| დასახელება: | ამიტრიპტილინი | |
| უნიფიცირებული დასახელება: | ამიტრიპტილინი Amitriptyline | |
| დოზა: | 25მგ | |
| ფორმა: | შემოგარსული აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 50 | |
| მწარმოებელი ქვეყანა: | დანია | |
| კომპანია: | ტაკედა | |
| მწარმოებელი: | ტაკედა, დანია | |
| რეგისტრაციის ნომერი დათარიღი: | ||
| გაცემის რეჟიმი: | II ჯგუფი, გაიცემა ფორმა №3 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:ანტიდეპრესანტები. ქვ/ჯგ.:ტრიციკლური. |
|
| ა.თ.ქ. კლასიფიკაცია: | ||
N06AA09 | N ნერვული სისტემა | |
| 06 ფსიქოანალეფსიური საშუალებები | ||
| A ანტიდეპრეპსანტები | ||
| A მონოამინების უკუმიტაცების არასელექტიური ინჰიბიტორები | ||
| ანოტაცია: | ||
| უკუჩვენება: | - დეკომპენსირებული გულის მანკები; - მიოკარდიუმის ინფარქტის მწვავე და აღდგენითი პერიოდი; - გულის კუნთის გამტარებლობის დარღვევები; - ღვიძლისა და თირკმლების მწვავე დაავადებები, ფუნქციების გამოხატული დარღვევით; - სისხლის დაავადებები; - კუჭისა და 12-გოჯა ნაწლავის წყლულოვანი დაავადება გამწვავების სტადიაში; - გლაუკომა; - პროსტატის ჰიპერტროფია; - შარდის ბუშტის ატონია; - პილოროსტენოზი, ნაწლავების პარალიზური გაუვალობა; - მაო-ს ინჰიბიტორებთან ერთდროული მკურნალობა. - ორსულობა, ძუძუთი კვების პერიოდი; - ბავშვები 6 წლის ასაკამდე (საინექციო ფორმები - 12 წლის ასაკამდე); - ამიტრიპტილინისადმი ჰიპერმგრძნობელობა. | |
| ჭარბი დოზირება: | ძილიანობა, დეზორიენტაცია, გრძნობიერების არევა, გუგების გაფართოვება, სხეულის ტემპერატურის მომატება, ქოშინი, დიზართრია, აგზნება, ჰალუცინაციები, კრუნჩხვითი შეტევები, კუნთების რიგიდობა, სოპორი, კომა, ღებინება, არითმია, ჰიპოტონია, გულის უკმარისობა, სუნთქვის დათრგუნვა. დახმარების ღონისძიებები: ამიტრიპტილინით მკურნალობის შეწყვეტა, კუჭის გამორეცხვა, სითხის ინფუზია, 1-3მგ ფიზოსტიგმინის კუნთებში ან ინტრავენურად შეყვანა ყოველ 0,5-2 სთ-ში (ბავშვებში ფიზოსტიგმინის შეყვანას იწყებენ 0,5მგ-დან, შემდგომ ხდება დოზის განმეორება 5 წუთიანი ინტერვალებით მინიმალური ეფექტური დოზის დასადგენად, არაუმეტეს 2მგ-ისა), ფიზოსტიგმინის გამოყენება შეიძლება მხოლოდ კომაში მყოფი ავადმყოფებისათვის, რომელთაც აღენიშნებათ - სუნთქვის დათრგუნვა, ეპილეფსიური გულყრა, მძიმე ჰიპოტენზია და გულის გამოხატული არითმია. სიმპტომურ თერაპიაში შედის არტერიული წნევისა და ელექტროლიტური ბალანსის შენარჩუნება. 48 საათის განმავლობაში და უფრო გვიან მოსალოდნელი რეციდივის გამო, ნაჩვენებია 5 დღის განმავლობაში გულ-სისხლძარღვთა სისტემის მონიტორინგი (ეკგ). | |
