| დასახელება: | ვენლაქსორი | |
| უნიფიცირებული დასახელება: | ვენლაფაქსინი Venlafaxine | |
| დოზა: | 75მგ | |
| ფორმა: | აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 30 | |
| მწარმოებელი ქვეყანა: | ლატვია | |
| კომპანია: | გრინდექსი | |
| მწარმოებელი: | გრინდექსი | |
| რეგისტრაციის ნომერი დათარიღი: | #რ-030435 2020-07-30 - 2025-07-30 | |
| გაცემის რეჟიმი: | II ჯგუფი, გაიცემა ფორმა №3 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:ანტიდეპრესანტები. ქვ/ჯგ.:ნორადრენალინისა და სეროტონინის უკუმიტაცების ინჰიბიტორები. |
|
| ა.თ.ქ. კლასიფიკაცია: | ||
N06AX16 | N ნერვული სისტემა | |
| 06 ფსიქოანალეფსიური საშუალებები | ||
| A ანტიდეპრეპსანტები | ||
| X სხვა ანტიდეპრესანტები | ||
| ანოტაცია: | ||
| გვერდითი მოვლენები: | ჩვეულებრივ, პრეპარატი კარგად გადაიტანება. გვერდითი მოქმედება, თუ იგი გამოვლინდება, უფრო ხშირია მკურნალობის დასაწყისში და, ჩვეულებრივ, ქრება მკურნალობის პირველი კვირების განმავლობაში. ყველაზე ხშირად შესაძლებელია ძილიანობის ან უძილობის განვითარება, მადის დაკარგვა, გულისრევა ან/ანდა ღებინება (უფრო მგრძნობიარე პაციენტებში), თავის ტკივილი, პირის სიმშრალე, მთქნარება, თავბრუსხვევა, ყაბზობა, სისუსტე, ოფლიანობა და ნერვოზულობა, შიშები, ტრემორი, მხედველობის დარღვევა, მენსტრუალური ციკლის დარღვევა, სასქესო ფუნქციების დარღვევები. იშვიათად შესაძლოა კრუნჩხვები (პრეპარატის გამოყენება უნდა შეწყდეს). შესაძლოა ქოშინი, ფაღარათი, მცირე ზომის სისხლჩაქცევები კანზე, ტკივილი სახსრებსა და კუნთებში, ხშირი შარდვა, ხმაური ყურებში, გემოვნების დარღვევა, გამელოტება, ფოტოფობია. ცალკეულ შემთხვევებში შეიძლება სწრაფად დაქვეითდეს არტერიული წნევა, შეიძლება ასევე გამოვლინდეს მომეტებული მგრძნობელობის (ანაფილაქსიის) მძიმე სიმპტომებიც, ცვლილებები ეკგ-ზე. არსებებოს ასევე ცნობები შემდეგ გვერდით ეფექტებზე: მუცლის ტკივილი, კოშმარული სიზმრები, დაბუჟება, კანკალი, არტერიული წნევის მომატება (იხ. განყოფილება პროფილაქტიკა), გულისცემის შეგრძნება, წონის დაკლება, აღგზნება, გამონაყარი, არითმიები, ჰემორაგიები, თრომბოციტოპენია (თრომბოციტების რიცხვის შემცირება), ფსიქიკისა და მოძრაობების დარღვევები, მანიის ან ჰიპომანიის გაძლიერება, შარდის შეკავება, მამაკაცებში _ მკერდის ჯირკვლების გადიდება, ანგიონევროზული შეშუპება, ერყტჰემა მულტიფორმე, სტივენს-ჯონსონის სინდრომი, ავთვისებიანი ნეიროლეპტიკური სინდრომი. ზოგ პაციენტს შეიძლება შეეცვალოს ნატრიუმის დონე სისხლში (ჰიპონატრიემია), მოემატოს ქოლესტერინის კონცენტრაცია და ღვიძლის ფერმენტების აქტივობა სისხლში. ამ გვერდითი ეფექტების გამოვლინების შემთხვევაში, განსაკუთრებით, გამონაყარის, ჭინჭრის ციების ან სხვა ალერგიული რეაქციებისა, ასევე სხვა მოუხსენიებელი სიმპტომების გამოჩენისას მიმართეთ ექიმს პრეპარატის შემდგომი გამოყენების თაობაზე! | |
