| დასახელება: | მეტრონიდაზოლი | |
| უნიფიცირებული დასახელება: | მეტრონიდაზოლი Metronidazole | |
| დოზა: | 5მგ/მლ | |
| ფორმა: | საინფუზიო ხსნარი | |
| შეფუთვა1: | 100მლ ფლაკონი | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 1 | |
| მწარმოებელი ქვეყანა: | ავსტრია | |
| კომპანია: | ნიკომედი | |
| მწარმოებელი: | ნიკომედ ოსთრია | |
| რეგისტრაციის ნომერი დათარიღი: | ||
| გაცემის რეჟიმი: | II ჯგუფი, გაიცემა ფორმა №3 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:ანტიპროტოზოული საშუალებები ანტიმიკრობული აქტივობით. ქვ/ჯგ.:ნიტროიმიდაზოლის წარმოებულები. |
|
| ა.თ.ქ. კლასიფიკაცია: | ||
J01XD01 | J მიკრობების საწინააღმდეგო პრეპარატები სისტემური გამოყენებისათვის | |
| 01 მიკრობების საწინააღმდეგო პრეპარატები სისტემური გამოყენებისათვის | ||
| X ანტიბაქტერიული სხვა პრეპარატები | ||
| D იმიდაზოლის წარმოებულები | ||
P01AB01 | P პარაზიტების საწინააღმდეგო პრეპარატები, ინსექტიციდები და რეპელენტები | |
| 01 პროტოზოას საწინააღმდეგო პრეპარატები | ||
| A პრეპარატები ამებიაზის და სხვა პროტოზოული ინფექციების მკურნალობისათვის | ||
| B ნიტროიმიდაზოლის წარმოებულები | ||
| ანოტაცია: | ||
| ქიმიური დასახელება: | 1-(ბეტა-ოქსიეთილ)-2 მეთილ-5 ნიტროიმიდაზოლი. | |
| შემადგენლობა: | ხსნარის ყოველი 100მლ შეიცავს: მეტრონიდაზოლი 500მგ. დამხმარე ნივთიერებები: დინატრიუმის ფოსფატ დიჰიდრატი, ლიმონის მჟავას მონოჰიდრატი, ნატრიუმის ქლორიდი, სტერილური წყალი. | |
| აღწერილობა: | გამჭვირვალე სითხე. | |
| ფარმაკოლოგიური თვისება: | მეტრონიდაზოლი წარმოადგენს მოქმედების ფართო სპექტრის მქონე ანტიპროტოზოულ და ანტიბაქტერიალურ საშუალებას. პრეპარატი ამჟღავნებს აქტივობას Trichomonas vaginalis, Giardia intestinalis, Entamoeba histolytica, Lamblia intestinalis, და აგრეთვე ობლიგატური ანაერობების (სპორო და არასპოროწარმომქმნელი) – Bacteroides spp. (B.fragilis, B.ovatus, B.distasonis, B.thetaiotamicron, B.vulgatus), Fusobacterium spp., Clostridium spp., Peptostrepococcus spp., Peptococcus spp., Eubacterium-ის მგრძნობიარე შტამების მიმართ. მეტრონიდაზოლისადმი არ არისმგრძნობიარე აერობული მიკროორგანიზმები და ფაკულტატური ანაერობები, მაგრამ შერეული ფლორის არსებობისას (აერობები და ანაერობები) მეტრონიდაზოლი სინთეზურად მოქმედებს ანაერობებთან, რომლებიც ეფექტურები არიან ჩვეულებრივი აერობების წინააღმდეგ. | |
