| დასახელება: | ლისტენონი | |
| უნიფიცირებული დასახელება: | სუქსამეთონიუმის ქლორიდი Suxamethonium chloride | |
| დოზა: | 20მგ/მლ | |
| ფორმა: | საინექციო ხსნარი | |
| შეფუთვა1: | 5მლ ამპულა | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 5 | |
| მწარმოებელი ქვეყანა: | ავსტრია | |
| კომპანია: | ტაკედა | |
| მწარმოებელი: | ტაკედა, ავსტრია | |
| რეგისტრაციის ნომერი დათარიღი: | #რ-022346 2017-05-19 - 2022-05-19 | |
| გაცემის რეჟიმი: | II ჯგუფი, აკრძალულია საცალო რეალიზაცია, გაიცემა მხოლოდ შესაბამისი ნებართვის (ლიცენზიის) მქონე დაწესებულებებზე | |
| ფარმაკოლოგიურიჯგუფი/ქვეჯგუფი: | ჯგ.:პერიფერიული მოქმედების მიორელაქსანტები. ქვ/ჯგ.:მადეპოლარიზებელი. |
|
| ა.თ.ქ. კლასიფიკაცია: | ||
M03AB01 | M ძვალ-კუნთოვანი სისტემა | |
| 03 მიორელაქსანტები | ||
| A პერიფერიული მოქმედების მიორელაქსანტები | ||
| B ქოლინის წარმოებულები | ||
| ანოტაცია: | ||
| ქიმიური დასახელება: | 2,2’-სუქცინილდიოქსიბის-(ეთილტრიმეთილამონიუმი) დიქლორიდი. | |
| შემადგენლობა: | 5მლ-იანი ერთი ამპულა შეიცავს 100მგ სუქსამეტონიუმის ქლორიდს იზოტონურ წყალხსნარში. | |
| აღწერილობა: | გამჭვირვალე უფერო ხსნარი. | |
| ფარმაკოდინამიკა: | პრეპარატის მიერ გამოწვეული მდგრადი დეპოლარიზაციის შედეგად ნერვ-კუნთოვან საბოლოო ფირფიტაში ნერვული იმპულსის ბლოკირებისა და კუნთოვან ბოჭკოებში აგზნების გავრცელების შეკავების მეშვეობით, ლისტენონი იწვევს ჩონჩხის კუნთების მოდუნებას. რელაქსაცია შემდეგი თანმიმდევრობით ვრცელდება: ქუთუთოები, საღეჭი კუნთები, კიდურების კუნთები, მუცლის კუნთები, ხმის იოგების კუნთები და ბოლოს, დიაფრაგმა. მუსკულატურის რელაქსაციის პროცესში შესაძლოა კუნთების ფასციკულურ შეკუმშვას ჰქონდეს ადგილი. დეპოლარიზაციის პროცესი არ წყდება ქოლინესთერაზის ინჰიბიტორების (მაგალითად, ნეოსტიგმინის) ზემოქმედებით. შრატის ქოლინესთერაზის ზემოქმედებით პრეპარატი ორგანიზმში სწრაფად იშლება აუტოგენურ ნივთიერებებად, რომლებსაც აღარ ახასიათებს მიორელაქსაციური თვისებები. აღნიშნულთან დაკავშირებულია პრეპარატის კარგი ამტანობა და კუმულაციის საშიშროების არარსებობა, რაც შესაძლებელს ხდის მიორელაქსაციის საჭირო ხარისხის მიღწევას ისეთი ოპერაციებისას, როდესაც არ არის აუცილებელი განივზოლოვანი მუსკულატურის ხანგრძლივი მოდუნება. ლისტენონი ახდენს სწრაფ და ხანმოკლე მოქმედებას, არ გააჩნია კუმულაციური თვისებები. | |