| უკუჩვენება: | პრეპარატი არ შეიძლება გამოვიყენოთ ვენლაფაქსინის, ან/და პრეპარატის სხვა რომელიმე შემადგენელი ნაწილის მიმართ მომატებული მგრძნობელობისას; მძიმე ღვიძლის ან/და თირკმლის უკმარისობისას; ორსულობის და ლაქტაციის დროს, ბავშვებისა და მოზარდებისათვის 18 წლამდე, ასევე მაო-ს ინჰიბიტორებთან ერთად (პრეპარატების სხვა ჯგუფია, რომელიც გამოიყენება დეპრესიის სამკურნალოდ) თუ თქვენს შემთხვევაში შესაძლებელია ერთ-ერთი ამ მდგომარეობის ან დაავადების არსებობა, შეატყობინეთ ამის შესახებ ექიმს პრეპარატის მიღების დაწყებამდე. | |
| ორსულობა და ლაქტაცია: | პრეპარატით მკურნალობის დროს პაციენტები თავი უნდა შეიკავონ დაორსულობისაგან კონტრაცეპტული საშუალებების გამოყენებით. ორსულობის შემთხვევაში დაუყოვნებლივ აუცილებელია ექიმთან კონსულტაცია. პრეპარატის გამოყენებისას ლაქტაციის დროს ბავშვის ძუძუთი კვება უნდა შეწყდეს. | |
| განსაკუთრებული მითითებები: | როგორც ნერვულ სისტემაზე მოქმედმა ყველა პრეპარატმა, ვენლაქსორმა შეიძლება იმოქმედოს სატრანსპორტო საშუალებების მართვისა და მექანიზმების მომსახურების უნარზე. ამ პრეპარატის გამოყენების დროს სატრანსპორტო საშუალებების მართვისა და მექანიზმების მომსახურების დაწყების წინ დარწმუნდით, რომ თქვენი კონცენტრაციისა და მოძრაობების კოორდინაციის უნარი არაა დარღვეული. | |
| ჭარბი დოზირება: | პრეპარატის დიდი დოზის მიღების შემთხვევაში ყველაზე ხშირი სიმპტომი არის ძილიანობა. მძიმე შემთხვევებში შესაძლებელია კრუნჩხვები, ტაქიკარდია. პრეპარატთან ალკოჰოლის ან სხვა წამლების ერთდროული გამოყენებისას ვლინდება გულის მოქმედების სხვადასხვა დარღვევები, რომლებიც მანიფესტირდება ეკგ-ზე, აღინიშნება გულისცემის გაიშვიათება ან გახშირება, შესაძლებელია არტერიული წნევის დაქვეითება, წონასწორობის დარღვევა, ცნობიერების დარღვევები. თუ მოწამლვა მალე დადგინდება, საჭიროა კუჭის ამორეცხვა და გააქტიურებულ ნახშირსის მიღება. სიმპტომური მკურნალობა სპეციალისტის მეთვალყურეობის ქვეშ. სპეციფიკური ანტიდოტი უცნობია. წამლის ჭარბი დოზირებისას დაუყოვნებლივ მიმართეთ ექიმს! | |
| ურთიერთქმედება სხვა მედიკამენტებთან: | ვენლაქსორისა და ვარფარინის ერთდროული გამოყენებისას შეიძლება გაძლიერდეს ამ უკანასკნელის მოქმედება, რაც ახანგრძლივებს სისხლის შედედებას. თავის მხრივ, კლოზაპინთან პრეპარატის ერთდროული გამოყენებისას იზრდება კლოზაპინის გვერდითი ეფექტების გამოვლინების რისკი. ვენლაქსორის ციმეტიდინთან ერთდროული გამოყენებისას აუცილებელია დამატებითი მეთვალყურეობა ასაკოვან პაციენტებზე და ანამნეზში ღვიძლის უკმარისობის ან/და ჰიპერტენზიის მქონე