This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:კალციუმ D-3 ნიკომედი ფორტე ლიმონით
უნიფიცირებული
დასახელება:
კალციუმის კარბონატი + ქოლეკალციფეროლი Calcium carbonate + Colecalciferol
დოზა:-
ფორმა:საღეჭი აბი
შეფუთვა1:პლასტიკის ფლაკონი
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:120
მწარმოებელი ქვეყანა:ნორვეგია
კომპანია:შტადა
მწარმოებელი:ასკერ კონტრაქტ მანუფაქჩერინგ
რეგისტრაციის ნომერი და
თარიღი:
#რ-038479 2023-06-29 - 2027-09-06
გაცემის რეჟიმი:III ჯგუფი, გაიცემა რეცეპტის გარეშე
ფარმაკოლოგიური
ჯგუფი/ქვეჯგუფი:
ჯგ.:ფოსფორ-კალციუმის ცვლაზე მოქმედი საშუალებები. ძვლის ქსოვილში ნივთიერებათა ცვლის რეგულატორები.
ქვ/ჯგ.:ორგანიზმში კალციუმის დეფიციტის შემავსებელი.
ჯგ.:ვიტამინების კომპლექსი.
ქვ/ჯგ.:მაკროელემენტებით.
ა.თ.ქ. კლასიფიკაცია:
A11JB	
A საჭმლის მომნელებელი ტრაქტი და ნივთიერებათა ცვლა
	
11 ვიტამინები
	
J ვიტამინები სხვა პრეპერატებთან კომბინაციაში
	
B ვიტამინები მინერალურ ნივთიერებებთან კომბინაციაში
A12AX	
A საჭმლის მომნელებელი ტრაქტი და ნივთიერებათა ცვლა
	
12 მინერალური დანამატები
	
A კალციუმის პრეპარატები
	
X კალციუმის პრეპარატები სხვა პრეპარატებთან კომბინაციაში
ანოტაცია:
	