| ფარმაკოკინეტიკა: | პროლონგირებული მოქმედების მიორელაქსანტებისაგან განსხვავებით, ლისტენონი გამოირჩევა სწრაფი (1 წუთის განმავლობაში იწყება) და ხანმოკლე მოქმედებით (დაახ. 2 წთ) 8-10 წუთში მოქმედების სრული შეწყვეტით. იშვიათ შემთხვევაში შესაძლებელია გამოვლინდეს გახანგრძლივებული მიორელაქსაციური მოქმედება, თუ ლისტენონის შეყვანა (დოზა 3-5მგ/კგ სხეულის წონაზე) ხდება ფრაქციებად, დიდი ხნის განმავლობაში (ორმაგი ბლოკი). ამ ფაზაში ლისტენონის ნეიტრალიზება შეიძლება ნეოსტიგმინით. | |
| ჩვენება: | - ენდოტრაქეალური ინტუბაცია - ყველა პროცედურა, რომელსაც ესაჭიროება ჩონჩხის მუსკულატურის რელაქსაცია. - ამოვარდნილობების ჩასმა, აცდენილი მოტეხილობების რეპოზიცია. - ელექტროშოკური თერაპიისას სპონტანური დაზიანებების პროფილაქტიკა. ბავშვებში გამოიყენება მხოლოდ ექსტრემალური აუცილებლობისას (იხ. სიფრთხილის ზომები). გართულებების თავიდან აცილების მიზნით გამოიყენება მხოლოდ ექიმის დანიშნულებით! | |
| უკუჩვენება: | - სუქსამეტონიუმის ქლორიდისადმი მომატებულიმგრძნობელობა. - ღვიძლის ფუნქციების გამოხატული დარღვევები, ფილტვების შეშუპება, გამოხატული ჰიპერთერმია, პლაზმაში ქოლინესთერაზის დაქვეითებული შემცველობა, ჰიპერკალიემია ან ჰიპერკალიემიის რისკი მრავლობითი ტრავმების შემდეგ (5-90 დღე). - ნერვ-კუნთოვანი დაავადებები და ნევროლოგიური დარღვევები, მუსკულატურის რიგიდულობა. - მძიმე დაზიანებები და დამწვრობები, თვალის გამჭოლი დაზიანებები. საჭიროა სიფრთხილე გულის დაავადებების მქონე პაციენტებში, ბავშვებში და მოზარდებში (იხ. სიფრთხილის ზომები). ლისტენონი უკუნაჩვენებია ჩვილი ბავშვებისათვის. სუქსამეტონიუმის ქლორიდი არ არის რეკომენდებული ურემიის მქონე პაციენტებისთვის, განსაკუთრებით შრატის კალიუმის მაღალი დონის არსებობისას. ორსულობა და ლაქტაცია: გამოიყენება მხოლოდ აბსოლუტური ჩვენების შემთხვევაში. | |
| დოზირება და მიღების წესი: | ინტრავენურად (ასევე ინფუზიის სახით), საჭიროების შემთხვევაში, კუნთებში. ხანგრძლივი წვეთოვანი ინფუზიისთვის გამოიყენება ლისტენონის 0.1%-იანი ხსნარი. ამპულები არის გადატეხვის ხაზით, ხერხს არ საჭიროებს. ამპულის მდებარეობა ხელში: ფერადი წერტილი ზემოთ! ამპულის ზედა ნაწილიდან ხსნარის მოსაშორებლად ამპულა დაფერთხეთ. ამპულის თავი ქვევით ჩამოტეხეთ. დოზირება დამოკიდებულია კუნთების მოდუნების სასურველ ხარისხზე, სხეულის მასასა და პაციენტის ინდივიდუალურმგრძნობელობაზე. ლისტენონის 0.1მგ/კგ რაოდენობით შეყვანისას აღინიშნება ჩონჩხის მუსკულატურის მოდუნება სუნთქვითი ფუნქციების დათრგუნვის გარეშე. 