This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:აზატრილი
უნიფიცირებული
დასახელება:
აზიტრომიცინი Azythromycin
დოზა:100მგ/5მლ
ფორმა:სუსპენზია
შეფუთვა1:20მლ ფლაკონი
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:1
მწარმოებელი ქვეყანა:ბულგარეთი
კომპანია:აქტავის
მწარმოებელი:ბალკანფარმა-რაზგრადი
რეგისტრაციის ნომერი და
თარიღი:
გაცემის რეჟიმი:
ფარმაკოლოგიური
ჯგუფი/ქვეჯგუფი:
ჯგ.:ანტიბაქტერიული საშუალებები.
ქვ/ჯგ.:მაკროლიდების ჯგუფის ანტიბიოტიკები.
ა.თ.ქ. კლასიფიკაცია:
J01FA10	
J მიკრობების საწინააღმდეგო პრეპარატები სისტემური გამოყენებისათვის
	
01 მიკრობების საწინააღმდეგო პრეპარატები სისტემური გამოყენებისათვის
	
F მაკროლიდები და ლინკოზამიდები
	
A მაკროლიდები
ანოტაცია:
	
	
შემადგენლობა:5 მლ სუსპენზიაში: აზიტრომიცინის დიჰიდრატი, 100მგ აზიტრომიცინის ექვივალენტური, აზიტრომიცინის დიჰიდრატი, 200მგ აზიტრომიცინის ექვივალენტური. დამხმარე ნივთიერებები: დინატრიუმფოსფატის დიჰიდრატი, ბანანის არომატი, ნატრიუმის საქარინი, ქსანტანის გუმფისი, მანიტოლი, მეთილპარაჰიდროქსიბენზოატი, ნატრიუმის ციკლამატი, პრეჟელატინიზირებული სახამებელი, ტრინატრიუმის ფოსფატი, შაქარი.
გამოშვების ფორმა:სუსპენზიის მოასამზადებელი ფხვნილი შიგნით მისაღებად.
ფარმაკოლოგიური თვისება:აზატრილი წარმოადგენს მაკროლიდების ჯგუფის ანტიბაქტერიულ პრეპარატს. ის თრგუნავს ცილების სინთეზს უჯრედულ კედელში და ანადგურებს ინფექციის გამომწვევ ბაქტერიებს.
ჩვენება:აზატრილის სუსპენზია ნაჩვენებია ანტიბიოტიკის მიმართმგრძნობიარე მიკროორგანიზმებით გამოწვეული ინფექციების სამკურნალოდ, როგორიცაა: • ზედა (სინუსების და შუა ყურის მწვავე ანთება, ტონზილოფარინგიტები) და ქვედა სასუნთქი გზების (ბრონქიტები, გამწვავებული ქრონიკული ბრონქიტი, პნევმონიის ზოგიერთი სახეობა) ინფექციები; • კანისა და რბილი ქსოვილების ინფექციები (ლაიმის დაავადების პირველი სტადია, წითელი ქარი, იმპეტიგო და მეორადი პიოდერმია).
უკუჩვენება:აზატრილს არ იყენებენ აზიტრომიცინის ან სხვა მაკროლიდური ანტიბიოტიკების და სამკურნალო ფორმაში შემავალი დამხმარე ნივთიერებების მიმართ მომატებულიმგრძნობელობის (ალერგიის) დროს. პაციენტმა უნდა მიაწოდოს ინფორმცია მკურნალ ექიმს ალერგიის ნებისმიერი ფორმის არსებობის შესახებ.
სიფრთხილის ზომები:ქავილის, სიწითლის ან კანზე გამონაყარის გამოვლენის შემთხვევაში, აგრეთვე სუნთქვის გაძნელების შემთხვევაში, აუცილებელია პრეპარატის მოხსნა და ექიმის კონსულტაცია, იმდენად რამდენადაც ეს შეიძლება იყოს მომატებულიმგრძნობელობის გამოვლენა (ალერგია) ამ შემთხვევაში, აუცილებლობისას ექიმი ნიშნავს მკურნალობას. სხვა ანტიბაქტერიული საშუალებების მსგავსად, აზატრილმა შეიძლება გამოიწვიოს ე.წ. ფსევდომემბრანული კოლიტი, რომლის გამოვლინებასაც წარმოადგენს მძიმე ფაღარათი და რომელიც მოითხოვს სპეციალურ მკურნალობას – ელექტროლიტური და სხვა ხსნარების გადასხმას და ანტიბაქტერიული საშუალებების გამოყენებას. აზატრილით მკურნალობის დროს, იშვიათ შემთხვევებში შესაძლოა ღვიძლის ზოგიერთი ფერმენტის მაჩვენებლის აწევა. შეინიშნებოდა სისხლის თეთრი უჯრედების ზოგიერთი სახეობის რაოდენობის სუსტი და გარდამვალი შემცირება.