| ურთიერთქმედება სხვა მედიკამენტებთან: | ამიტრიპტილინი აძლიერებს ცნს-ის დათრგუნვას შემდეგ პრეპარატებთან ერთდროული მიღებისას: ნეიროლეპტიკები, სედატიური და საძილე საშუალებები, გულყრის საწინააღმდეგო პრეპარატები, ნარკოტიკული ანალგეტიკები, სანარკოზე საშუალებები, ალკოჰოლი. ამიტრიპტილინის ნეიროლეპტიკებსა და/ან ანტიქოლინერგულ პრეპარატებთან ერთდროული მიღებისას შესაძლოა წარმოიშვას ფებრილური ტემპერატურული რეაქცია, პარალიზური ნაწლავური გაუვალობა. ამიტრიპტილინი ახდენს კატექოლამინების ჰიპერტენზიული ეფექტის პოტენცრებას, ხოლო ნორადრენალინის გამონთავისუფლებაზე მოქმედი პრეპარატების ეფექტს აინჰიბირებას. ამიტრიპტილინს შეუძლია დააქვეითოს სიმპატოლიტიკების (ოქტადინი, გუანეტიდინი და მოქმედების მსგავსი მექანიზმის მქონე პრეპარატების) ანტიჰიპერტენზიული მოქმედება. ამიტრიპტილინისა და ციმეტიდინის ერთდროული მიღებისას შესაძლოა პლაზმაში ამიტრიპტილინის კონცენტრაციის გაზრდა. ამიტრიპტილინის მაო-ს ინჰიბიტორებთან ერთდროული მიღების შემთხვევაში შესაძლოა ლეტალური გამოსავალი. ინტერვალი მაო-ს ინჰიბიტორებით მკურნალობის დასრულებასა და ტრიციკლური ანტიდეპრესანტებით მკურნალობის დაწყებას შორის უნდა იყოს არანაკლებ 14 დღისა! | |
| შენახვის პირობები: | ინახება სინათლისაგან დაცულ, ბავშვებისთვის მიუწვდომელ ადგილას, ოთახის ტემპერატურაზე, არა უმეტეს 25C-სა. | |
| ვარგისიანობის ვადა: | 5 წელი. | |
| გაცემის წესი: | ექიმის რეცეპტით. | |
| ფარმაკოდინამიკა: | ამიტრიპტილინის ანტიდეპრესიული მოქმედების მექანიზმი დაკავშირებულია ცნს-ში კატექოლამინების (ნორადრენალინი, დოფამინი და სეროტონინი) შებრუნებულ ნეირონალურ შებოჭვის დათრგუნვასთან. ამიტრიპტილინი წარმოადგენს ცნს_სა და პერიფერიული ნერვული სისტემის მუსკარინული ქოლინერგული რეცეპტორების ანტაგონისტს, ამიტომ იგი ერთ-ერთი ყველაზე ძლიერი ტრიციკლური ანტიდეპრესანტია. მას აგრეთვე გააჩნია ანტიჰისტამინური და ანტიადრენერგული თვისებები. | |
| გამოშვების ფორმა: | 10 და 25მგ-იანი აბები. | |
| შეფუთვა: | 50 გარსით დაფარული აბი მინის ფლაკონში. | |
| ქიმიური დასახელება: | 5-(3-დიმეთილამინოპროპილიდენ)-10,11-დიჰიდროდიბენზოციკლოჰეპტენი. | |
| ჩვენება: | პრეპარატი გამოიყენება მკაცრად ექიმის დანიშნულებით. - ნებისმიერი ეტიოლოგიის დეპრესია. სედატიური მოქმედების გამო, განსაკუთრებით ეფექტურია მშფოთვარე-დეპრესიული მდგომარეობისას. მასტიმულირებელი მოქმედების ანტიდეპრესანტებისაგან განსხვავებით, არ იწვევს პროდუქტიული სიმპტომატიკის (ბოდვა, ჰალუცინაცია) გამწვავებას; - შერეული ემოციური აშლილობები და ქცევითი დარღვევები, ფობიური აშლილობები; - ბავშვთა ენურეზი (ჰიპოტონური შარდის ბუშტის მქონე ბავშვების გამორიცხვით); - ფსიქოგენური ანორექსია, ბულემიური ნევროზი; - ქრონიკული ხასიათის ნევროგენული ტკივილები, შაკიკის პროფილაქტიკა. | |
