This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:უპსარინი UPSA ვიტამინი C
უნიფიცირებული
დასახელება:
აცეტილსალიცილის მჟავა + ასკორბინის მჟავა Acetylsalicylic acid + Ascorbic acid
დოზა:-
ფორმა:შუშხუნა აბი
შეფუთვა1:-
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:10
მწარმოებელი ქვეყანა:საფრანგეთი
კომპანია:უპსა ლაბორატუარ
მწარმოებელი:უპსა ლაბორატუარ
რეგისტრაციის ნომერი და
თარიღი:
#რ-021991 2017-04-04 - 2020-07-17
გაცემის რეჟიმი:III ჯგუფი, გაიცემა რეცეპტის გარეშე
ფარმაკოლოგიური
ჯგუფი/ქვეჯგუფი:
ჯგ.:ანთების საწინააღმდეგო არასტეროიდული საშუალებები.
ქვ/ჯგ.: 
ა.თ.ქ. კლასიფიკაცია:
N02BA51	
N ნერვული სისტემა
	
02 ანალგეზიური საშუალებები
	
B ანალგეზიური ანტიპირექსიული საშუალებები
	
A სალიცილის მჟავა და მისი წარმოებულები
ანოტაცია:
	
	
შემადგენლობა:10ც აბი ტუბში, შეფუთვაში 1 ან 2 ტუბი. 1 აბი: აცეტისალიცილის მჟავა 330მგ, ასკორბინის მჟავა 200მგ. სხვა ნივთიერებები: გლიცინი, გაუწყლოებული ლიმონმჟავა, ნატრიუმის ბენზოატი, ნატრიუმის ჰიდროკარბონატი, პოვიდონი.
ფარმაკოლოგიური თვისება:უპსარინ უპსა C ვიტამინით კომბინირებული პრეპარატია, რომლის მოქმედება განპირობებულია მის შემადგენლობაში შემავალი კომპონენტებით. აცეტილსალიცილის მჟავას ანთების საწინააღმდეგო მოქმედება განპირობებულია ფერმენტ ციკლოოქსიგენაზა 1 და 2 ინჰიბირებით, რის გამოც აინჰიბირებს პროსტაგლანდინების სინთეზს და თრომბოციტების აგრეგაციას. იგი ხასიათდება ტკივილგამაყუჩებელი, ანთების საწინააღმდეგო და სიცხის დამწევი თვისებებით. ასკორბინის მჟავა მთავარ როლს თამაშობს ჟანგვა-აღდგენითი პროცესების რეგულაციაში, ნახშირწყლოვან ცვლაში, სისხლის შედედებაში, ქსოვილების რეგენერაციაში და უზრუნველყოფს ორგანიზმის გაზრდილ რეზისტენტობას. შუშხუნა აბის წყალში გახსნისას წარმოიქმნება ბუფერული ხსნარი, რომელიც პრეპარატის მიღების შემდეგ მოქმედ ნივთიერებას ინარჩუნებს გახსნილ მდგომარეობაში, ხელს უშლის კუჭის მჟავე გარემოში მოხვედრილ პრეპარატს გადავიდეს ისევ არახსნად ფორმაში და განაწილდეს მდგრადი ნაწილების სახით მის კედლებზე, შედეგად პრეპარატი სწრაფად და სრულად შეიწოვება.
ჩვენება:სხვადასხვა წარმოშობის სუსტი და საშუალო ინტენსიობის ტკივილები (ნევრალგია, თავის, კბილის, კუნთების და სახსრების ტკივილი, ტკივილი მენსტრუაციის დროს); ტემპერატურის მომატება გრიპის, გაცივებისა და სხვა ინფექციურ-ანთებითი დაავადებების დროს.
დოზირება და მიღების წესი:პრეპარატი მიიღება მოზრდილებსა და 15 წელს ზემოთ ასაკის ბავშვებში. მოზრდილებსა და ბავშვებში 15 წელს ზემოთ: 1-2 აბი მიიღება 2-3-ჯერ დღეში; მაქსიმალური დღიური დოზაა - 6 აბი. ხანდაზმულები: 1 აბი მიიღება 4-ჯერ დღეში; მაქსიმალური დღიური დოზა არ უნდა აღემატებოდეს 4 აბს. მიღების წესი: აბი იხსნება 200 მლ წყალში ან წვენში. მიღების სიხშირე და დრო: პრეპარატის მიღებებს შორის ინტერვალი უნდა შეადგენდეს არაუმეტეს 4 საათისა. პრეპარატის რეგულარული მიღება უზრუნველყოფს თავიდან ავიცილოთ ტემპერატურის უეცარი მატება, და ამცირებს ტკივილის ინტენსივობას. პრეპარატი, როგორც ტკივილგამაყუჩებელი საშუალება არ უნდა გამოვიყენოთ 5 დღეზე მეტ ხანს, ხოლო სიცხის დამწევის სახით 3 დღეზე მეტ ხანს ექიმის რეკომენდაციის გარეშე.