ურთიერთქმედება სხვა მედიკამენტებთან:საკვების და კუჭის მჟავიანობის მაკონტროლირებელი საშუალებების ერთდროული მიღება, რომლებიც შეიცავენ მაგნიუმს და ალუმინს, ამცირებს პრეპარატის შეთვისებას (ნაწლავში შეწოვა). ამიტომ, მისი მიღება უნდა მოხდეს ჭამამდე ერთი საათით ადრე ან ჭამიდან 2 საათის შემდეგ. აზატრილის მიღება არ შეიძლება ერგოალკალოიდების ჯგუფის პრეპარტებთან ერთად. ბრომკრიპტინთან და ციკლოსპორინთან აზატრილის კომბინაციამ შეიძლება გამოიწვიოს სისხლში მათი კონცენტრაციის მომატება და მასთან დაკავშირებული გვერდითი მოვლენები.
განსაკუთრებული მითითებები:სიფრთხილის ზომები პაციენტთა განსაკუთრებული ჯგუფებისთვის: აზატრილის მიღება დიდი სიფრთხილით უნდა მოხდეს ღვიძლისა და თირკმელების დაავადებებით დაავადებულებში. არ არსებობს შეზღუდვები ხანდაზმულებში პრეპარტის დანიშვნისას. პრეპარტის ზეგავლენა ავტომობილისა და სხვა მექნიზმების მართვაზე: პრეპარტის მიღება შეიძლება შეზღუდვების გარეშე ავტომობილის მართვისას და ტექნიკასთან მუიშაობის პროცესში. მონაცემები დამხმარე ნივთიერებების შესახებ: პრეპარატი შეიცავს მეტილპარჰიდროქსიბენზოატს დამხმარე ნივთიერების სახით, რომელსაც შეუძლია გამოიწვიოს გამონაყარის გაჩენა ან ჭინჭრის ციება, ხოლო იშვიათ შემთხვევებში ბრონქოსპაზმი. აზატრილის სუსპენზია შეიცავს შაქარს, რამაც შეიძლება გამოიწვიოს იმ პაციენტთა მდგომარეობის გაუარესება, რომლებსაც აქვთ ფრუქტოზას თანდაყოლილი აუტანლობა, გლუკოზურ-გალაქტოზური სინდრომით.
გამოყენება პედიატრიაში:სამკურნალო ფორმა განკუთვნილია ბავშვებისთვის.
დოზირება და მიღების წესი:სადღეღამისო დოზას, მკურნალობის სქემას და მის ხანგრძლივობას ადგენს მკურნალი ექიმი. აზატრილის სუსპენზიის მიღება ხდება შიგნით ჭამამდე ერთი საათით ადრე ან ჭამიდან 2 საათში, შემდეგი დოზირებით: • ზედა და ქვედა სასუნთქი გზების ინფექციებისას და კანისა და რბილი ქსოვილების ინფექციების დროს (ლაიმის დაავადების პირველი სტადიის გარდა) – 20მგ/კგ ერთჯერადად დღეღამეში 3 თანამიმდევრული დღის განმავლობაში. • პნევმონიების დროს – ერთჯერადად დღე-ღამეში 10მგ/კგ პირველ დღეს და შემდეგ 5მგ/კგ მეორე დღიდან მეხუთე დღემდე. პრეპარატის დოზა ისაზღვრება სხეულის მასაზე დამოკიდებულების მიხედვით: ფორმა: აზატრილი 100მგ/5მლ, სხეულის მასა: 5კგ, სადღეღამისო დოზა: 2.5 მლ (50მგ) დოზირების შპრიცი, 6კგ - 3.0 მლ (60მგ) დოზირების შპრიცი, 7კგ - 3.3 მლ (70მგ) დოზირების შპრიცი, 8კგ - 4.0 მლ (80მგ) დოზირების შპრიცი, 9კგ - 4,5 მლ (90მგ) დოზირების შპრიცი, 10-14 კგ - 5.0 მლ (100მგ). ფორმა: აზატრილი 200მგ/5მლ, სხეულის მასა: 15-24 კგ, სადღეღამისო დოზა: 5.0 მლ (1 დიდი კოვზი – 200მგ), 25-34 კგ - 7.5 მლ (1 დიდი და 1 პატარა კოვზი – 300მგ), 35-44 კგ - 