| დასახელება: | იოდბალანსი | |
| უნიფიცირებული დასახელება: | კალიუმის იოდიდი Potassium iodide | |
| დოზა: | 100მკგ | |
| ფორმა: | აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 100 | |
| მწარმოებელი ქვეყანა: | გერმანია | |
| კომპანია: | მერკი | |
| მწარმოებელი: | მერკი | |
| რეგისტრაციის ნომერი დათარიღი: | #რ-037544 2023-03-14 - 2024-04-15 | |
| გაცემის რეჟიმი: | III ჯგუფი, გაიცემა რეცეპტის გარეშე | |
| ფარმაკოლოგიურიჯგუფი/ქვეჯგუფი: | ჯგ.:ფარისებრი ჯირკვლის დაავადებების დროს გამოსაყენებელი პრეპარატები. ქვ/ჯგ.:იოდის შემცველი. |
|
| ა.თ.ქ. კლასიფიკაცია: | ||
H03CA | H ჰორმონები სისტემური გამოყენებისათვის (სასქესო ჰორმონების გარდა) | |
| 03 პრეპარატები ფარისებრი ჯირკვლის დაავადებების მკურნალობისათვის | ||
| C იოდის პრეპარატები | ||
| A იოდის პრეპარატები | ||
| ანოტაცია: | ||
| შემადგენლობა: | 1 აბი შეიცავს აქტიურ კომპონენტს: 130,8 მკგ ან 261,6 მკგ კალიუმის იოდიდს (შეესაბამება 100 ან 200 მკგ იოდს). დამხმარე კომპონენტები: ლაქტოზა მონოჰიდრატი, ცელულოზა, სიმინდის სახამებელი, სილიციუმის კოლოიდური დიოქსიდი, მაგნიუმის სტეარატი, მიკროკრისტალური ცელულოზა. | |
| აღწერილობა: | ორივე მხრიდან ბრტყელი, ცილინდრული ფორმის, თეთრიდან მოყვითალო ფერის აბები, ცალ მხარეს განივი ნაჭდევით, მეორე მხარეს გრავირებით. | |
| ფარმაკოლოგიური თვისება: | იოდი მიეკუთვნება სიცოცხლისათვის აუცილებელ საკვებ მიკროელემენტებს. იოდის გარეშე წარმოუდგენელია ფარისებრი ჯირკვლის ნორმალური ფუნქციონირება, რადგანაც იოდი წარმოადგენს ფარისებრი ჯირკვლის ჰორმონების შემადგენელ ნაწილს. თირეოიდული ჰორმონები ორგანიზმში მიმდინარე ნივთიერებათა ცვლის პროცესების რეგულაციაში მონაწილეობენ და აკონტროლებენ ცილების, ცხიმების, ნახშირწყლების და ენერგიის ცვლას, მონაწილეობენ ყველა ორგანოს და სისტემის განვითარებაში, არეგულირებენ თავის ტვინის, ნერვული და გულ-სისხლძარღვთა სისტემის, სასქესო და სარძევე ჯირკვლების მუშაობას, ასევე მონაწილეობას იღებენ ბავშვის ზრდასა და განვითარებაში, მისი ინტელექტუალური მონაცემების ჩამოყალიბებაში. განსაკუთრებით საშიშია იოდის დეფიციტი ბავშვებისთვის, მოზარდებისთვის, ორსულებისა და მეძუძური დედებისთვის. იოდბალანსი იოდის წყაროს წარმოადგენს, ავსებს მის დეფიციტს ორგანიზმში, ხელს უშლის იოდდეფიციტური დაავადებების განვითარებას, საკვებ პროდუქტებში არასაკმარისი იოდის შემცველობით გამოწვეული ჩიყვის ჩამოყალიბებას, ეხმარება ფარისებრი ჯირკვლის ზომების ნორმალიზებაში ახალშობილებს, ბავშვებს, მოზარდებსა და მოზრდილებს. | |
