This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:ეფერალგანი
უნიფიცირებული
დასახელება:
პარაცეტამოლი Paracetamol
დოზა:80მგ
ფორმა:რექტალური სანთელი
შეფუთვა1:-
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:10
მწარმოებელი ქვეყანა:საფრანგეთი
კომპანია:უპსა ლაბორატუარ
მწარმოებელი:უპსა ლაბორატუარ
რეგისტრაციის ნომერი და
თარიღი:
#რ-036984 2022-12-13 - 2027-12-13
გაცემის რეჟიმი:III ჯგუფი, გაიცემა რეცეპტის გარეშე
ფარმაკოლოგიური
ჯგუფი/ქვეჯგუფი:
ჯგ.:ანალგეზიური ანტიპირეტული საშუალებები.
ქვ/ჯგ.:ცოგ-ის ინჰიბიტორები უპირატესად ცნს-ში.
ა.თ.ქ. კლასიფიკაცია:
N02BE01	
N ნერვული სისტემა
	
02 ანალგეზიური საშუალებები
	
B ანალგეზიური ანტიპირექსიული საშუალებები
	
E ანილიდები
ანოტაცია:
	
	
უკუჩვენება:მომატებული მგრძნობელობა პრეპარატის შემადგენლობაში შემავალი რომელიმე კომპონენტის მიმართ; ფერმენტ გლუკოზა-6-ფოსფატდეჰიდროგენაზას გენეტიკური დეფიციტი; სისხლის სისტემის დაავადებები; ღვიძლისა და თირკმელების ფუნქციის დარღვევა; სანთლები 80 მგ არ გამოიყენება 3 თვემდე ასაკის ბავშვებში; სანთლები უკუნაჩვენებია სწორი ნაწლავის ანთების ან სიხლდენის დროს.
განსაკუთრებული მითითებები:ღვიძლისა და თირკმლის ფუნქციის დარღვევის და ჟილბერის სინდრომის (კონსტიტუციური ჰიპერბილირუბინემია) არსებობისას პრეპარატი სიფრთხილით ინიშნება. პრეპარატის მიღებამდე აუცილებელია ექიმის კონსულტაცია. სუპოზიტორიები არ გამოიყენება თუ ბავშვს აღენიშნება ფაღარათი. სიფრთხილის ზომები: პრეპარატის ხანგრძლივად გამოყენებისას რეკომენდებულია ღვიძლის ფუნქციური ტესტებისა და პერიფერიული სისხლის სურათის კონტროლი.
ჭარბი დოზირება:პარაცეტამოლის ჭარბი დოზირების შემთხვევაში მოსალოდნელია - გულისრევა, ღებინება, კუჭის არეში ტკივილი, ოფლიანობა, კანის საფარველის სიფერმკრთალე. 2 დღის შემდეგ მოსალოდნელია ღვიძლის დაზიანების ნიშნების გამოვლენა. მძიმე შემთხვევების დროს ვითარდება ღვიძლის უკმარისობა, ენცეფალოპათია და და კომატოზური მდგომარეობა. მოწამვლის სიმპტომების გამოვლენისთანავე წყდება პრეპარატის მირება და აუცილებელია ექიმის კონსულტაცია.
ურთიერთქმედება სხვა მედიკამენტებთან:ეფერალგანისა და ბარბიტურატების, ანტიკონვულსიური პრეპარატების და რიფამპიცინის ერთდროული გამოყენებისას მოსალოდნელია ჰეპატოტოქსიური მოქმედების განვითარების გაძლიერება. ეფერალგანისა და ლევომიცეტინის (ქლოეამფენიკოლი) ერთდროული გამოყენებისას უკანასკნელის ტოქსიურობა იზრდება. ეფერალგანის შემადგენლობაში შემავალი პარაცეტამოლი აძლიერებს არაპირდაპირი მოქმედების ანტიკოაგულატების მოქმედებას. ეფერალგანის გამოყენებისას სისხლში შარდმჟავასა და შაქრის რაოდენობის განსაზღვრის ტესტის ჩატარებისას მოსალოდნელია ცრუდადებითი შედეგი.
შენახვის პირობები:ეფერალგანის სანთლები 80მგ და 150მგ ინახება არაუმეტეს 15C ტემპერატურაზე, ეფერალგანის სანთლები 300მგ ინახება არაუმეტეს 30C ტემპერატურაზე ბავშვებისთვის მიუწვდომელ ადგილას.
ვარგისიანობის ვადა:ეფერალგანის სანთლების 80მგ და 150მგ შენახვის ვადა 5 წელია. ეფერალგანის სანთლების 300მგ შენახვის ვადა 3 წელია.
გამოშვების ფორმა:რექტალური სანთლები, 80მგ, 150მგ და 300მგ პარაცეტამოლის შემცველი.
ჩვენება:ინიშნება მწვავე რესპირატორული დაავადებების, გრიპის, ბავშვთა ინფექციების, პოსტვაქცინური რეაქციების და სხვა ცხელებით მიმდინარე ინფექციურ-ანთებითი დაავადებების დროს. პრეპარატი აგრეთვე გამოიყენება თავის, ყელის და კბილის ტკივილის და მენსტრუალური ციკლის დროს არსებული ტკივილის კუპირებისთვის. ეფერალგანის სანთლები 80მგ გამოიყენება 3-5 თვემდე ასაკის ბავშვებში (სხეულის მასა 6-8კგ); სანთლები 150მგ - 1-3 წლამდე ასაკის ბავშვებში (10-14კგ); სანთლები 300მგ - 5-10 წლამდე ასაკის ბავშვებში (20-30კგ).
შემადგენლობა:პარაცეტამოლი 150მგ. სხვა ინგრედიენტები: ნახევრადსინთეზური გლიცერიდები 1გ.
ფარმაკოლოგიური თვისება:ეფერალგანი შეიცავს პარაცეტამოლს, რომლესაც გააჩნია ტკივილგამაყუჩებელი, სიცხის დამწევი და სუსტად გამოხატული ანთების საწინააღმდეგო მოქმედება.
დოზირება და მიღების წესი:ბავშვებში დოზა დგინდება სხეულის წონის მიხედვით: მაქსიმალური ერთჯერადი დოზა - 10-15მგ/კგ სხეულის წონაზე, მაქსიმალური დღეღამური დოზა - 60მგ/კგ სხეულის წონაზე. სანთლები გამოიყენება რექტალურად (უმჯობესია გამწმენდი ოყნის ან ნაწლავის თავისი სურვილით დაცლის შემდეგ). სანთლები 80მგ: ბავშვებში სხეულის მასით 6-8კგ (3-5 თვის ასაკი) გამოიყენება 1 სანთელი 3-4-ჯერ დღეში 4-6 საათის ინტერვალით. სანთლები 150მგ: ბავშვებში სხეულის მასით 10-14კგ (1-3 წლის ასაკი) გამოიყენება 1 სანთელი 3-4-ჯერ დღეში 4-6 საათის ინტერვალით. სანთლები 300მგ: ბავშვებში სხეულის მასით 20-30კგ (5-10 წლის ასაკი) გამოიყენება 1 სანთელი 3-4-ჯერ დღეში 4-6 საათის ინტერვალით. მკურნალობის ხანგრძლივობა: პრეპარატი, როგორც ტკივილგამაყუჩებელი საშუალება არ უნდა გამოვიყენოთ 5 დღეზე მეტ ხანს, ხოლო სიცხის დამწევის სახით 3 დღეზე მეტ ხანს ექიმის რეკომენდაციის გარეშე.
გვერდითი მოვლენები:რეკომენდებულ დოზებში გვერდითი მოვლენები არ აღინიშნება. ხანდახან მოსალოდნელია გულისრევა, ღებინება, ალერგიული რეაქციები კანზე გამონაყარის, ქავილის, კვინკეს შეშუპების სახით, სწორი ნაწლავის ლორწოვანის გაღიზიანება. იშვიათად - ჰემოპოეზური სისტემის მხრივ დარღვევები (ანემია, თრომბოციტოპენია, მეტჰემოგლობინემია, ლეიკოპენია, აგრანულოციტოზი). პრეპარატის მაღალი დოზითა და ხანგრძლივად გამოყენებისას მოსალოდნელია ღვიძლისა და თირკმელების ფუნქციის დარღვევა, რის გამოც აუცილებელია სისხლის სურათის შემოწმება. პრეპარატის მაღალი დოზით გამოყენებისას შესაძლებელია ჰეპატოტოქსიური და ნეფროტოქსიური მოქმედება. არასასურველი სიმპტომების გამოვლენისთანავე საჭიროა ექიმთან კონსულტაცია.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 050537806 sec.