| ფარმაკოდინამიკა: | მეტრონიდაზოლის მოქმედების მექანიზმი გამოიხატება ანაერობული მიკროორგანიზმებისა და უმარტივესების ტრანსპორტული პროტეინების მიერ შიდაუჯრედოვანი მეტრონიდაზოლის 5-ნიტროჯგუფის აღდგენაში. მეტრონიდაზოლის აღდგენილი 5- ნიტროჯგუფი ურთიერთქმედებს მიკროორგანიზმის უჯრედის დნმ-თან, აფერხებს მათ მიერ ნუკლეინის მჟავების სინთეზსა და ამით ბაქტერია დაღუპვამდე მიჰყავს. | |
| ფარმაკოკინეტიკა: | ანაერობული ინფექციით დაავადებულთათვის 20 წუთის განმავლობაში 500მლ მეტრონიდაზოლის შეყვანისას, სისხლის შრატში პრეპარატის კონცენტრაცია ერთი საათის შემდეგ 35.2 მკგ/მლ-ია, 4 საათის შემდეგ – 33.9 მკგ/მლ, ხოლო 8 საათის შემდეგ – 25.7 მკგ/მლ. პრეპარატს ახასიათებს მაღალი განვლადობის უნარი და იგი აღწევს ბაქტერიციდულ კონცენტრაციებს ორაგანიზმის უმრავლეს ქსოვილებსა და სითხეებში: ფილტვების, თირკმლების, ღვიძლის, კანის, ზურგის ტვინის სითხის, ტვინის, ნაღველის, ნერწყვის, ამნიონური სითხის, აბსცესური ღრუების, ვაგინალური სეკრეტის, სათესლე სითხისა და რძის ჩათვლით. სისხლის ცილებთან შეკავშირება სუსტია და არ აღემატება 10-20%-ს. ნაღველის ნორმალურად წარმოქმნისას, პრეპარატის ინტრავენური შეყვანის შემდეგ, ნაღველში მეტრონიდაზოლის კონცენტრაციამ შესაძლოა საგრძნობლად გადააჭარბოს მის კონცენტრაციას სისხლის პლაზმაში. 63% მეტრონიდაზოლის გამოყოფა ხდება თირკმლების საშუალებით (აქედან პრეპარატის 20% გამოიყოფა შეუცვლელად). მეტრონიდაზოლის ნახევარგამოყოფის პერიოდი 6-7- საათია. თირკმლის კლირენსი შეადგენს 10.2მლ/წმ-ში. ავადმყოფებში, რომელთაც დარღვეული აქვთ თირკმლების ფუნქციები, პრეპარატის განმეორებითი შეყვანისას შესაძლოა აღინიშნოს მეტრონიდაზოლის აკუმულაცია სისხლის შრატში. ამიტომ მძიმე თირკმლის უკმარისობის მქონე ავადმყოფებს მეტრონიდაზოლის მიღების სიხშირე უნდა შეუმცირდეთ. | |
| ჩვენება: | მეტრონიდაზოლის საინექციო ხსნარი გამოიყენება იმ ინფექციების სამკურნალოდ, რომელიც გამოწვეულია პრეპარატისადმიმგრძნობიარე მიკროორგანიზმებით: - ძირითადად მუცლის ღრუს ორგანოებსა და საშარდე გზებზე ქირურგიული ჩარევისას, ანაერობული ინფექციების პროფილაქტიკა და მკურნალობა; - მძიმე შერეული ანაერობო-აერობული ინფექციების კომბინირებული თერაპია; - ნაწლავური და ღვიძლის ამებიაზის მძიმე ფორმა; - სეფსისი; - პერიტონიტი; - ოსტეომიელიტი; - გინეკოლოგიური ინფექციები; - მცირე მენჯისა და თავის ტვინის აბსცესები; - მააბსცედირებელი პნევმონია; - აერობული განგრენა; - კანის, რბილი ქსოვილების, ძვლებისა და სახსრების ინფექციები. | |
