| დასახელება: | ვეროგალიდი ერ | |
| უნიფიცირებული დასახელება: | ვერაპამილი Verapamil | |
| დოზა: | 240მგ | |
| ფორმა: | გახანგრძლივებული მოქმედების აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 30 | |
| მწარმოებელი ქვეყანა: | ჩეხეთი | |
| კომპანია: | ტევა ფარმაცეუთიქალ ინდასთრის | |
| მწარმოებელი: | ტევა ჩეხ ინდასთრის | |
| რეგისტრაციის ნომერი დათარიღი: | ||
| გაცემის რეჟიმი: | ||
| ფარმაკოლოგიურიჯგუფი/ქვეჯგუფი: | ჯგ.:კალციუმის არხების მაბლოკირებელი საშუალება. ქვ/ჯგ.:I კლასის სელექტიური ბლოკატორები. |
|
| ა.თ.ქ. კლასიფიკაცია: | ||
C08DA01 | C გულ-სისხლძარღვთა სისტემა | |
| 08 კალციუმის არხების ბლოკატორები | ||
| D კალციუმის არხების სელექტიური ბლოკატორები გულზე პირდაპირი მოქმედებით | ||
| A ფენილალკილამინის წარმოებულები | ||
| ანოტაცია: | ||
| დოზირება და მიღების წესი: | ვეროგალიდი ერ 240 მგ მიიღება ჭამის დროს, წყლის მიყოლებით. აბის დაღეჭვის გარეშე. პრეპარატის დოზა ინდივიდუალურად შეირჩევა. არტერიული ჰიპერტენზია ავადმყოფებში არტერიული ჰიპერტენზიით პრეპარატის დოზა ვარირებს 240მგ-დან 360მგ-მდე. მაქსიმალური დღეღამური დოზა შეადგენს 360მგ-ს. დღეღამური დოზის მომატება 480მგ-მდე მხოლოდ სტაციონარში უნდა ჩატარდეს! ჩვეულებრივ ვეროგალიდი ერ 240 მგ ინიშნება საშუალო დღეღამური დოზით 240მგ (1 აბი) დილით დღეში ერთხელ, საჭიროების შემთხვევაში 240მგ დილით და 120მგ (1/2 აბი) საღამოს 12 საათიანი შუალედით. უფრო დაბალი საწყისი დოზები 120მგ ენიშნებათ პაციენტებს ღვიძლისა და თირკმლის ფუნქციის დარღვევით და ხანდაზმულ ავადმყოფებს. სტენოკარდიის შეტევების პროფილაქტიკა: მკურნალობის დასაწყისში პრეპარატი ინიშნება 120მგ-ით დღეში 1-2-ჯერ 12 საათიანი ინტერვალით. მაქსიმალური დღეღამური დოზა შეადგენს 240მგ-ს. პარკუჭზედა ტაქიარითმიების პროფილაქტიკა: საშუალო ერთჯერადი დოზა შეადგენს 120მგ-ს დღეში 1-2 ჯერ. | |
| გვერდითი მოვლენები: | გულ-სისხლძარღვთა სისტემის მხრივ: სინუსური ბრადიკარდია, სინოატრიული ბლოკადა, ასისტოლია, II და III ხარისხის AV-ბლოკადა, მოციმციმე არითმიის ბრადიარითმიული ფორმა, არტერიული წნევის დაქვეითება, გულის უკმარისობის განვითარება. ნერვული სისტემის მხრივ: თავბრუსხვევა, უმოქმედება, თავის ტკივილი, დაღლილობა, მომატებული აგზნებადობა, პარესთეზიები. სხვა: ალერგიული რეაქციები, პერიფერიული შეშუპებები, კუნთებისა და სახსრების ტკივილი. კუჭ-ნაწლავის ტრაქტის მხრივ: ყაბზობა, გულისრევა. ხანდაზმულ პაციენტებში ხანგრძლივი მკურნალობის დროს ძალიან იშვით შემთხვევებში აღინიშნება: გინეკომასტია, ღრძილების ჰიპერპლაზია, რომლებიც შექცევადია და პრეპარატის მოხსნის შემდეგ თავისით ქრება. ლაბორატორიული ანალიზები: ღვიძლის ტრანსამინაზების, ტუტე ფოსფატაზის დონის მომატება. | |