	
დოზირება და მიღების წესი:ოსტეოპოროზის პროფილაქტიკის მიზნით ინიშნება 2 ტაბ. დღეში (დილით და საღამოს), ხოლო ოსტეოპოროზის მკურნალობის დროს დოზირებასა და მიღების ხანგრძლივობას განსაზღვრავს ექიმი ინდივიდუალურად კონკრეტული კლინიკური სიტუაციის მიხედვით. აბი შეიძლება დაიღეჭოს, მთლიანად გადაიყლაპოს ან გავადნოთ პირში.
გვერდითი მოვლენები:საჭმლის მომნელებელი ტრაქტის მხრივ: იშვიათად – ყაბზობა, მეტეორიზმი, გულისრევა, ტკივილი მუცლის არეში. იშვიათად ვლინდება ჰიპერკალციემია და ჰიპერკალციურია.
შემადგენლობა:ქოლეკალციფეროლი 400სე, კალციუმის კარბონატი 1250მგ (500მგ ელემენტარულ კალციუმი). დამხმარე ნივთიერებები: სორბიტოლი, პოლივიდონი, იზომალტი, ლიმონის ზეთი, ცხიმოვანი მჟავას მონო- და დიგლიცერიდები, ასპარტამი, მაგნიუმის სტეარატი, ტოკოფეროლი, მცენარეული ზეთი, საქაროზა, ჟელატინი, სიმინდის სახამებელი.
ფარმაკოლოგიური თვისება:ავსებს კალციუმისა და D-3 ვიტამინის დეფიციტს ორგანიზმში. კალციუმი მონაწილეობს ძვლოვანი ქსოვილის ფორმირებაში, კბილების მინერალიზაციაში, სისხლის შედედებაში, ნერვული გამტარებლობისა და კუნთების შეკუმშვის მარეგულირებელ პროცესებში, გულის სტაბილური მუშაობის შენარჩუნებაში. ქოლეკალციფეროლი (D-3 ვიტამინი) არეგულირებს კალციუმისა და ფოსფორის ცვლას ორგანიზმში, ხელს უწყობს კალციუმის სრულ შეწოვას.
ფარმაკოკინეტიკა:D-3 ვიტამინი ხელს უწყობს კალციუმის შეწოვას ნაწლავებში. კალციუმისა და D-3 ვიტამინის მიღება ეწინააღმდეგება პარათირეოიდული ჰორმონის გაძლიერებულ გამომუშავებას, რომელიც თავის მხრივ, ძვლის გაძლიერებული რეზორბციის (კალციუმის გამორეცხვა ძვლებიდან) სტიმულატორია. D-3 ვიტამინის შეწოვა წვრილ ნაწლავებში ხდება. იონიზირებული ფორმით კალციუმის შეწოვა წვრილი ნაწლავების პროქსიმალურ ნაწილში D–ვიტამინდამოკიდებული აქტიური სატრანსპორტო მექანიზმის მეშვეობით ხდება.
ჩვენება:გამოიყენება როგორც სამკურნალო-პროფილაქტიკური საშუალება: - ოსტეოპოროზი (მენოპაუზური, სენილური, სტეროიდული, იდიოპათური და სხვა კლინიკური ფორმები), მისი პროფილაქტიკა და მკურნალობა, ასევე მისი გართულებების დროს (ძვლების მოტეხილობები) კომპლექსური თერაპიის შემადგენლობაში; - კალციუმისა და/ან D ვიტამინის დეფიციტი.
უკუჩვენება:- პრეპარატის რომელიმე კომპონენტისადმი მომატებულიმგრძნობელობა; - ჰიპერკალციემია ან ჰიპერკალციურია; - ხანგრძლივი იმობილიზაციით გამოწვეული ოსტეოპოროზი; - დეკალცინირებადი სიმსივნეები, როგორიცაა მიელომა, ძვლოვანი მეტასტაზები, სარკოიდოზი; - კალციუმის კონცენტრაციის მომატება სისხლში ან შარდში; - შარდკენჭოვანი დაავადება და თირკმლის უკმარისობა.
ორსულობა და ლაქტაცია:ორსულობისა და ლაქტაციის პერიოდში იზრდება კალციუმისა და D ვიტამინის მიმართ მოთხოვნილება. ორსულობის პერიოდში სადღეღამისო დოზა არ უნდა აღემატებოდეს 1500მგ კალციუმსა და 600 სე D ვიტამინს. ლაქტაციის პერიოდი: კალციუმი და D-3 ვიტამინი ხასიათდებიან დედის რძეში განვლადობით, ამიტომ ლაქტაციის პერიოდში პრეპარატ კალციუმი-D-3 ნიკომედი ფორტეს მიღება მხოლოდ ექიმის დანიშნულებით უნდა ხდებოდეს.
განსაკუთრებული მითითებები:კალციუმი-D-3 ნიკომედი ფორტეს აბი შეიცავს ასპარტამს, რომელიც ორგანიზმში ფენილალანინად გარდაიქმნება. ამიტომ პრეპარატის მიღება ფენილკეტონურიით დაავადებულთათვის არ შეიძლება. 12 წლამდე ასაკის ბავშვებისათვის პრეპარატის მიღება მხოლოდ ექიმის დანიშნულებითაა რეკომენდებული. პაციენტები, რომლებიც კალციუმი-D-3 ნიკომედი ფორტესთან ერთდროულად ღებულობენ საგულე გლიკოზიდებსა და/ან დიურეტიკებს, აგრეთვე ვინც ხანგრძლივად ღებულობს კალციუმის პრეპარატებს, აუცილებლად უნდა აკონტროლებდნენ კალციუმისა და კრეატინინის რაოდენობას სისხლში. სისხლში კალციუმისა და კრეატინინის კონცენტრაციის მომატებისას საჭიროა პრეპარატის დოზის შემცირება ან მკურნალობის დროებით შეწყვეტა. დოზის გადაჭარბების თავიდან ასაცილებლად აუცილებელია D-3 ვიტამინის მიღების დამატებითი წყაროების გათვალისწინება.
ჭარბი დოზირება:დოზის გადაჭარბების შემთხვევაში მიმართეთ ექიმს. დოზის გადაჭარბებისას შესაძლოა განვითარდეს ანორექსია, წყურვილის გრძნობა, პოლიურია, გულისრევა, ღებინება, ჰიპერკალციურია, ჰიპერკრეატინემია. ამ დროს რეკომენდებულია ორგანიზმში დიდი რაოდენობით სითხის შეყვანა, მარყუჟოვანი დიურეტიკების (მაგ.: ფუროსემიდის), კორტიკოსტეროიდების, კალციტონინის, ბისფოსფონატების გამოყენება.
ურთიერთქმედება სხვა მედიკამენტებთან:D-3 ვიტამინის აქტივობა მცირდება ფენიტოინისა და ბარბიტურატების ერთდროული მიღებისას. საგულე გლიკოზიდების ერთდროული მიღებისას აუცილებელია ეკგ-ს კონტროლი და დაკვირვება კლინიკურ მდგომარეობაზე, რადგან კალციუმის პრეპარატებს შეუძლიათ საგულე გლიკოზიდების თერაპიული და ტოქსიური ეფექტების პოტენცირება გამოიწვიონ. კალციუმისა და D-3 ვიტამინის პრეპარატებმა შეიძლება კუჭ-ნაწლავის ტრაქტში ტეტრაციკლინის შეწოვა გაზარდოს. ამიტომ დროის ინტერვალი ტეტრაციკლინის რიგის პრეპარატების მიღებასა და კალციუმი-D-3 ნიკომედი ფორტეს მიღებას შორის უნდა იყოს არანაკლებ 3 საათისა. ბისფოსფონატების ან ნატრიუმის ფთორიდის ნორმალური შეწოვისათვის რეკომენდებულია ამ პრეპარატების მიღებასა და კალციუმი-D-3 ნიკომედი ფორტეს მიღებას შორის ინტერვალი შეადგენდეს არანაკლებ 2 საათს. კორტიკოსტეროიდები ამცირებს კალციუმის შეწოვას, ამიტომ კორტიკოსტეროიდებით მკურნალობის დროს საჭიროა კალციუმი-D-3 ნიკომედი ფორტეს დოზის გაზრდა. ქოლესტირამინის, ან მინერალური ან მცენარეული ზეთის საფუძველზე დამზადებული საფაღარათო საშუალებების ერთდროულმა მიღებამ შესაძლოა შეამციროს D ვიტამინის შეწოვა. თიაზიდური ჯგუფის დიურეტიკების ერთდროული მიღებისას იზრდება ჰიპერკალციემიის განვითარების რისკი, რადგანაც ისინი ზრდიან კალციუმის მილაკოვან რეაბსორბციას. ხოლო ფუროსემიდი და სხვა მარყუჟოვანი დიურეტიკები პირიქით აძლიერებენ კალციუმის გამოყოფას თირკმელებით.
შენახვის პირობები:პრეპარატი ინახება მჭიდროდ დახურულ ფლაკონში ოთახის ტემპერატურაზე არაუმეტეს 25C ტემპერატურაზე.
ვარგისიანობის ვადა:3 წელი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 051126930 sec.