გვერდითი მოვლენები:რეკომენდებულ დოზებში გვერდითი მოვლენები არ აღინიშნება. იშვიათ შემთხვევაში შეიძლება განვითარდეს შემდეგი გვერდითი ეფექტები: ალერგიული რეაქციები - გამონაყარი კანზე, ბრონქოსპაზმი, კვინკეს შეშუპება; ჰაფტენური მექანიზმის ფონზე ,,ასპირინული” ტრიადა (ბრონქული ასთმა, ცხვირის მორეციდივე პოლინოზი და აცეტილსალიცილის მჟავასა და პირაზოლინის რიგის პრეპარატების აუტანლობა); კუჭ-ნაწლავის ტრაქტის დარღვევები: გულისრევა, ღებინება, ტკივილი ეპიგასტრიუმის არეში, დიარეა, სისხლდენა კუჭ-ნაწლავის ტრაქტიდან (,,ყავის ნალექის” მსგავსი ღებინება, “კუპრისფერი” განავალი), მადის დაქვეითება, ღვიძლის ტრანსამინაზების აქტივობის მომატება; თირკმლის ფუნქციის დარღვევა; თრომბოციტოპენია, ანემია, ლეიკოპენია, ჰიპერბილირუბინემია; ჰემორაგიული სინდრომი (სისხლდენა ცხვირიდან და ღრძილებიდან), სისხლის შედედების დროის გახანგრძლივება; ვიტამინი C მაღალმა დოზებმა (>1 გ-ზე მეტი) ავადმყოფებში გლუკოზა-6-ფოსფატდეჰიდროგენაზას დეფიციტით, შეიძლება გამოიწვიოს შარდ-კენჭოვანი დაავადება, ასევე შეიძლება გაზარდოს ჰემოლიზის განვითარების რისკი (სისხლის წითელი უჯრედების დაშლა). არასასურველი სიმპტომების გამოვლენისთანავე საჭიროა ექიმთან კონსულტაცია.
უკუჩვენება:მომატებული მგრძნობელობა აცეტილსალიცილის მჟავას ან მისი მონათესავე (არასტეროიდული ანთების საწინააღმდეგო) პრეპარატების და პრეპარატის შემადგენლობაში შემავალი სხვა კომპონენტების მიმართ; კუჭ-ნაწლავის ტრაქტის ეროზიულ-წყლულოვანი დაზიანებები (გამწვავების ფაზაში); სისხლდენა კუჭ-ნაწლავიდან; ღვიძლის ან თირკმელების დაზიანება; “ასპირინული ასთმა”; ჰემორაგიული დიათეზი (ჰემოფილია, ვილენბრანდის დაავადება, ტელანგიოექტაზია, ჰიპოპროთრომბინემია, თრომბოციტოპენია, თრომბოციტოპენიური პურპურა); აორტის ანევრიზმა; პორტალური ჰიპერტენზია; ვიტამინ K დეფიციტი; გლუკოზა-6-ფოსფატდეჰიდროგენაზას დეფიციტი, ფენილკეტონურია; ორსულობა (I და III ტრიმესტრი) და ლაქტაციის პერიოდი. არ არის რეკომენდებული პრეპარატის გამოყენება 15 წლამდე ასაკის ბავშვებში მწვავე რესპირატორული ვირუსული ინფექცით, რეიეს სინდრომის განვითარების რისკის გამო (ენცეფალოპათია და ღვიძლის მწვავე ცხიმოვანი დისტროფია, თირკმლის მწვავე უკმარისობა). სიფრთხილით: ჰიპერურიკემია, ურატული ნეფროლითიაზი, პოდაგრა, კუჭისა და 12-გოჯა ნაწლავის წყლულოვანო დაავადება (ანამნეზში) და დეკომპენსირებული გულის უკმარისობა. პრეპარატი არ გამოიყენება მეტოთრექსატთან (თუ მეტოთრექსატის დოზა >15 მგ-ზე) და პერორალურ ანტიკოაგულანტებთან (თუ აცეტილსალიცილის მჟავას დოზა > 3გ/დღეღამეში) კომბინაციაში. პრეპარტი არ მიიღება ან მიიღება მხოლოდ ექიმის რეკომენდაციით თუ მკურნალობა მიმდინარეობს: სხვა მონათესავე არასტეროიდული ანთების საწინააღმდეგო საშუალებებით (თუ აცეტილსალიცილის მჟავას დოზა > 3გ/დღეში); ჰეპარინით; შარდმჟავას გამომყოფი მედიკამენტებით; ტიკლოპიდინით.