| ჭარბი დოზირება: | სიმპტომები: გამოხატული ბრადიკარდია, AV-ბლოკადა, არტერიული წნევის გამოხატული დაქვეითება, გულის უკმარისობა, შოკი, სინოატრიული ბლოკადა. მკურნალობა: ადრეული გამოვლენისას – ყველა შემთხვევაში რეკომენდებულია კუჭის ამორეცხვა, თუ პრეპარატის მიღებიდან გავიდა არა ნაკლებ 12 საათისა, და ასევე უფრო მოგვიანებით კუჭ-ნაწლავის ტრაქტის დაქვეითებული მოტორიკის დროს (აუსკულტაციით ნაწლავური ხმაურის არ არსებობა). მკურნალობა სიმპტომატურია. რითმისა და გამტარობის დარღვევების დროს – ვენაში იზოპრენალინი, ნორეპინეფრინი, ატროპინე, კალციუმის გლუკონატის 10%-იანი ხსნარის 10-20მლ, რითმის ხელოვნური მატარებელი, პლაზმის შემცვლელი ხსნარების ვენაში ინფუზია. ჰემოდიალიზი უეფექტოა. | |
| ურთიერთქმედება სხვა მედიკამენტებთან: | პრეპარატ ვეროგალიდ ერ 240 მგ-ის ერთდროული დანიშვნის დროს კარბამაზეპინთან ხდება უკანასკნელის მოქმედების გაძლიერება და მატულობს ნერვული სისტემის ტოქსიკური დარღვევების განვითარების საშიშროება. ვეროგალიდ ერ 240 მგ-ის დანიშვნა პაციენტებში, რომლებიც დიდი ხნის განმავლობაში ღებულობენ ლითიუმს, იწვევს სისხლის შრატში ლითიუმის კონცენტრაციების შემცირებას. რიფამპიცინთან ან ფენობარბიტალთან ერთდროული მიღება იწვევს ვეროგალიდ ერ 240 მგ-ის ეფექტურობის დაქვეითებას. ციმეტიდინი აძლიერებს ვეროგალიდ ერ 240 მგ-ის მოქმედებას, ვინაიდან ზრდის ვერაპამილის ბიოშეღწევადობას 40-50%-ით (ღვიძლის მეტაბოლიზმის შემცირების ხარჯზე), რის შედეგადაც შეიძლება საჭირო გახდეს უკანასკნელის დოზის შემცირება. ღვიძლში მეტაბოლიზმის დაჩქარებით ნიკოტინი იწვევს სისხლში ვერაპამილის კოცენტრაციის შემცირებას, რაც თავის მხრივ იწვევს ანტიანგინალური, ჰიპოტენზიური და ანტიარითმიული მოქმედებების გამოხატულობის შემცირებას. საინჰალაციო ანესთეტიკებთან ერთდროული გამოყენებისას მატულობს ბრადიკარდიის, AV-ბლოკადის, გულის უკმარისობის განვითარების საშიშროება. ერთდროული გამოყენება ანტიჰიპერტენზიულ სხვა პრეპარატებთან იწვევს მათი მოქმედებების გაძლიერებას. ბეტა-ადრენობლოკატორებთან კომბინაციამ შეიძლება გამოიწვიოს უარყოფითი ინოტროპული ეფექტის პოტენცირება, AV-გამტარობის დარღვევების, ბრადიკარდიის განვითარების საშიშროების მომატება. პრეპარატ ვეროგალიდ ერ 240 მგ-ისა და დიგოქსინის, თეოფილინის, ციკლოსპორინის ან ქინიდინის ერთდროული მიღებისას ვერაპამილით მკურნალობის ფონზე შესაძლებელია სისხლში ზემოთ აღნიშნული პრეპარატების კონცენტრაციების მომატება. | |
| განსაკუთრებული მითითებები: | ვერაპამილის დანიშვნამდე აუცილებელია გულის უკმარისობის კომპენსირება. ,პაციენტებს ჰიპერტროფიული კარდიომიოპათიით, არტერიული წნევის მოსამატებლად ენიშნებათ ალფა-ადრენომიმეტურები (ფენილეფრინი), არ იყენებენ იზოპროტერენოლს და ეპინეფრინს. არ არის რეკომენდებული მკურნალობის უცბად შეწყვეტა. მკურნალობის დროს საჭიროა გულ-სისხლძარღვთა და სასუნთქი სისტემების ფუნქციების კონტროლი სისხლში შაქრისა და ელექტროლიტების დონეებზე, მოცირკულირე სისხლის მოცულობაზე და გამოსაყოფი შარდის რაოდენობაზე. ორსულებში და მეძუძურ დედებში გამოყენება ნაჩვენებია მხოლოდ იმ შემთხვევაში, თუ დედისათვის მოსალოდნელი სარგებელი აღემატება ნაყოფზე ან ბავშვზე შესაძლო უარყოფით ზეგავლენას. | |
| გამოშვების ფორმა: | ფორმა 30 ან 100 აბები პლასტმასის კონტეინერში (ქილებში) მოსახრახნი თავსახურავით ან 10 აბები ბლისტერებში. პლასტმასის ყოველი კონტეინერი, 1 ბლისტერით (10 ტაბ) ან 3 ბლისტერით (330 ტაბ) მოთავსებულია მუყაოს კოლოფში გამოყენების ინსტრუქციასთან ერთად. | |