პაციენტებში, რადგანაც ციმეტიდინმა შეიძლება გავლენა იქონიოს მის მოქმედებაზე (შეანელოს მისი დაშლა). ვენლაქსორისა და მაო-ს ინჰიბიტორების ერთდროულმა გამოყენებამ შეიძლება გამოიწვიოს მძიმე გვერდითი მოქმედება (სეროტონინის სინდრომი). ამავე მიზეზით ვენლაქსორის გამოყენება არ შეიძლება კრაზანას პრეპარატებთან, შაკიკის საწინააღმდეგო საშუალებებთან, სიბუტრამინთან, დექსტრამეთორფანთან, მცენარეული წარმოშობის პრეპარატ- კავა-კავასთან ერთად. არასასურველ ურთიერთქმედებასთან დაკავშირებით, არ შეიძლება ვენლაქსორის გამოყენება ზოლპიდემთან, ინდინავირთან და ენტაკაპონესთან ერთად. თუმცა ვენლაქსორი არ აძლიერებს ალკოჰოლით გამოწვეულ ეფექტებს, ამ პრეპარატით მკურნალობისას თავი უნდა შევიკავოთ ალკოჰოლის მიღებისაგან. პრეპარატით მკურნალობის დაწყებამდე შეატყობინეთ ექიმს იმის შესახებ, თუ რა წამლებს იღებთ ამჟამად. | |
| შენახვის პირობები: | ბნელ ადგილზე არაუმეტეს 25ºCტემპერატურაზე. შეინახეთ ბავშვებისათვის მიუწვდომელ ადგილას! | |
| ვარგისიანობის ვადა: | არ მიიღოთ წამლები, თუ ამოიწურა შეფუთვაზე მითითებული ვარგისიანობის ვადა! | |
| გაცემის წესი: | რეცეპტით. | |
| გამოშვების ფორმა: | ათ-ათი აბი თითო ფირფიტაზე. სამი ფირფიტა ინსტრუქციასთან ერთად - მუყაოს კოლოფში. | |
| სიფრთხილის ზომები: | პაციენტებმა ანამნეზში მიოკარდიუმის ინფარქტით, არასტაბილური სტენოკარდიით, ეპილეფსიით, მანიით, გლაუკომით, ღვიძლის ან თირკმლის უკმარისობით უნდა მიიღონ ვენლაქსორი სიფრთხილით, ექიმის მითითებების მკაცრი დაცვით. იმ შემთხვევებში, როდესაც აუცილებელია მაო-ს ინჰიბიტორის შეცვლა ვენლაქსორით, ექიმის მითითებით შეწყვეტილი უნდა იქნას მაო-ს ინჰიბიტორის მიღება, სულ ცოტა, 2 კვირით ადრე ვენლაქსორით მკურნალობის დაწყებამდე; და პირიქით, მაო-ს ინჰიბიტორის გამოყენებამდე 1 კვირით ადრე უნდა შეწყდეს ვენლაქსორით მკურნალობა. მკურნალი ექიმის მითითების გარეშე არასასურველია პრეპარატის მიღების შეწყვეტა! მიღების უეცარი შეწყვეტისას ან ვენლაქსორის დოზის სწრაფი შემცირებისას შესაძლოა შემდეგი სიმპტომების გამოჩენა: უღონობა, განგაში, თავის ტკივილი, გულისრევა ან ღებინება, თავბრუსხვევა, პირის სიმშრალე, ფაღარათი, ნერვოზულობა, დაბნეულობა, დაბუჟება (პარესთეზია), ოფლიანობა, წონასწორობის დარღვევა. ჩვეულებრივ, ეს სიმპტომები უმნიშვნელოდაა გამოხატული და რამოდენიმე დღის განმავლობაში ქრება. თუ პრეპარატი ერთ კვირაზე მეტხანს გამოიყენებოდა, მისი ხმარების შეწყვეტა უნდა მოხდეს თანდათანობით, სულ მცირე, ერთი კვირის განმავლობაში მაინც. თუ მკურნალობა 6 კვირას ან მეტხანს გრძელდებოდა, პრეპარატის მოხსნას ორი კვირის განმავლობაში აწარმოებენ. თუ პრეპარატის დღე-ღამური დოზა აჭარბებს 200 მგ-ს, პაციენტმა უნდა აკონტროლოს არტერიული წნევა. ლაქტოზის გადაუტანლობის მქონე პაციენტებს მხედველობაში უნდა ჰქონდეთ, რომ თითო აბი შეიცავს 30მგ (37.5მგ-იანი აბი) ან 60 მგ (75მგ-იანი აბი) ლაქტოზას. | |