10 მლ (2 დიდი კოვზი – 400მგ). • ემიგრაციული ერითემის დროს (ლაიმას დაავადების პირველი სტადია) საერთო დოზა შეადგენს 60მგ/კგ-ს; 20მგ/კგ დღეში პირველ დღეს და შემდეგ 10მგ/კგ მეორე დღიდან მეხუთე დღის ჩათვლით. • თუ პაციენტი გამოტოვებს დოზის მიღებას, მისი მიღება უნდა განახორციელოს რაც შეიძლება სწრაფად. სუსპენზიის მომზადება: ფლაკონში ასხამენ 12 მლ წინასწარ ადუღებულ და გაციებულ წყალს და შემდეგ ანჯღრევენ ერთგვაროვანი სუსპენზიის მიღებამდე. მიღებამდე საჭიროა სუსპენზიის შენჯღრევა. დოზირების შპრიცის და დოზირების კოვზის გამოყენების ინსტრუქცია: 1. ჩაუშვით დოზირების შპრიცის ბუნიკი სუსპენზიაში და შპრიცის დგუშის ამოწევით შეიყვანეთ მასში აუცილებელი რაოდენობა. 2. საკვების მისაღებად შესაბამის მდგომარეობაში, მოათავსეთ შპრიცის ბუნიკი ბავშვის პირში და ნელა შეუშხაპუნეთ სუსპენზია. 3. პრეპარატის მიღების შემდეგ ბავშვს მიეცით მცირე რაოდენობით წვენი ან წყალი. 4. გამოყენბის შემდეგ გარეცხეთ დოზირების შპრიცი წყლით და შეინახეთ მშრალ და სუფთა ადგლას. ორმხრივი ბოლომდე შევსებული კოვზი, შეიცავს 5 მლ სუსპენზიას ერთი მხრიდან და 2.5 მლ-ს მეორე მხრიდან.
ჭარბი დოზირება:ექმის მიერ დანიშნული დოზის გადაჭარბებისას შესაძლოა მოხდეს ჰიპერდოზირება. ამ მომენტამდე არ არსებობს მონაცემები აზატრილის დოზის გადაჭარბების შემთხვევების შესახებ, თუმცა თუ რაიმე მიზეზის გამო მოხდა დოზის გადაჭარბება აუცილებლია ექიმის კონსულტაცია. მსგავსი ანტიბიოტიკების დოზის გადაჭარბებისას აღინიშნება გულისრევა, ღებინება, ფაღარათი, სმენის დარღვევა.
გვერდითი მოვლენები:ისევე როგორც ნებისმიერ პრეპარტს, აზატრილსაც შეუძლია გამოიწვიოს გვერდითი მოვლენები. ხშირი: ფაღარათი, თხიერი განავალი, გულისრევა და ტკივილი მუცლის არეში წარმოადგენს ყველაზე ხშირ გვერდით მოვლენებს სამკურნალო საშულებაზე. იშვიათი: შეწოვის დარღვევა, ნაწლავებში აირების წარმოქმნა, ღებინება, სისხლდენა კუჭ-ნაწლავის ტრაქტიდან, სიყვითლე, ტკივილი გულმკერდის არეში, სოკოვანი ინფექციები, თავბრუსხვევა, თავის ტკივილი, ძილიანობა, სწრაფი გადაღლა, გამონაყარი კანზე, სინათლისადმიმგრძნობელობა, სისხლძარღვოვანი წარმოშობის ალერგიული რეაქციები, კანის მძიმე ტოქსიური ალერგიული რეაქცია.
შეფუთვა:შიგნით მიასაღები 20 მლ სუსპენზიის მოსამზადებელი აზატრილი ფხვნილი მუქი შუშის ფლაკონებში მზომი კოვზით და დოზირების შპრიცით.
შენახვის პირობები:არაუმეტეს 25ºC ინახება ბავშვებისთვის მიუწვდომელ ადგილას. გახსნის შემდეგ ინახება 2-8ºC-ზე (მაცივარში) არაუმეტეს 5 დღე.
ვარგისიანობის ვადა:ორი წელი. არ შეიძლება შეფუთვაზე მითითებული შენახვის ვადის გასვლის შემდეგ.
გაცემის წესი:რეცეპტით.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 050255056 sec.