This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







მოიძებნა 1 შედეგი.


დასახელება:ავეკორი
უნიფიცირებული
დასახელება:
ბისოპროლოლი Bisoprolol
დოზა:5მგ
ფორმა:შემოგარსული აბი
შეფუთვა1:-
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:30
მწარმოებელი ქვეყანა:საქართველო
კომპანია:ავერსი-რაციონალი
მწარმოებელი:ავერსი-რაციონალი
რეგისტრაციის ნომერი და
თარიღი:
#რ-027716 2019-02-04 - 2024-02-04
გაცემის რეჟიმი:II ჯგუფი, გაიცემა ფორმა №3 რეცეპტით
ფარმაკოლოგიური
ჯგუფი/ქვეჯგუფი:
ჯგ.:ბეტა1-ადრენომაბლოკირებელი საშუალება.
ქვ/ჯგ.: 
ა.თ.ქ. კლასიფიკაცია:
C07AB07	
C გულ-სისხლძარღვთა სისტემა
	
07 ბეტა- ადრენობლოკატორები
	
A ბეტა- ადრენობლოკატორები
	
B სელექტური ბეტა- ადრენობლოკატორები
ანოტაცია:
	
	
უკუჩვენება:- გულის უკმარისობა; - კარდიოგენული შოკი; - სინოატრიალური ბლოკადა; - II და III ხარისხის ატრიოვენტრიკულური ბლოკადა; - ბრადიკარდია (გულის შეკუმშვათა სიხშირე არანაკლებ 50 დარტყმა/წთ-ში); - არტერიული ჰიპოტენზია; - ბრონქული ასთმა და სასუნთქი გზების სხვა ობსტრუქციული დაავადებები.
ორსულობა და ლაქტაცია:ავეკორი 5-ის და 10-ის გამოყენება ორსულობისა და ლაქტაციის პერიოდში უკუნაჩვენებია, რადგან არ არსებობს პრეპარატის გამოყენების უსაფრთხოების დამადასტურებელი უტყუარი კლინიკური მონაცემები. ორსულობის დროს ავეკორი 5-ის და 10-ის გამოყენება შესაძლებელია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების რისკს. პრეპარატის მიღებამ ორსულობის ბოლო პერიოდში შეიძლება გამოიწვიოს ნაყოფში/ახალშობილში ბრადიკარდია ან ჰიპოტენზია, ამიტომ ავეკორი 5-ით და 10-ით მკურნალობა უნდა შეწყდეს მშობიარობის მოსალოდნელ ვადამდე 72სთ-ით ადრე. თუ პრეპარატის მიღების შეწყვეტა შეუძლებელია, ახალშობილი უნდა იმყოფებოდეს ექიმის მეთვალყურეობის ქვეშ. ექსპერიმენტული კვლევების დროს არ გამოვლენილა რეპროდუქციული ფუნქციის დარღვევა და შთამომავლობაში ცვლილებები.
განსაკუთრებული მითითებები:ავეკორი 5 და 10 სიფრთხილით გამოიყენება პაციენტებში გახანგრძლივებული Pღ ინტერვალით, პერიფერიული სისხლის მიმოქცევის დარღვევით, როგორიცაა რეინოს სინდრომი. პაციენტებში გულის იშემიური დაავადებით პრეპარატის მიღების უეცარი შეწყვეტა დაუშვებელია. რადგან ავეკორი 5 და 10 წარმოადგენს მაღალსელექტიურ ბეტა1- ადრენორეცეპტორების მაბლოკირებელ საშუალებას, იგი სიფრთხილით გამოიყენება სასუნთქი გზების ქრონიკული ობსტრუქციული დაავადებების ან თანდაყოლილი ასთმის დროს; აგრეთვე სისხლში გლუკოზის მკვეთრი ცვლილებებით მიმდინარე შაქრიანი დიაბეტით დაავადებულ პაციენტებში, რადგან პრეპარატით მკურნალობის დროს შესაძლებელია ჰიპოგლიკემიის სიმპტომების შენიღბვა.
ჭარბი დოზირება:ავეკორი 5-ის და 10-ის ჰიპერდოზირების დროს, რომელიც ვლინდება გულის შეკუმშვათა სიხშირის და წნევის მკვეთრი დაცემით, გულის უკმარისობით, ბრონქოსპაზმით, მისი მიღება უნდა შეწყდეს. მკურნალობა: კუჭის ამორეცხვა, გააქტივებული ნახშირის მიღება. აუცილებლობის შემთხვევაში გამოიყენება შემდეგი ანტიდოტები (ცალკე ან თანმიმდევრობით): ვენაში შეჰყავთ ატროპინი დოზით 0.5-2.0მგ, ორციპრენალინი დოზით 0.5მგ, აგრეთვე გლუკაგონი დოზით 1-5 მგ.
