This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:ქონდრო რიცი
უნიფიცირებული
დასახელება:
გლუკოზამინი + ქონდროიტინის სულფატი Glucosamine + Chondroitine sulfate
დოზა:450მგ
ფორმა:კაფსულა
შეფუთვა1:-
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:50
მწარმოებელი ქვეყანა:საქართველო
კომპანია:ჯი-ემ-პი
მწარმოებელი:ჯი-ემ-პი
რეგისტრაციის ნომერი და
თარიღი:
#რ-038017 2023-05-05 - 2028-05-05
გაცემის რეჟიმი:III ჯგუფი, გაიცემა რეცეპტის გარეშე
ფარმაკოლოგიური
ჯგუფი/ქვეჯგუფი:
ჯგ.:შემაერთებელ ქსოვილში ნივთიერებათა ცვლაზე მოქმედი საშუალებები.
ქვ/ჯგ.:ხრტილოვან ქსოვილში ნივთიერებათა ცვლაზე მოქმედი.
ა.თ.ქ. კლასიფიკაცია:
M01AX	
M ძვალ-კუნთოვანი სისტემა
	
01 ანთების და რევმატიზმის საწინააღმდეგო პრეპარატები
	
A ანთების საწინააღმდეგო არასტეროიდული პრეპარატები
	
X ანთების საწინააღმდეგო არასტეროიდული სხვა პრეპარატები
ანოტაცია:
	
	
შემადგენლობა:ქონდროიტინის სულფატი A+C- 200მგ და D-გლუკოზამინის სულფატი 250მგ.
ფარმაკოლოგიური თვისება:პრეპარატი არეგულირებს ნივთიერებათა ცვლას ხრტილოვან ქსოვილში, ხასიათდება ანთების საწინააღმდეგო და ტკივილგამაყუჩებელი თვისებებით, ამცირებს ტკივილს მოსვენებისა და დატვირთვის დროს, ანთების საწინააღმდეგო არასტეროიდული საშუალებების დანიშვნის საჭიროებას. ქონდროიტინ სულფატი გლიკოზამინოგლიკანია, რომელიც წარმოადგენს აუცილებელ კომპონენტს ხრტილში შემავალი პროტეოგლიკანების ფორმირებისათვის. მისი პოლისაქარიდული ჯაჭვები შედგება რამოდენიმე უნიკალური, თუმცა სტრუქტურულად მსგავსი დისაქარიდისგან, რომელთაგან ყველაზე ხშირად გვხვდება ქონდროიტინ-4 სულფატი და ქონდროიტინ-6 სულფატი. ასაკის მატებასთან ერთად ქონდროციტები გამოყოფენ ქონდროიტინის შემცირებულ და სხვა გლიკოზამინოგლიკანების (მაგ. კერატინ სულფატის) მომატებულ რაოდენობას, რაც ხელს უწყობს ხრტილში დეგენერაციული პროცესების განვითარებას და პროგრესირებას. ქონდროიტინ სულფატი ზრდის ქონდროციტებში რნმ-ის შემცველობას, პროტეოგლიკანების და კოლაგენის სინთეზს, აინჰიბირებს მატრიქსული მეტალოპროტეინაზების აქტივობას, თრგუნავს ინტერლეიკინ-1-ით სტიმულირებული სინოვიური ფიბრობლასტების მიერ პროსტაგლანდინების სინთეზს და ნიველირებას უწევს ჰიალურონის მჟავას სინთეზის დარღვევას. ქონდროიტინ სულფატი აფერხებს NO-თი ინდუცირებულ ქონდროციტების აპოპტოზს, მონაწილეობს ძვლის მინერალიზაციის პროცესში, აბლოკირებს პროტეოლიზურ ფერმენტებს, ასტიმულირებს პროტეოგლიკანების და ჰიალურონატის სინთეზს, აფერხებს ანთებითი პროცესის განვითარებას და ამცირებს მოთხოვნას ანთების საწინააღმდეგო არასტეროიდულ საშუალებებზე, დიდი მნიშვნელობა აქვს, როგორც სახსრის წარმომქმნელი ძვლების ზედაპირების ერთგვარ “საპოხ” ნივთიერებას. ქონდროიტინ სულფატის მიღება დადებითად მოქმედებს ისეთ მაჩვენებლებზე, როგორებიცაა სახსრის შეშუპება, ტკივილი პალპაციისას, მოძრაობის სიფართე, გამწვავებების სიხშირე. ქონდროიტინ სულფატი ხასიათდება ანტითრომბოზული მოქმედებით, იგი აუმჯობესებს სინოვიურ და სუბქონდრიალურ მიკროცირკულაციას, გავლენას ახდენს ხრტილოვან ქსოვილში ფოსფორისა და კალციუმის ცვლაზე, აფერხებს ძვლის ქსოვილის რეზორბციას, კალციუმის დანაკარგს, ხელს უწყობს ძვლოვანი ქსოვილის აღდგენას და ამუხრუჭებს ხრტილოვანი ქსოვილის დეგენერაციის პროცესს. გლუკოზამინის სულფატი ენდოგენური ნივთიერება, შედის პროტეოგლიკანების და გლუკოზამინოგლიკანების შემადგენლობაში. წარმოადგენს სახსრის სინოვიალური სითხის მთავარ კომპონენტს და უზრუნველყოფს ხრტილოვანი ქსოვილის სტრუქტურულ მთლიანობას. სისტემატური გამოყენებისას პროტეოგლიკანების და ჰიალურონის მჟავას სინთეზის აქტივაციის გზით ხელს უშლის სახსრებში, ხერხემალში, ხერხემალთან მდებარე რბილ ქსოვილებში დეგენერაციული პროცესების განვითარებას. გლუკოზამინი წარმოადგენს უჯრედული მემბრანის, უჯრედის ზედაპირული ცილების, ასევე უჯრედების შემაერთებელი შუამდებარე სტრუქტურების შემადგენელ კომპონენტს. უშუალოდ ან ირიბად იგი მონაწილეობას ღებულობს სასახსრე ზედაპირების, მყესების, იოგების, სინოვიური სითხის, კანის, ძვლოვანი ქსოვილის, ფრჩხილების, გულის სარქველების, სისხლძარღვების, ასევე საჭმლის მომნელებელი, სასუნთქი და საშარდე გზების ლორწოვანი გარსების შენებაში. გლუკოზამინის ქონდროპროტექტორულ მოქმედებას საფუძვლად უდევს მისი თვისება, მოახდინოს პროტეოგლიკანების ფორმირებისათვის აუცილებელი გლიკოზამინოგლიკანების და ჰიალურონის მჟავას სინთეზი. იგი ასტიმულირებს ქონდროციტების მიერ პროტეოგლიკანების და კოლაგენის სინთეზს, ამცირებს პროტეოლიზური ფერმენტების სტრომელიზინის, აგრეკანაზის, კოლაგენაზის, ფოსფოლიპაზა A2-ის აქტივობას და შესაბამისად აფერხებს კოლაგენის დეგრადაციას. გლუკოზამინ სულფატს გააჩნია ანთების საწინააღმდეგო მოქმედება, თუმცა იგი არ არის დაკავშირებული პროსტაგლანდინებთან და არ ახასიათებს პირდაპირი გამაუტკივარებელი ეფექტი. იგი აფერხებს სუპეროქსიდული რადიკალების წარმოქმნას, აინჰიბირებს ლიზოსომური ფერმენტების აქტივობას, NO-ს სინთეზს, ამცირებს ინტერლეიკინ 1-ის დონეს, ზრდის სინოვიოციტების მიერ ჰიალურონის მჟავას სინთეზს. გლუკოზამინ სულფატის მიღება ამცირებს ტკივილს, ზრდის სახსრის მოხრის კუთხეს, მოძრაობის ტემპს, აღადგენს სახსროვან ფუნქციებს. იგი პოტენცირებას