0.2მგ/კგ-დან 1.0მგ/კგ-მდე დოზა იწვევს მუცლის კედლის კუნთებისა და ჩონჩხის მუსკულატურის სრულ მოდუნებას და შემდგომში სპონტანური სუნთქვის სრულ ან ნაწილობრივ შეზღუდვას. თუ ინტრავენური შეყვანა შეუძლებელია, ინიშნება 2.5მგ/კგ კუნთებში, მაქსიმალური დოზა 150მგ. კუნთებში ინექციის შედაგად კუნთების რელაქსაცია შეიძლება ოდნავ დაყოვნდეს. ბავშვებში გამოიყენება მხოლოდ უკიდურესი აუცილებლობის შემთხვევაში (იხ. სიფრთხილის ზომები). აუცილებლობის შემთხვევაში საბავშვო დოზებია: 1.0-2.0მგ/კგ-ზე ინტრავენურად ან 2.5მგ/კგ-მდე კუნთებში. წვეთოვანი შეყვანა: პაციენტის კონსტიტუციისა და კუნთების მოდუნების სასურველი ხარისხის მიხედვით, მოზრდილების დოზა შეადგენს – 0.1-0.2%-იანი ხსნარი ინტრავენურად 0.5მგ-5.0მგ/წთ-ში. 0.1 გ/5მლ ლისტენონის ამპულები შეთავსებადია ნატრიუმის ქლორიდის იზოტონურ, რინგერის, 5%-იან დექსტროზისა და 6%-იან დექსტრანის ხსნარებთან. 0.1 გ/5მლ ამპულების ლისტენონის შერევამ ტუტე რეაქციის მქონე სუბსტანციებთან, მაგალითად, ბარბიტურატებთან, შეიძლება ლისტენონის ეფექტი გააბათილოს. | |
| ორსულობა და ლაქტაცია: | ლისტენონის გამოყენება დაშვებულია მხოლოდ უკიდურესი აუცილებლობის შემთხვევაში. ლისტენონი გადის პლაცენტარულ ბარიერს. | |
| ურთიერთქმედება სხვა მედიკამენტებთან: | ფარმაცევტული: ლისტენონის 0.1გ/5მლ ამპულების შერევისას გარემოს ტუტე რეაქციის მქონე სუბსტანციებთან (მაგალითად, ბარბიტურატებთან) შეიძლება ლისტენონის ეფექტი დააქვეითოს. ფარმაკოდინამიკური და ფარმაკოკინეტიკური: ლისტენონის წინასწარი შეყვანა აძლიერებს არამადეპოლარიზებელი რელაქსანტების მოქმედებას. არამადეპოლარიზებელი რელაქსანტების წინასწარი დანიშვნა ამცირებს ან მთლიანად აღმოფხვრის ლისტენონის გვერდით მოვლენებს. სისხლის მიმოქცევის დარღვევასთან დაკავშირებული გვერდითი მოვლენები ძლიერდება ჰალოგენიზირებული ნარკოტული საშუალებების (ჰალოტანი) მიღებისას, ხოლო სუსტდება თიოპენტალისა და ატროპინის მიღებისას. ლისტენონის რელაქსაციური მოქმედება ძლიერდება ამინოგლიკოზიდების ან პოლიპეპტიდების ტიპის ანტიბიოტიკებით, ამფოტერიცინ B-თი, ციკლოპროპანით, პროპანიდიდით, ქინიდინითა და თიოტეპით, პარასიმპათომიმეტიკებით, ქოლინესთერაზის ინჰიბიტორებით, აიმალინით, ბეტა-ბლოკერებით, კალციუმის არხების ბლოკატორებით, ციკლოფოსფამიდით, თიოფოსფამიდით, ოქსიტოცინით, ციმეტიდინით, მეტოკლოპრამიდით, ფენოთიაზინით, ლითიუმის პრეპარატებითა და პერორალური კონტრაცეპტივებით. უნდა ვერიდოთ ინჰალაციურ საანესთეზიო საშუალებებთან ლისტენონის ერთდროულ მიღებას, ვინაიდან ეს ზრდის ავთვისებიანი ჰიპერთერმიის გაჩენის რისკს და აძლიერებს ლისტენონის მიღებასთან დაკავშირებულ ნერვ-კუნთოვან ბლოკს. სუქსამეტონიუმის ქლორიდი აძლიერებს დიგიტალისის პრეპარატების მოქმედებას (არითმიის წარმოქმნის საშიშროება). სისხლისა და პლაზმის ერთდროული ინფუზია ასუსტებს ლისტენონიის მოქმედებას. | |