| ჩვენება: | დეპრესიების სხვადასხვა ფორმების სამკურნალოდ, მათ შორის, განგაშის შეგრძნებით მიმდინარე დეპრესიების. | |
| შემადგენლობა: | ვენლაფაქსინს (ჰიდროქლორიდის სახით) 37.5მგ ან 75მგ. დამხმარე ნივთიერებები: უწყლო კალციუმის ჰიდროფოსფატი, უწყლო ლაქტოზა, ნატრიუმის სახამებლის გლიკოლატი, მაგნიუმის სტეარატი, კოლოიდური უწყლო სილიციუმის დიოქსიდი, საღებავი - რკინის ოქსიდი წითელი (E 172). | |
| ფარმაკოლოგიური თვისება: | ვენლაქსორი (ვენლაფაქსინი) მიეკუთვნება ანტიდეპრესანტების ჯგუფის პრეპარატებს, გააჩნია ასევე განგაშის საწინააღმდეგო მოქმედება. თვლიან, რომ დეპრესიებს იწვევს ტვინში სხვადასხვა მედიატორების ნაკლებობა, მათ შორის, სეროტონინის და ნორადრენალინის. ვენლაფაქსინი ზრდის ამ მედიატორების რაოდენობას. ამის შედეგად დეპრესიით დდავადებულებში უუმჯობესდებათ განწყობა, პაციენტები აღარ გრძნობენ თავს დათრგუნულად, ასევე მცირდება განგაშის გრძნობა. | |
| დოზირება და მიღების წესი: | მედიკამენტს იყენებენ ექიმის მითითების შესაბამისად. გამოყენების ხერხსა და დოზირებას განსაზღვრავს ექიმი. არ შეცვალოთ დოზა ექიმის მითითების გარეშე! მედიკამენტს იყენებენ ჭამის დროს, წყლის მცირე რაოდენობის დაყოლებით. დეპრესიები: ჩვეულებრივი დღე-ღამური დოზა შეადგენს 75მგ-ს 2-3 მიღებაზე. რამოდენიმე კვირის შემდეგ ექიმს შეუძლია, გაზარდოს დღე-ღამური დოზა 150მგ-მდე 2-3 მიღებაზე. აუცილებლობის შემთხვევაში დღე-ღამური დოზა შეიძლება გავზარდოთ 225მგ-მდეც კი. ჩვეულებრივ, დოზას ზრდიან ყოველ 4 დღეში ერთხელ 75მგ-ით. სტაციონარის პირობებში მძიმე დაავადებების დროს საწყისი დღე-ღამური დოზა შეადგენს 150მგ-ს, აუცილებლობის შემთხვევაში მას თანდათანობით ზრდიან მაქსიმალურ დღე-ღამურ დოზამდე - 375მგ-მდე, რომელსაც, ჩვეულებრივ, ყოფენ 3 მიღებაზე. თერაპიული ეფექტის მიღწევის შემდეგ ექიმი თანდათანობით ამცირებს დოზას. ღვიძლის ან თირკმლის უკმარისობის მქონე პაციენტებს დოზას უმცირებენ. საშუალო ხარისხის ღვიძლის უკმარისობისას ექიმი უნიშნავს დღე-ღამური დოზის ნახევარს ან კიდევ ნაკლებსაც კი; საშუალო ხარისხის თირკმლის უკმარისობისას კი - დღე-ღამური დოზის 25-50%-ს. ასაკოვან პაციენტებს დოზას, ჩვეულებრივ, არ ამცირებენ, მაგრამ მკურნალობის დროს აუცილებელია სიფრთხილის დაცვა. მითითება: თუ თქვენ დაგავიწყდათ ვენლაქსორის შემდგომი დოზის დროული მიღება, დაუყოვნებლივ გააკეთეთ ეს. თუ ახლოვდება წამლის შემდეგი მიღების დრო, არ გააორმაგოთ დოზა და გააგრძელეთ წამლის მიღება ექიმის რეკომენდაციის მიხედვით, მიღებებს შორის ინტერვალების დაცვით. |
Page generation time: 0. 050829780 sec.