ურთიერთქმედება სხვა მედიკამენტებთან:ერთდროული გამოყენებისას ავეკორი 5 და 10 აძლიერებს ანტიჰიპერტენზიული პრეპარატების მოქმედებას. ერთდროული გამოყენებისას რეზერპინთან, ალფა-მეთილდოფასთან და კლონიდინთან შესაძლებელია გულის შეკუმშვათა სიხშირის მკვეთრი შემცირება. მაგრამ, კლონიდინის მიღების შეწყვეტა შეიძლება მხოლოდ იმ შემთხვევაში, თუ ავეკორი 5-ის და 10-ის მიღება შეწყდა რამდენიმე დღით ადრე, რადგანაც შესაძლებელია არტერიული წნევის მკვეთრი მომატება. ავეკორი 5-ის და 10-ის ერთდროული გამოყენებისას ვერაპამილის ან დილთიაზემის ტიპის კალციუმის არხის ბლოკატორებთან ან სხვა ანტიარითმულ საშუალებებთან ერთად, როგორიცაა დიზოპირამიდი, შესაძლებელია გულის შეკუმშვათა სიხშირის შემცირება, არტერიული წნევის მკვეთრი დაქვეითება, ამიტომ პრეპარატით მკურნალობის დროს არ არის ნებადართული კალციუმის ანტაგონისტებისა და ანტიარითმული პრეპარატების ვენაში შეყვანა. ავეკორი 5-ის და 10-ის რიფამპიცინთან ერთდროული გამოყენებისას უმნიშვნელოდ მცირდება ბისოპროლოლის ნახევარგამოყოფის პერიოდი, რაც, ჩვეულებრივ არ მოითხოვს პრეპარატის დოზის გაზრდას. ინსულინთან ან სხვა ჰიპოგლიკემიურ საშუალებებთან ერთდროული გამოყენებისას მათი მოქმედება ძლიერდება. ანესთეზია: რადგან ნარკოზმა შეიძლება გამოიწვიოს გულის ფუნქციური მდგომარეობის გაუარესება, ქირურგიული ჩარევის წინ აუცილებელია ექიმის ინფორმირება ავეკორი 5-ით და 10-ით მკურნალობის შესახებ. აგრეთვე სიფრთხილეა საჭირო ციკლოპროპანისა და ტრიქლორეთილენის გამოყენებისას.
შენახვის პირობები:ინახება არა უმეტეს 30ºC ტემპერატურაზე, ბავშვებისაგან დაცულ ადგილას.
აღწერილობა:სპილოს ძვლის ფერის - ავეკორი 5 და ღია ყავისფერი – ავეკორი 10, მრგვალი ფორმის, ორმხრივ ამობურცული ზედაპირის მქონე შემოგარსული აბები ჭდით.
ვარგისიანობის ვადა:3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
გაცემის წესი:გაიცემა რეცეპტით.
შეფუთვა:10 აბი კონტურულ უჯრედოვან შეფუთვაში, 3 კონტურული შეფუთვა მუყაოს შეკვრაში.
ჩვენება:- არტერიული ჰიპერტენზია; - გულის იშემიური დაავადება (სტენოკარდია); - გულის ქრონიკული უკმარისობა.
შემადგენლობა:1 აბი შეიცავს: ბისოპროლოლის ფუმარატს – 5 მგ ან 10 მგ. დამხმარე ნივთიერებები: სიმინდის სახამებელი, მიკროკრისტალური ცელულოზა, კალციუმის ჰიდროფოსფატი, კოლოიდური სილიციუმის ანჰიდრიდი, კროსპოვიდონი, მაგნიუმის სტეარატი, ჰიპრომელოზა E5, ტიტანის დიოქსიდი, მაკროგოლი 6000, დიმეტიკონი 350, რკინის ოქსიდი.
ფარმაკოლოგიური თვისება:ავეკორი 5 და 10 წარმოადგენს მაღალსელექტიურ ბეტა1-ადრენორეცეპტორების მაბლოკირებელ საშუალებას. თერაპიულ დოზებში გამოყენებისას მას არ გააჩნია შინაგანი სიმპატომიმეტური აქტივობა და კლინიკურად მნიშვნელოვანი მემბრანომასტაბილიზირებელი თვისებები. სტენოკარდიით შეპყრობილ პაციენტებში პრეპარატი ამცირებს გულის შეკუმშვათა ძალას და სიხშირეს, მიოკარდიუმის ჟანგბადისადმი მოთხოვნილებას. ავეკორი 5 და 10 ავლენს ჰიპოტენზიურ მოქმედებას გულის მიერ გადმოსროლილი სისხლის მოცულობის შემცირების ხარჯზე და აგრეთვე თირკმელების მიერ რენინის სეკრეციის შემცირების გამო.
