-6 კვირას, ხოლო ალერგენის ხანმოკლე ზემოქმედებისას საკმარისია პრეპარატის მიღება 1 კვირის განმავლობაში. თერაპიის ხანგრძლივობა ბავშვებში 6 წლის ასაკის ზევით შეადგენს 2-4 კვირას, ხოლო ალერგენის ხანმოკლე ზემოქმედებისას საკმარისია პრეპარატის მიღება 1 კვირის განმავლობაში. აბები მიიღება შიგნით საკვების მიღების მიუხედავად, დაუღეჭავად, საკმარისი რაოდენობის სითხის მიყოლებით, სასურველია საღამოს. | |
| გვერდითი მოვლენები: | საჭმლის მომნელებელი სისტემის მხრივ: პირის სიმშრალე, დისპეფსია. ცნს-ის მხრივ: თავის ტკივილი, ძილიანობა, დაღლილობა, თავბრუსხვევა, აგზნება, შაკიკი. ალერგიული რეაქციები: გამონაყარი კანზე, ანგიონევროტული შეშუპება, ჭინჭრის გამონაყარი, კანის ქავილი. პრეპარატი ხასიათდება კარგი ამტანობით. გვერდითი მოვლენები იშვიათად ვითარდება და ისინი ძირითადად დროებითი ხასიათისაა. | |
| უკუჩვენება: | - თირკმლების მძიმე დაავადებები; - 6 წლამდე ასაკის ბავშვებში; - ორსულობა; - ლაქტაცია; - პრეპარატის კომპონენტების მიმართ მომატებულიმგრძნობელობა. პრეპარატი სიფრთხილით ინიშნება საშუალო და მძიმე ქრონიკული პიელონეფრიტის დროს (რაც საჭიროებს დოზირების რეჟიმის კორექციას), ხანდაზმულებში (პაციენტთა ამ კატეგორიაში გორგლოვანი ფილტრაციის შემცირების შესაძლებლობის გამო). ორსულობა და ლაქტაცია პრეპარატის გამოყენება უკუნაჩვენებია ორსულობის დროს. ლაქტაციის პერიოდში პრეპარატის დანიშვნის აუცილებლობისას, უნდა გადაწყდეს საკითხი ლაქტაციის შეწყვეტის შესახებ. | |
| განსაკუთრებული მითითებები: | არ არის რეკომენდებული ცნს-ის დამთრგუნველი პრეპარატების ერთდროული გამოყენება. ამ პრეპარატის გამოყენების ფონზე არ გამოიყენება ეთანოლი. შაქრიანი დიაბეტის დროს ამ პრეპარატის დანიშვნისას გათვალისწინებული უნდა იყოს, რომ 1 აბი შეესაბამება 0.01 ქე-ზე ნაკლებს. ზემოქმედება ავტოტრანსპორტის მართვის შესაძლებლობაზე: პრეპარატის გამოყენების პერიოდში პაციენტმა თავი უნდა შეიკავოს პოტენციურად საშიში საქმიანობის შესრულებისაგან, რაც მოითხოვს ყურადღების კონცენტრაციას და სწრაფ ფსიქომოტორული რეაქციებს. | |
| ჭარბი დოზირება: | სიმპტომები: შესაძლებელია ძილიანობა, შენელება, სისუსტე, თავის ტკივილი, ტაქიკარდია, მომატებული გაღიზიანება, შარდის შეკავება, დაღლილობა (ძირითადად ცეტირიზინის 50მგ სადღეღამისო დოზის მიღებისას). მკურნალობა: ტარდება სიმპტომატური თერაპია. სპეციფიკური ანტიდოტი არ არსებობს. ჰემოდიალიზი არ არის ეფექტური. ტარდება კუჭის ამორეცხვა, ინიშნება აქტივირებული ნახშირი. | |
| ურთიერთქმედება სხვა მედიკამენტებთან: | არ არის დადგენილი ცეტირიზინის კლინიკურად მნიშვნელოვანი ურთიერთქმედება სხვა პრეპარატებთან. თეოფილინთან (დოზით 400მგ/დღეში) ერთად მიღებისას მცირდება ცეტირიზინის საერთო კლირენსი (თეოფილინის კინეტიკა არ იცვლება). | |
| შენახვის პირობები: | პრეპარატი ინახება ბავშვებისათვის მიუწვდომელ ადგილას არაუმეტეს 25C ტემპერატურაზე. |
Page generation time: 0. 051282316 sec.
