| დასახელება: | კეტოროლი | |
| უნიფიცირებული დასახელება: | კეტოროლაკი Ketorolac | |
| დოზა: | 10მგ | |
| ფორმა: | შემოგარსული აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 10 | |
| მწარმოებელი ქვეყანა: | საქართველო | |
| კომპანია: | ჯი-ემ-პი | |
| მწარმოებელი: | ჯი-ემ-პი | |
| რეგისტრაციის ნომერი დათარიღი: | #რ-038309 2023-08-06 - 2026-01-29 | |
| გაცემის რეჟიმი: | III ჯგუფი, გაიცემა რეცეპტის გარეშე | |
| ფარმაკოლოგიურიჯგუფი/ქვეჯგუფი: | ჯგ.:ანალგეზიური ანტიპირეტული საშუალებები. ქვ/ჯგ.:ცოგ-ის ინჰიბიტორები პერიფერიულ ქსოვილებსა და ცნს-ში. ჯგ.:ანთების საწინააღმდეგო არასტეროიდული საშუალებები. ქვ/ჯგ.:პიროლიზინკარბოქსილის მჟავას წარმოებულები. |
|
| ა.თ.ქ. კლასიფიკაცია: | ||
M01AB15 | M ძვალ-კუნთოვანი სისტემა | |
| 01 ანთების და რევმატიზმის საწინააღმდეგო პრეპარატები | ||
| A ანთების საწინააღმდეგო არასტეროიდული პრეპარატები | ||
| B ძმარმჟავას წარმოებულები | ||
| ანოტაცია: | ||
| შემადგენლობა: | კეტოროლაკი 0.01გ. | |
| ფარმაკოლოგიური თვისება: | არანარკოტიკული ანალგეტიკი, გამოხატული ტკივილგამაყუჩებელი, ანთების საწინააღმდეგო და ანტიაგრეგაციული თვისებებით. კეტოროლის მოქმედება დამყარებულია ფერმენტ ციკლოოქსიგენაზას ინჰიბირებასა და პროსტაგლანდინების სინთეზის დათრგუნვაზე. სისტემური ტკივილგამაყუჩებელი მოქმედება მნიშვნელოვნად აღემატება ანთების საწინააღმდეგო ეფექტს. არ ახასიათებს სედაცია, არ მოქმედებს ოპიოიდურ რეცეპტორებზე, არ იწვევს სუნთქვის ცენტრის დათრგუნვას და არ ახდენს გავლენას ფსიქომოტორულ ფუნქციებზე. კეტოროლი შიგნით მიღებისას სწრაფად და მთლიანად აბსორბირდება კუჭ-ნაწლავის ტრაქტიდან, 0,01 გ პრეპარატის მიღებისას Cmax მიიღწევა საშუალოდ 44 წთ-ში; კეტოროლის 99%-ზე მეტი უკავშირდება პლაზმის ცილებს. პრეპარატის ელიმინაცია ხდება ბიოტრანსფორმაციის გზით და ძირითადად თირკმლების საშუალებით. კეტოროლი არ იწვევს: გვერდით ეფექტებს ცნს-ის მხრივ, როგორიცაა მაგალითად, გულისრევა, ღებინება, სედატიური მოქმედება; სუნთქვის დართგუნვა, რომელიც შეიძლება აღინიშნოს ოპიატების სუბანალგეზიური დოზის მიღების დროსაც კი; ნაწლავების პერისტალტიკის შესუსტება ან შარდის შეკავება; ჰემოდინამიური, მაგალითად გულის შეკუმშვათა სიხშირის და არტერიული წნევის დარღვევები; ახასიათებს მაღალი ბიოშეღწევადობა; შეიძლება გამოყენება თირკმლის დაავადების შემთხვევაში, თუმცა თირკმლის უკმარისობის დროს აუცილებელის დოზის შემცირება, ხოლო ღვიძლის მძიმე დაზიანების შემთხვევაში ინიშნება სიფრთხილით. | |
| ჩვენება: | საშუალო და ძლიერი ინტენსივობის ტკივილის სინდრომი: - პოსტოპერაციული პერიოდის ტკივილი; - ძვლებისა და კუნთების ტკივილი (დაჭიმვა, ღრძობა, მოტეხილობა, რბილი ქსოვილების ტრავმა, მიალგია, იშიალგია, ოსტეოართროზის გამწვავება); - კბილის ტკივილი; - ონკოლოგიური დაავადებების თანმხლები ტკივილი; - მშობიარობსშემდგომი ტკივილი; - როგორც დამხმარე საშუალება თირკმლის და ნაღვლის ბუშტის კოლიკის დროს, სპაზმოლიტიკებთან ერთად. რადგან კეტოროლს გააჩნია ძირითადად პერიფერიული მოქმედება და არ გამოირჩევა ცენტრალური აქტივობით, სედატიური და საძილე მოქმედების აუცილებლობის შემთხვევაში (მაგალითად, პოსტოპერაციული პერიოდი), აუცილებელია მისი კომბინირება შესაბამისი მოქმედების პრეპარატებთან. | |