ფარმაკოკინეტიკა:პრეპარატი პერორალურად მიღების შემდეგ კარგად აბსორბირდება კუჭ-ნაწლავის ტრაქტიდან. ბიოშეღწევადობა შეადგენს დაახლოებით 90% და არ არის დაკავშირებული საკვების მიღებასთან. ბისოპროლოლი თანაბარი რაოდენობით განიცდის ბიოტრანსფორმაციას ღვიძლში და თირკმელებში. პრეპარატის ნახევარგამოყოფის პერიოდი სისხლის პლაზმიდან შეადგენს 10-12 სთ-ს. ბისოპროლოლის დაახლოებით 95% ელიმინირდება თირკმელების საშუალებით (50%-უცვლელი სახით, დანარჩენი – არააქტიური მეტაბოლიტების სახით).
დოზირება და მიღების წესი:მოზრდილებში: რეკომენდებული დოზა – 10მგ ერთხელ დღეში, მაქსიმალური რეკომენდებული დოზა - 20მგ დღეში. ზოგიერთი პაციენტისათვის საკმარის დოზას წარმოადგენს 5 მგ დღეში. პაციენტებში თირკმლის ფუნქციის მსუბუქი ან საშუალო სიმძიმის დარღვევებით, როგორც წესი, ჩვეულებრივი დოზირების რეჟიმი შეცვლას არ საჭიროებს. პაციენტებში გამოხატული თირკმლის უკმარისობით (კრეატინინის კლირენსი 20მლ/წთ-ში ნაკლები) ან ღვიძლის ფუნქციის მძიმე დარღვევებით, სადღეღამისო დოზა არ უნდა აღემატებოდეს 10მგ ბისოპროლოლის ფუმარატს. ხანდაზმულებში: ჩვეულებრივი დოზირების რეჟიმი შეცვლას არ საჭიროებს, ზოგიერთი პაციენტისათვის საკმარის დოზას წარმოადგენს 5მგ დღეში, თუმცა ზოგიერთ პაციენტში თირკმლის და ღვიძლის ფუნქციის დარღვევებით რეკომენდებულია პრეპარატის დოზის შემცირება. ბავშვებში: ავეკორი 5-ის და 10-ის გამოყენება ბავშვებში არ არის რეკომენდებული, რადგანაც არ არსებობს კლინიკური მონაცემები პრეპარატის პედიატრიულ პრაქტიკაში გამოყენების შესახებ.
გვერდითი მოვლენები:ავეკორი 5 და 10 ჩვეულებრივ ხასიათდება კარგი ტოლერანტობით. შესაძლებელია განვითარდეს შემდეგი გვერდითი ეფექტები: ცენტრალური და პერიფერიული ნერვული სისტემის მხრივ: დაღლილობა, მოდუნება, თავბრუსხვევა, სუსტი თავის ტკივილი, ძილის დარღვევა. მხედველობის ორგანოს მხრივ: მხედველობის დარღვევა, ცრემლის გამოყოფის შემცირება. გულ-სისხლძარღვთა სისტემის მხრივ: ცალკეულ შემთხვევებში - ბრადიკარდია, ჰიპოტენზია, ატრიოვენტრიკულური გამტარებლობის დარღვევა, გულის უკმარისობის დეკომპენსაცია. იშვიათად შესაძლებელია კიდურებში სიცივის შეგრძნება (პარესთეზიები). მკურნალობის დასაწყისში შესაძლებელია მდგომარეობის გაუარესება პაციენტის გარდამავალი კოჭლობით ან რეინოს სინდრომით. სასუნთქი სისტემის მხრივ: ბრონქოსპაზმისადმი მიდრეკილების მქონე პაციენტებში იშვიათად შესაძლებელია ქოშინის განვითარება. კუჭ-ნაწლავის ტრაქტის მხრივ: ცალკეულ შემთხვევებში ვითარდება ღებინება, გულისრევა და დიარეა. საყრდენ-მამოძრავებელი სისტემის მხრივ: ცალკეულ შემთხვევებში შესაძლებელია კუნთების სისუსტე, კუნთების კრუნჩხვები. დერმატოლოგიური რეაქციები: ქავილი, იშვიათად ოფლიანობა, კანზე გამონაყარი.








Page generation time: 0. 048690896 sec.