უწევს ანთების საწინააღმდეგო არასტეროიდული საშუალებების დაბალი დოზების მოქმედებას, არ გააჩნია ულცეროგენული მოქმედება და ახასიათებს გასტროპროტექტორული ეფექტი. გაცილებით მყარი და გამოხატული კლინიკური ეფექტი ვლინდება გლუკოზამინის და ქონდროიტინ სულფატის კომბინირებული მიღებით. მათი განსხვავებული მოქმედების მექანიზმი უფრო სინერგიულია, ვიდრე ურთიერთშემავსებელი, რამდენადაც ორივე კომპონენტი ენდოგენური შენაერთია. გლუკოზამინი უპირატესად ქონდროციტებზე, ქონდროიტინ სულფატი კი ექსტრაცელულურ მატრიქსზე მოქმედი კომპონენტია, მათი კომბინაცია კი გაცილებით ეფექტურად აინჰიბირებს ქონდროლიზის პროცესებს და აჩერებს ხრტილოვანი ქსოვილის დესტრუქციას, ვიდრე მათი მოქმედება ცალ-ცალკე. გლუკოზამინის მოქმედება იწყება მკურნალობიდან მე-2-3 კვირას, ქონდროიტინ სულფატის კი მე-4-6 კვირას. ანთების საწინააღმდეგო არასტეროიდული პრეპარატებისგან განსხვავებით ქონდროპროტექტორების მოქმედება გრძელდება მკურნალობის შეწყვეტის შემდგომ პერიოდშიც.
ჩვენება:- სახსრებისა და ხერხემლის სვეტის დეგენერაციულ-დისტროფიული დაავადებების მკურნალობა და პროფილაქტიკა; - პირველადი და მეორადი ოსტეოართრიტი (ოსტეოართროზი); - სხვადასხვა ლოკალიზაციის ოსტეოართრიტი (მუხლის, მენჯ-ბარძაყის, სხივ-მაჯის სახსრები, ხერხემალი და სხვა); - მხარ-ბეჭის პერიართრიტი; - ოსტეოქონდროზი; - სპონდილოზი; - ოსტეოპოროზი, პარადონტოპათია; - მოტეხილობები (შეხორცების ძვლოვანი კორძის წარმოქმნის დასაჩქარებლად).
უკუჩვენება:პრეპარატის კომპონენტებისადმი მაღალიმგრძნობელობა.
სიფრთხილის ზომები:კომბინირებული დანიშვნისას გლუკოზამინი აძლიერებს ტეტრაციკლინების და ამცირებს პენიცილინებისა და ქლორამფენიკოლის შეწოვას კუჭ-ნაწლავის ტრაქტიდან. ორსულობის და ლაქტაციის (ძუძუთი კვების) პერიოდში პრეპარატის უსაფრთხოება შესწავლილი არ არის.
დოზირება და მიღების წესი:ხონდრო-რიცის თერაპიული კურსის საწყისი დოზაა 6 კაფსულა დღეში 10-14 დღის განმავლობაში, შემდეგ 4 კაფსულა დღეში 1,5-2 თვის განმავლობაში მისაღებად. კაფსულები ინიშნება ჭამის წინ. ხონდრო-რიცის ეფექტი იზრდება თანდათანობით, თერაპიული კურსის განმეორება სასურველია 6 თვიანი ინტერვალებით.
გვერდითი მოვლენები:იშვიათად - ალერგიული რეაქციების გამოვლინება, შესაძლებელია ტკივილი ეპიგასტრალურ არეში, გულისრევა, მეტეორიზმი, დიარეა, ყაბზობა.
ვარგისიანობის ვადა:3 წელი.
შენახვის პირობები:10-25C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილას!
გამოშვების ფორმა:50 კაფსულა ბლისტერებში. მეორადი შეფუთვა: მუყაოს კოლოფში.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 050138812 sec.