| უკუჩვენება: | კეტოროლის დანიშვნის უკუჩვენებებია - პრეპარატისადმი მაღალიმგრძნობელობა, 16 წლამდე ბავშვთა ასაკი, კუჭისა და თორმეტგოჯა ნაწლავის წყლულოვანი დაავადება (გამწვავების ფაზაში), ღვიძლისა და თირკმლების ფუნქციის გამოხატული დარღვევები, ანამნეზში სისხლის შედედების დარღვევის არსებობა, „ასპირინული” ასთმა, ორსულობა, ლაქტაცია (მკურნალობის პერიოდში საჭიროა ძუძუთი კვების შეწყვეტა). | |
| სიფრთხილის ზომები: | პრეპარატი სიფთხილით ინიშნება ავადმყოფებში, რომელთაც ანამნეზში აღენიშნებათ კუჭ-ნაწლავის ტრაქტიდან სისხლდენები და ეროზიულ-წყლულოვანი დაავადებანი, ღვიძლის, თირკმლებისა და ძვლის ტვინის ფუნქციათა დარღვევები, გულის ქრონიკული უკმარისობა, ბრონქული ასთმა, ბრონქოობსტრუქციული სინდრომი, ანგიონევროზული შეშუპება. დარღვეული სისხლის შემდედებელი ფუნქციის მქონე პაციენტებში კეტოროლი ინიშნება თრომბოციტების რაოდენობის მუდმივი კონტროლის ქვეშ. პრეპარატი არ ინიშნება პრემედიკაციის მიზნითა და სამეანო პრაქტიკაში ტკივილგამაყუჩებლის სახით. კეტოროლი შეუთავსებელია ლითიუმის პრეპარატებთან, პენტოქსიფილინთან, პრობენეციდთან, ანტიკოაგულანტებსა და სხვა ანთების საწინააღმდეგო არასტეროიდულ საშუალებებთან კომბინაციაში, ნორმოვოლემიის მქონე პაციენტებში იწვევს ფუროსემიდის დიურეზული ეფექტის შემცირებას. ამფ-ის ინჰიბიტორებთან კომბინაციაში იზრდება თირკმლების ფუნქციის დარღვევის შესაძლებლობა. დოზის გადაჭარბებისას: ერთჯერადი დოზის მიღების შემდეგ განვითარებული სიმპტომატოლოგია მუცლის ტკივილი, გულისრევა, ღებინება, ჰიპერვენტილაცია, პეპტიკური წყლულებისა და/ან ეროზიული გასტრიტის წარმოშობა, თირკმლების ფუნქციის დარღვევა. | |
| დოზირება და მიღების წესი: | დოზირება ხდება ინდივიდუალურად ტკივილის სინდრომის სიძლიერის მიხედვით. ერთჯერადი დოზა შეადგენს 0,01 გ-ს, მაქსიმალური დღიური დოზა - 0,09 გ. ჩვეულებისამებრ: 0,01 გ ყოველ 4-6 სთ-ში ერთხელ. ძლიერი ტკივილის დროს: 0,2-0,3 გ 3-4-ჯერ დღეში, მაქსიმალური დღიური დოზა - 0,12 გ. 50 კგ-ზე ნაკლები მასისა და 65 წელს გადაცილებულ ავადმყოფებში ან თირკმლის დისფუნქციის მქონე პირებში რეკომენდებული მაქსიმალური დოზაა 0,06 გ/დღეში. პრეპარატის აბირებული ფორმის მიღების მაქსიმალური ხანგრძლივობაა 7 დღე. | |
| გვერდითი მოვლენები: | დისპეფსიური მოვლენები, გასტრიტი, კნტ-ის ეროზიულ-წყლულოვანი დაზიანებანი; ძილიანობა, თავბრუსხვევა; თირკმლის მწვავე უკმარისობა, ნეფროზული სინდრომი, ინტერსტიციული ნეფრიტი, შრატში კრეატინინისა და შარდოვანას მატება; სისხლდენის ხანგრძლივობის გაზრდა; კანზე გამონაყარი. | |
| ვარგისიანობის ვადა: | 3 წელი. | |
| შენახვის პირობები: | 10-25C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილას! | |
| გამოშვების ფორმა: | აბი 0,01 გ, შეფუთვაში 10 აბი. | |
| გაცემის წესი: | რეცეპტის გარეშე! |
Page generation time: 0. 058782394 sec.