| უკუჩვენება: | - მეტრონიდაზოლისა და მეტრონიდაზოლის სხვა წარმონაქმნებისადმი ჰიპერმგრძნობელობა; - ცნს-ის ორგანული დაზიანებები; - სისხლის დაავადებები; - ორსულობის პირველი ტრიმესტრი; - ორსულობის II და III ტრიმესტრი – მხოლოდ სასიცოცხლო ჩვენებით, ლაქტაციის პერიოდში – ჩვენებით, პარალელურად ძუძუთი კვების შეწყვეტით. | |
| დოზირება და მიღების წესი: | მეტრონიდაზოლის ინტრავენური შეყვანა ნაჩვენებია მძიმედ მიმდინარე ინფექციების დროს და იმ შემთხვევაში, როცა პარენტერული მიღება შეუძლებელია. მოზრდილებისა და 12 წლის ზევით ასაკის ბავშვებისათვის დოზა წარმოადგენს 500მგ-ს, ინტრავენური განუწყვეტელი (ნაკადით) ან წვეთოვანი შეყვანის სიჩქარე უნდა იყოს 5მლ წთ-ში. შეყვანებს შორის ინტერვალი – 8 სთ. მკურნალობის კურსის ხანგრძლივობა ინდივიდურად უნდა განისაზღვროს. მაქსიმალური სადღეღამისო დოზა არ უნდა აღემატებოდეს 4 გრ-ს. ჩვენებისა და ინფექციის ხასიათიდან გამომდინარე ხორციელდება შემანარჩუნებელ თერაპიაზე გადასვლა მეტრონიდაზოლის პერორალური ფორმებით. 12 წლის ასაკამდე ბავშვებში მეტრონიდაზოლი შეჰყავთ სამჯერადად 7,5მგ/კგ-ზე, წუთში 5მლ-ის სიჩქარით. ანაერობული ინფექციების პროფილაქტიკისთვის, გეგმიური ოპერაციების დროს, მენჯისა და საშარდე ორგანოებზე, მოზრდილებსა და 12 წლის ასაკის ზევით ბავშვებს მეტრონიდაზოლს უნიშნავენ ინფუზიის სახით 500-1000მგ დოზით ოპერაციის დღეს, ხოლო მეორე დღეს – 1500მგ/დღე-ღამეში დოზით (500მგ ყოველ 8 საათში). 1-2 დღის შემდეგ ავადმყოფი ჩვეულებრივ გადაჰყავთ შემანარჩუნებელ თერაპიაზე მეტრონიდაზოლის პერორალური ფორმით. პაციენტებისთვის, რომელთაც აღენიშნებათ თირკმლების (კრეატინინის კლირენსი 30მლ/წთ-ზე ნაკლები) და/ან ღვიძლის ფუნქციების გამოხატული დარღვევა, მეტრონიდაზოლის სადღეღამისო დოზა 1000მგ-ია (ორჯერადი მიღებით). | |
| ურთიერთქმედება სხვა მედიკამენტებთან: | არ არის რეკომენდებული ინტრავენური შეყვანისთვის განკუთვნილი მეტრონიდაზოლის შერევა სხვა სამკურნალო პრეპარატებთან! საინექციოდ განკუთვნილი მეტრანიდაზოლის ურთიერთქმედება სხვა სამკურნალო საშუალებებთან უმნიშვნელოა, მიუხედავად ამისა, სიფრთხილის გამოჩენაა საჭიროა ზოგიერთ პრეპარატთან ერთდროული დანიშვნის შემთხვევაში: ვარფარინი და სხვა არაპირდაპირი ანტიკოაგულანტები. მეტრონიდაზოლი აძლიერებს არაპირდაპირი ანტიკოაგულანტების მოქმედებას, რაც იწვევს პროთრომბინული დროის გაზრდას. დისულფირამი (ესპერალი). ერთდროულმა მიღებამ შესაძლოა გამოიწვიოს სხვადასხვა ნევროლოგიური სიმპტომი, ამიტომ არ არის რეკომენდებული მეტრონიდაზოლის დანიშვნა ავადმყოფებისთვის, რომლებიც ბოლო ორი კვირის განმავლობაში იღებენ დისულფირამს. ციმეტიდინი