| ფარმაკოლოგიური თვისება: | ამიტრიპტილინი წარმოადგენს მონოამინების ნეირონალური შებოჭვის არაშერჩევითი ინჰიბიტორების ჯგუფის ტრიციკლურ ანტიდეპრესანტს. მას გააჩნია გამოხატული თიმოანალეპტური და სედატიური მოქმედება. | |
| ფარმაკოკინეტიკა: | ამიტრიპტილინის პერორალური მიღებისას პლაზმაში პიკური კონცენტრაცია მიიღწევა 4-8 საათის განმავლობაში. მისი ბიოშეღწევადობა 33-დან 62%-მდეა. ამიტრიპტილინი ანელებს კუჭ-ნაწლავის ტრაქტის ტრანზიტულ დროს, ამის გამო შესაძლოა აბსორბციის შენელება, განსაკუთრებით დოზის გადაჭარბების შემთხვევაში. კუნთებში შეყვანისას პიკური კონცენტრაციები პლაზმაში უფრო მაღალია და უფრო ხანმოკლე დროში მიიღწევა. სისხლში ამიტრიპტილინისა და ნორტრიპტილინის (მისი აქტიური მეტაბოლიტი) ეფექტური კონცენტრაცია საშუალოდ 120-დან 240 ნგ/მლ-მდეა. ამიტრიპტილინის კონცენტრაცია ქსოვილებში უფრო მაღალია, ვიდრე პლაზმაში, სადაც 92% შეკავშირებულია პროტეინებთან. მეტაბოლიზდება ღვიძლში, პლაზმიდან ნახევარგამოყოფის პერიოდი ამიტრიპტილინისთვის 10-დან 28 სთ-მდეა, ხოლო ნორტრიპტილინისთვის – 16-დან 80 სთ-მდე. გამოიყოფა შარდის მეშვეობით. სრულად გამოიყოფა 7 დღის განმავლობაში. ამიტრიპტილინს პლაცენტური ბარიერის განვლადობის უნარი გააჩნია, პლაზმის ანალოგიური კონცენტრაციით გამოიყოფა დედის რძესთან ერთად. | |
| დოზირება და მიღების წესი: | ინიშნება პერორალურად (ჭამის დროს ან შემდეგ), კუნთებში ან ინტრავენურად. პერორალური მიღებისას საწყისი სადღეღამისო დოზა 50-75მგ-ია (25მგ 2-3 მიღებაზე), შემდგომში ხდება დოზის 25-50მგ-ით თანდათანობითი გაზრდა, სასურველი ანტიდეპრესიული ეფექტის მიღწევამდე. ოპტიმალური თერაპიული სადღეღამისო დოზა შეადგენს 150-200მგ-ს (დოზის მაქსიმალური ნაწილის მიღება უნდა ხდებოდეს ძილის წინ). თერაპიისადმი რეზისტენტული მძიმე დეპრესიების დროს დოზა იზრდება 300მგ-მდე და მეტადაც, მაქსიმალურად გადასატან დოზამდე (ამბულატორიულ ავადმყოფებისათვის მაქსიმალური სადღეღამისო დოზა 150მგ-ია). ამ შემთხვევაში მიზანშეწონილია მკურნალობის დაწყება პრეპარატის კუნთებში ან ინტრავენური შეყვანით, მაღალი საწყისი დოზების გამოყენებით, სომატური მდგომარეობის კონტროლით, დოზირების სწრაფი ზრდით (საშუალოდ 10-30მგ, დღეღამეში 4-ჯერ, მაგრამ არ უნდა აღემატებოდეს დღე-ღამეში 150მგ-ს). მყარი ანტიდეპრესიული შედეგის მიღებისას, 2-4 კვირის შემდეგ, ხდება დოზის თანდათანობითი შემცირება. დოზის შემცირებისას, დეპრესიის ნიშნების განახლების შემთხვევაში, აუცილებელია წინა დოზირებასთან დაბრუნება. თუ მკურნალობის მიმდინარეობისას, 3-4 კვირის განმავლობაში, არ შეიმჩნევა ავადმყოფის მდგომარეობის გაუმჯობესება, შემდგომი თერაპია მიზანშეწონილი