| გვერდითი მოვლენები: | ძირითადად განპირობებულია დოზის გადაჭარბებითა და ჰიპერმგრძნობელობით. შეიძლება აღინიშნოს: ტაქიკარდია ან ბრადიკარდია, არითმია, პარკუჭების ფიბრილაცია, სისხლის წნევის მომატება ან დაქვეითება, თვალშიდა წნევის მომატება, ბრონქების ან ხორხის სპაზმი, გაძლიერებული სალივაცია, მუსკულატურის რიგიდობა, პოსტოპერაციული კუნთოვანი ტკივილი, ავთვისებიანი ჰიპერთერმია. რელაქსაციის პერიოდის გახანგრძლივების, მათ შორის აპნოეს მიზეზი შეიძლება იყოს: შრატის “ატიპიური” ქოლინესთერაზა, მემკვიდრეობით განპირობებული შრატის ქოლინესთერაზას დეფიციტი. მკურნალობა ან პროფილაქტიკა: სისხლის ან კონსერვირებული პლაზმის გადასხმა, ხელოვნური სუნთქვა ინტერმიტირებული დადებითი წნევით. ორმაგი ბლოკირება (იხ. ფარმაკოდინამიკა). | |
| სიფრთხილის ზომები: | არსებობს ინფორმაცია გულის სრული გაჩერების შესახებ სუქსამეტონიუმის ქლორიდის გამოყენებისას ბავშვებსა და მოზარდებში, რომელთაც ადრე არ ჰქონდათ დიაგნოსტირებული ნერვ-კუნთოვანი დაავადებები. გვერდითი მოვლენების განვითარების საშიშროების გათვალისწინებით, რეკომენდებულია სუქსამეტონიუმის ქლორიდის ხმარების შეზღუდვა გარეგნულად ჯანმრთელ ბავშვებსა და მოზარდებშიც კი, გარდა იმ შემთხვევებისა, როდესაც ჩასატარებელია დაუყოვნებელი ინტუბაცია ან კრიტიკულ სიტუაციაში საჭიროა სასუნთქი გზების გათავისუფლება. ლისტენონი, როგორც პერიფერიული მოქმედების ყველა მიორელაქსანტი, შეიძლება შეყვანილი იქნას მხოლოდ იმ ექიმების მიერ, რომელთაც შუძლიათ ინტრატრაქეალური ინტუბაციის ჩატარება და აქვთ ხელოვნური სუნთქვის აპარატთან მუშაობის და, აგრეთვე იმ აპარატებთან მუშაობის გამოცდილება, რომლებიც უზრუნველყოფენ ჟანგბადის საკმარის მიწოდებას და ნახშირორჟანგის გამოტანას. ლისტენონის გამოყენება დასაშვებია მხოლოდ ნარკოზის შეყვანის შემდეგ. გამოხატული ბრადიკარდიის, ბრონქოსპაზმის ან სხვა მუსკარინისმაგვარი რეაქციების თავიდან აცილების მიზნით, ლისტენონის გამოყენების წინ რეკომენდებულია ატროპინის შეყვანა. | |
| ჭარბი დოზირება: | იხ. გვერდითი მოვლენები. მკურნალობა სიმპტომური. | |
| გამოშვების ფორმა: | მუყაოს კოლოფში მოთავსებული 5მლ-იანი 5 ამპულა. | |
| შენახვის პირობები: | ინახება 2-8C ტემპერატურაზე სინათლისგან დაცულ ადგილას! შეინახეთ ბავშვებისთვის მიუწვდომელ ადგილას! | |
| ვარგისიანობის ვადა: | 36 თვე. | |
| გაცემის წესი: | მხოლოდ ექიმის რეცეპტით! მხოლოდ სტაციონარებისა და სპეციალიზებულ განყოფილებებისთვის. |
Page generation time: 0. 051418395 sec.