ჭარბი დოზირება:(აცეტილსალიცილის მჟავას მიერ გამოწვეული) ნიშნები: მოწამვლა ადრეულ სტადიაზე - ც.ნ.ს-ის გაღიზიანება, თავბრუსხვევა, ძლიერი თავის ტკივილი, გასტრალგია, ყურებში ხმაური, სმენის დაქვეითება, მხედველობის დაქვეითება, გულისრევა, ღებინება, ქოშინი. მოგვიანებით ვითარდება ძილიანობა, კრუნჩხვები, ანურია, ცნობიერების დაქვეითება კომამდე, სუნთქვის უკმარისობა, წყალ-მარილოვანი ცვლის დარღვევა. მკურნალობა: ღებინების გამოწვევა ან კუჭის გამორეცხვა, აქტივირებული ნახშირის ან საფაღარათოების მიღება და ექიმის რეკომენდაცია. მკურნალობა უნდა ჩატარდეს სპეციალიზირებულ კლინიკაში.
ურთიერთქმედება სხვა მედიკამენტებთან:აცეტილსალიცილის მჟავა აძლიერებს მეტოთრექსატის ტოქსიურობას, ნარკოტიული ანალგეტიკების, სხვა არასტეროიდული ანთების საწინააღმდეგო საშუალებების, პერორალური ჰიპოგლიკემიური პრეპარატების, ჰეპარინის, არაპირდაპირი ანტიკოაგულანტების, თრომბოლიტიკების და თრომბოციტების აგრეგაციის ინჰიბიტორების, სულფანილამიდების, ტრიიოდთირონინის და რეზერპინის მოქმედებას. ამცირებს უროლოგიური პრეპარატების (ბენზბრომარონი, სულფინპირაზონი), ჰიპოტენზიური საშუალებების და დიურეტიკების (სპირონოლაქტონი, ფუროსემიდის) ეფექტს. გლიკოკორტიკოსტეროიდები, ალკოჰოლი და ალკოჰოლის შემცველი პრეპარატები ზრდიან დამაზიანებელ ეფექტს კუჭ-ნაწლავის ტრაქტის ლორწოვან გარსზე და სისხლდენის რისკს. აცეტილსალიცილის მჟავა ზრდის დიგოქსინის, ბარბიტურატების და ლითიუმის პრეპარატების კონცენტრაციას სისხლის პლაზმაში. მაგნიუმის და/ან ალუმინის ჰიდროქსიდის შემცველი ანტაციდები აფერხებს და ამცირებს აცეტილსალიცილის მჟავას შეწოვას. ასკორბინის მჟავა აუმჯობესებს რკინის შეწოვას ნაწლავებში. დაუშვებელია სხვა აცეტილსალიცილის მჟავას შემცველი პრეპარატების ერთდროული მიღება.
განსაკუთრებული მითითებები:რეკომენდებული დოზით აცეტილსალიცილის მჟავა ამცირებს შარდმჟავას გამოყოფას ორგანიზმიდან, რამაც შესაძლოა გამოიწვიოს პოდაგრის გამწვავება. პრეპარატის ხანგრძლივად გამოყენების დროს საჭიროა სისხლის საერთო და განავლის ანალიზის და ღვიძლის ფუნქციის პერიოდული კონტროლი. ქირურგიული ოპერაციის ჩატარებამდე აუცილებელია ექიმის ინფორმირება პრეპარატის გამოყენების შესაებ. ავადმყოფებს, რომლებიც იცავენ უმარილო ან ნაკლებად მარილიან დიეტას, უნდა გაითვალისწინონ, რომ თთოეული აბი შეიცავს 485გ ნატრიუმს.
შენახვის პირობები:ინახება ბავშვებისთვის მიუწვდომელ, მშრალ ადგილას, არაუმეტეს 30C ტემპერატურაზე.
გაცემის წესი:რეცეპტის გარეშე.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 047508949 sec.