| ჩვენება: | - ენდემური ჩიყვის პროფილაქტიკა; - ჩიყვის რეციდივის პროფილაქტიკა (განმეორებითი ზრდა) მისი ოპერაციული გზით ამოკვეთის და, აგრეთვე, ჩიყვის ფარისებრი ჯირკვლის ჰორმონებით კომპლექსური მკურნალობის დასრულების შემდეგ; - დიფუზური ეუთირეოიდული ჩიყვის მკურნალობა ახალშობილებში, ბავშვებში, მოზარდებსა და მოზრდილებში. | |
| უკუჩვენება: | - გამოხატული თირეოტოქსიკოზი; - ფარული თირეოტოქსიკოზი (დღეში 150 მკგ-ზე მეტი დოზის მიღებისას); - ჰერპეტოფორმული დერმატიტი (დიურინგის დერმატიტი); - ტოქსიური ადენომა, კვანძოვანი ჩიყვი 300 მკგ-ზე მეტი დოზის მიღებისას (გამონაკლისია ოპერაციისწინა თერაპია ფარისებრი ჯირკვლის ბლოკირებისათვის); - იოდისადმი ჰიპერმგრძნობელობა. არ არის რეკომენდებული იოდბალანსის მიღება ჰიპოთირეოზის დროს, გარდა იმ შემთხვევებისა, როდესაც იგი გამოწვეულია იოდის დეფიციტით. არ შეიძლება პრეპარატის დანიშვნა, რადიოაქტიური იოდით თერაპიისას, როდესაც დადასტურებულია ან ეჭვია ფარისებრი ჯირკვლის კიბოზე. | |
| ორსულობა და ლაქტაცია: | ორსულობის და ლაქტაციის პერიოდში იოდის მოთხოვნილება იზრდება, ამიტომ განსაკუთრებით მნიშვნელოვანია იოდბალანსის მიღება საჭირო დოზირებით, რათა მოხდეს იოდის ადექვატური მიწოდება ორგანიზმისთვის (იოდის დღიური რაოდენობა არ უნდა იყოს 200 მკგ-ზე ნაკლები). პრეპარატი კარგად გადის პლაცენტაში და შესაძლებელია ნაყოფში გამოიწვიოს ჰიპოთირეოზი ან ჩიყვი. იოდი, აგრეთვე, გამოიყოფა დედის რძესთან ერთად, ამიტომ პრეპარატის გამოყენება ორსულობის და ლაქტაციის პერიოდში შეიძლება მხოლოდ რეკომენდებული დოზებით. | |
| დოზირება და მიღების წესი: | ენდემური ჩიყვის განვითარების პროფილაქტიკა: - ახალშობილები და ბავშვები: 50-100 მკგ იოდი დღეში (1/2-1 აბი იოდბალანსი 100) - მოზარდები და მოზრდილები: 100-200 მკგ იოდი დღეში (1-2 აბი იოდბალანსი 100 ან 1/2-1 აბი იოდბალანსი 200) - ორსულობის და ლაქტაციის დროს: 200 მკგ იოდი დღეში (1 აბი იოდბალანსი 200 ან 2 აბი იოდბალანსი 100) ჩიყვის რეციდივის პროფილაქტიკა მისი ოპერაციული გზით ამოკვეთის ან ფარისებრი ჯირკვლის ჰორმონებით კომპლექსური მკურნალობის დასრულების შემდეგ: 100-200 მკგ იოდი დღეში, ყოველდღე (1-2 აბი იოდბალანსი 100 ან 1/2-1 აბი იოდბალანსი 200). ეუთირეოიდული ჩიყვის მკურნალობა: ახალშობილები, ბავშვები, მოზარდები და ახალგაზრდები: 100-200 მკგ იოდი (1-2 აბი იოდბალანსი 100 ან 1/2-1 აბი იოდბალანსი 200) დღეში. სადღეღამისო დოზის მიღება უნდა ხდებოდეს ერთჯერადად, ჭამის შემდეგ, საკმარისი რაოდენობით