ახდენს მეტრონიდაზოლის მეტაბოლიზმის ინჰიბირებას, რამაც შესაძლოა გამოიწვიოს სისხლის შრატში მისი კონცენტრაციის მომატება და გვერდითი მოვლენების განვითარების რისკის ზრდა. მეტრონიდაზოლის ერთდროულმა დანიშვნამ იმ პრეპარატებთან, რომლებიც იწვევენ ღვიძლში მიკროსომული დაჟანგვის ფერმენტების სტიმულაციას (ფენობარბიტალი, ფენიტოინი), შესაძლოა გამოიწვიოს მეტრონიდაზოლის ელიმინაციის დაჩქარება, რის შედეგადაც შეიძლება შემცირდეს მისი კონცენტრაცია პლაზმაში. პაციენტებს, რომლებიც ხანგრძლივად და დიდი დოზებით მკურნალობდნენ ლითიუმის პრეპარატებით, მეტრონიდაზოლის მიღებისას შესაძლოა მოემატოთ ლითიუმის კონცენტრაცია პლაზმაში და განუვითარდეთ ინტოქსიკაციის სიმპტომები. მეტრონიდაზოლის ანტიმიკრობული მოქმედება ძლიერდება სულფანილამიდებსა და ანტიბიოტიკებთან კომბინაციისას. | |
| გვერდითი მოვლენები: | კუჭ-ნაწლავის ტრაქტის მხრივ: გულისრევა, ღებინება, დიარეა, მადის დაკარგვა, პირში მეტალის არასასიამოვნო გემო, ეპიგასტრალური ტკივილები; ცნს-ის მხრივ: ხანგრძლივი მიღებისას – თავის ტკივილი, თავბრუსხვევა, აგზნებადობა, დეპრესიები, ძილის დარღვევა, სისუსტე; ცალკეულ შემთხვევებში – ცნობიერების დარღვევა, ჰალუცინაციები, კრუნჩხვები; შარდ-სასქესო სისტემის მხრივ: წვის შეგრძნება საშარდე გზებში, საშოში სოკოვანი ფლორის სიჭარბე (კანდიდოზი); დერმატოლოგიური რეაქციები: ალერგიული რეაქციები (გამონაყარი კანზე, ქავილი, ჭინჭრის ციება); ძვალ-კუნთოვანი აპარატის მხრივ; ართრალგიები; სისხლმბადი სისტემის მხრივ; ლეიკოპენია. მეტრონიდაზოლის მიღების დროს შესაძლოა აღინიშნოს შარდის მოწითალო-მოყავისფრო შეფერვა. | |
| სიფრთხილის ზომები: | სიფრთხილის გამოჩენაა საჭირო პრეპარატის დანიშვნისას თირკმლებისა და ღვიძლის დაავადებების მქონე პაციენტებისთვის. პრეპარატის მიღებისას არ არის რეკომენდებული ალკოჰოლური სასმელების გამოყენება, ვინაიდან მეტრონიდაზოლს გააჩნია უნარი გამოიწვიოს სპირტიანი სასმელებისადმი ზიზღის შეგრძნება. პრეპარატის ხანგრძლივი მიღებისას სასურველია პერიფერიული სისხლის მაჩვენებლების პერიოდული კონტროლი. | |
| გამოშვების ფორმა: | მუყაოს შეფუთვაში მოთავსებული 100მლ-იანი (5მგ/მლ) მინის ფლაკონები და გამოყენების ინსტრუქცია. | |
| შენახვის პირობები: | სინათლისგან დაცულ ადგილას, 25C ტემპერატურაზე ბავშვებისთვის მიუწვდომელ ადგილას. არ შეიძლება გაყინვა. | |
| ვარგისიანობის ვადა: | 3 წელი. არ შეიძლება გამოყენება ვარგისიანობის ვადის გასვლის შემდეგ. | |
| გაცემის წესი: | ექიმის რეცეპტით. |
Page generation time: 0. 051099836 sec.