| გაცემის წესი: | ექიმის რეცეპტით. | |
| შემადგენლობა: | ვერაპამილის ჰიდროქლორიდი 240 მგ. დამხმარე ნივთიერებები: ნატრიუმის ალგინატი, მიკროკრისტალური ცელულოზა, პოვიდონი, მაგნიუმის სტეარატი, Clarum opadry YS-1-7006, Flavum opadry YS-5-12577. | |
| ფარმაკოდინამიკა: | კალციუმის “ნელი” არხების ბლოკატორი თრგუნავს კალციუმის იონების ტრანსმემბრანულ ტრანსპორტირებას კლუვკუნთოვანი უჯრედების კუმშვად ბოჭკოებში. ანტიანგინალური ეფექტი დაკავშირებული როგორც მიოკარდიუმზე პირდაპირი ზემოქმედებით, ასევე პერიფერიულ ჰემოდინამიკაზე მოქმედებით, პერიფერიული არტერიები ტონუსისა და საერთო პერიფერული სისხლძარღვოვანი წინაღობის შემცირების ხარჯზე. უჯრედში კალციუმის იონების შესვლის ბლოკადა იწვევს მიოკარდიუმის კუმშვადობის დაქვეითებას და მიოკარდიუმის მიერ ჟანგბადის მოთხოვნილების შემცირებას. ვერაპამილი ხასიათდება სპაზმოლიზური, ჰიპოტენზიური მოქმედებით, უარყოფითი ინო- და ქრონოტროპული მოქმედებით. იგი საგრძნობლად აქვეითებს AV-კვანძის გამტარობას, ახანგრძლივებს რეფრაქტერულ პერიოდს, თრგუნავს სინუსური კვანძის ავტომატიზმს. | |
| ფარმაკოკინეტიკა: | პერორელური მიღების შემდეგ ვერაპამილის 90% შეიწოვება საჭმლის მომნელებელ ტრაქტში, თუმცა პრეპარატის ბიოშეღწევადობა არ არის მაღალი და შეაგენს დაახლოებით 20%-ს ღვიძლში პირველადი გავლის დროს ინტენსიური მეტაბოლიზმის გამო. შეკავშირება სისხლის ცილებთან – 90%. მაქსიმალური კონცენტრაცია შეადგენს 80-400ნგ/მლ-ს. პლაზმაში მაქსიმალური კონცენტრაციის მიღწევის დრო პროლონგირებული ფორმების დროს შედაგენს 5-7 საათს. ნახევრად დაშლის პერიოდი პროლონგირებული ფორმისათვის 11 საათია. ვერაპამილი ძირითადში გამოიყოფა თირკმლებით და დაახლოებით 25% ნაღველით. პრეპარატი აღწევს პლაცენტარულ ბარიერში. გამოიყოფა დედის რძესთან ერთად. ღვიძლში ვერაპამილი განიცდის სწრაფ მეტაბოლიზმს N-დეზალკირილების და OO-დემეთილირების გზით რამდენიმე მეტაბოლიტს წარმოქმნით. | |
| ჩვენება: | • არტერიული ჰიპერტენზია; • სტენოკარდიის შეტევების პროფილაქტიკა (მათ შორის პრინცმეტალის ანუ ვარიანტული სტენოკარდია; • პარკუჭზედა ტაქიარითმიების პროფილაქტიკა. | |
| უკუჩვენება: | • პრეპარატის კომპონენტების მიმართ მომატებული მგრძნობელობა; • გამოხატული ბრადიკარდია; • არტერიული ჰიპოტენზია; • კარდიოგენული შოკი; • მიოკარდიუმის გართულებული ინფარქტის მწვავე სტადია (ბრადიკარდიის, გამოხატული არტერიული ჰიპოტენზიის, მარცხენაპარკუჭოვანი უკმარისობის მოვლენებით); • გულის უკმარისობა დეკომპენსაციის სტადიაში; • აორტის შესასვლელის სტენოზი; • მორგან-ადამს-სტოქსის სინდრომი; • II-III ხარისხის AV-ბლოკადა; • ვოლფ-პარკინსონ-უაიტის სინდრომი; • სუსტი სინუსური კვანძის სინდრომი; • ინტოქსიკაცია სათითურას პრეპარატებით; • წინა 2 საათის განმავლობაში ბეტა-ადრენობლოკატორების ვენაში შეყვანა; • ორსულობა და ლაქტაციის პერიოდი; • 18 წლამდე ასაკი (ეფექტურობა და უსაფრთხოება არ არის დადგენილი) პრეპარატი სიფრთხილით ინიშნება ავადმყოფებში ღვიძლის ფუნქციის დარღვევით და I ხარისხის AV-ბლოკადის დროს. |
Page generation time: 0. 051074849 sec.