არ არის. ამბულატორიულ პრაქტიკაში, მსუბუქი დარღვევების მქონე ხანდაზმული ავადმყოფების დოზები 25-50-100მგ-ია (მახ) დანაწევრებულ დოზებად, ან ერთჯერადად ძილის წინ. ბავშვებში, როგორც ანტიდეპრესანტი: 6-12 წლის ასაკი – პერორალურად 10-30მგ (1-5მგ/კგ-ზე) 2 ცალკეულ დოზად; 12 წლის ზევით (12-18 წლის ასაკის) – პერორალურად 10-10მგ 3-ჯერ დღეში და 20მგ ძილის წინ, აუცილებლობის შემთხვევაში, წამლის ამტანობის გათვალისწინებით, ხდება დოზის გაზრდა 100მგ-მდე დღეღამეში, დანაწევრებული დოზებით ან ერთჯერადად ძილის წინ. შაკიკის, ნევროგენული ხასიათის ქრონიკული ტკივილების (მათ შორის ხანგრძლივი თავის ტკივილებისას) პროფილაქტიკისთვის ინიშნება 12,5-25მგ-დან 100მგ-მდე დღე-ღამეში. | |
| გვერდითი მოვლენები: | ძირითადად დაკავშირებულია პრეპარატის ქოლინოლიტურ მოქმედებასთან: აკომოდაციის დარღვევა, თვალისშიდა წნევის მომატება, პირის სიმშრალე, ყაბზობა, ნაწლავების გაუვალობა, შარდის შეკავება, სხეულის ტემპერატურის მომატება, ძილიანობა. ყველა ეს მოვლენა ძირითადად დროებითი ხასიათისაა და გადის პრეპარატის ადაპტაციის ან დოზის შემცირების შემდეგ. გულ-სისხლძარღვთა სისტემა: ტაქიკარდია, არითმია, ორთოსტატული არტერიული ჰიპოტონია. - კუჭ-ნაწლავის ტრაქტი: გულისრევა, ღებინება, ანორექსია, სტომატიტი, გემოს შეგრძნების დარღვევა, ეპიგასტრიუმის მიდამოში დისკომფორტის შეგრძნება, იშვიათად - ღვიძლის ფუნქციების დარღვევა. - ენდოკრინული სისტემა: გინეკომასტია, გალაქტორეა, ადჰ-ს სეკრეციის ცვლილებები, ლიბიდოსა და პოტენციის დაქვეითება. - სხვა სიმპტომები: აგრანულოციტოზი და სხვა ცვლილებები სისხლში, კანზე გამონაყარი, თმის ცვენა, ლიმფური კვანძების გადიდება, ხანგრძლივი გამოყენებისას სხეულის წონის მომატება. 150მგ-ზე მაღალი სადღეღამისო დოზით ამიტრიპტილინი ამცირებს კრუნჩხვითი აქტივობის ზღურბლს, ამიტომ ავადმყოფებში, რომელთაც ანამნეზში აღენიშნებათ კრუნჩხვითი შეტევები, ან მათში ვინც ასაკისა ან გადატანილი ტრავმების გამო მიდრეკილია კრუნჩხვითი შეტევებისადმი, გასათვალისწინებელია კრუნჩხვითი შეტევების წარმოქმნის რისკი. ხანდაზმულ ასაკში, დელირიზულ დარღვევების, ჰიპომანიისა და სხვა გართულებების თავიდან აცილების მიზნით, ამიტრიპტილინით მკურნალობა უნდა ხდებოდეს ზედმიწევნითი სომატური კონტროლის ქვეშ, პრეპარატის მინიმალური დოზების გამოყენებით და დოზების თანდათანობითი მომატებით. მპდ-ს დეპრესიულ ფაზაში მყოფი პაციენტები შეიძლება მანიაკალურ სტადიაში გადავიდნენ. ამიტრიპტილინის მიღებისას აკრძალულია სატრანსპორტო საშუალებების მართვა, მექანიზმების მომსახურეობა და ისეთი სხვა სამუშაოების ჩატარება, რომელიც ყურადღების კონცენტრაციას ითხოვს. |
Page generation time: 0. 050842533 sec.