წყლის მიყოლებით. იოდბალანსის პროფილაქტიკური გამოყენება უნდა ხდებოდეს თვეების, წლებისა და ზოგჯერ მთელი ცხოვრების განმავლობაში. ახალშობილებში ჩიყვის სამკურნალოდ იოდბალანსის მიღება ძირითადად საკმარისია 2-4 კვირის განმავლობაში. ბავშვებში, მოზარდებსა და ზრდასრულებში მკურნალობის კურსი 6-დან 12 თვემდეა. პრეპარატით მკურნალობის ხანგრძლივობას ადგენს ექიმი. | |
| გვერდითი მოვლენები: | იოდბალანსით პროფილაქტიკის ან მკურნალობის შედეგად, ახალშობილებში, ბავშვებში და მოზარდებში ძირითადად გვერდითი მოვლენები არ აღინიშნება. ზოგიერთ შემთხვევაში გვხვდება ალერგიული რეაქციები: გამონაყარი კანზე, კვინკეს შეშუპება. | |
| ჭარბი დოზირება: | იოდბალანსის დოზის გადაჭარბება (დღეში 300 მკგ-ზე მეტი) მკურნალობისას შეიძლება განვითარდეს იოდ-ინდუცირებული ჰიპერთირეოზი (უმეტესად ხანდაზმულ პაციენტებში, კვანძოვანი ჩიყვის ან ტოქსიური ადენომის არსებობისას). მაღალი დოზებით მკურნალობისას (დღეში 1000 მკგ და მეტი) ზოგჯერ შეიძლება განვითარდეს იოდით გამოწვეული ჩიყვი და ჰიპოთირეოზი. ქრონიკულმა დოზის გადაჭარბებამ შეიძლება გამოიწვიოს “იოდიზმის” ფენომენი: ლითონის გემო პირში, ლორწოვანი გარსების შეშუპება და ანთებითი პროცესი (რინიტი, კონიუნქტივიტი, გასტროენტერიტი, ბრონქიტი); აკნე; დერმატიტი; სანერწყვე ჯირკვლების შეშუპება; ტემპერატურის მომატება; გაღიზიანება. | |
| ურთიერთქმედება სხვა მედიკამენტებთან: | თირეოსტატიკებით მკურნალობის ეფექტურობა მცირდება იოდთან პრეპარატის ერთდროულად გამოყენებისას. პერქლორატი და კალიუმის თიოციონატი თრგუნავს ფარისებრი ჯირკვლის მიერ იოდის შეთვისებას. იოდის დიდი დოზების მიღებასთან ერთად კალიუმის შემანარჩუნებელი დიურეტიკების მიღებამ შეიძლება გამოიწვიოს ჰიპერკალიემიის განვითარება. იოდის დიდი დოზების მიღებასთან ერთად ლითიუმის პრეპარატების მიღებამ შეიძლება გამოიწვიოს ჩიყვი და ჰიპერთირეოზი. | |
| განსაკუთრებული მითითებები: | გასათვალისწინებელია, რომ პრეპარატით მკურნალობის ფონზე, თირკმლის უკმარისობის მქონე ავადმყოფებში შეიძლება განვითარდეს ჰიპერკალიემია. | |
| გამოშვების ფორმა: | აბები 100 მკგ და 200 მკგ. 25 აბი ბლისტერში. 4 ბლისტერი და გამოყენების ინსტრუქცია მუყაოს კოლოფში. | |
| შენახვის პირობები: | სინათლისაგან დაცულ ადგილას, 15-30C ტემპერატურაზე, ბავშვებისთვის მიუწვდომელ ადგილას. | |
| ვარგისიანობის ვადა: | 3 წელი. არ გამოიყენოთ სამკურნალო საშუალება ვარგისიანობის ვადის გასვლის შემდეგ. | |
| გაცემის წესი: | რეცეპტის გარეშე. |
Page generation time: 0. 051000688 sec.
