This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:ზო 20
უნიფიცირებული
დასახელება:
სიმვასტატინი Simvastatin
დოზა:-
ფორმა:აბი
შეფუთვა1:-
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:20
მწარმოებელი ქვეყანა:საქართველო
კომპანია:ჯი-ემ-პი
მწარმოებელი:ჯი-ემ-პი
რეგისტრაციის ნომერი და
თარიღი:
#რ-017404 2015-11-17 - 2020-11-17
გაცემის რეჟიმი:II ჯგუფი, გაიცემა ფორმა №3 რეცეპტით
ფარმაკოლოგიური
ჯგუფი/ქვეჯგუფი:
ჯგ.:ლიპიდური ცვლის მაკორეგირებელი საშუალებები.
ქვ/ჯგ.:ქოლესტერინის სინთეზის ინჰიბიტორები.
ა.თ.ქ. კლასიფიკაცია:
C10AA01	
C გულ-სისხლძარღვთა სისტემა
	
10 ჰიპოლიპიდემიური პრეპარატები
	
A ჰიპოქოლესტერინემიური და ჰიპოტრიგლიცერიდემიური პრეპარატები
	
A HMG COA-რედუქტაზას ინჰიბიტორები
ანოტაცია:
	
	
აღწერილობა:ზო-20-ით მკურნალობის დაწყებამდე და თერაპიული კურსის მიმდინარეობისას პაციენტი უნდა იმყოფებოდეს ჰიპოქოლესტერინულ დიეტაზე, ამავე დროს პერიოდულად ჩაიტაროს ღვიძლის ფუნქციური სინჯები. პაციენტებმა, რომლებიც იღებენ ზო-20-ის დღიურ დოზას 80მგ-ს, საჭიროა ღვიძლის ფუნქციების კვლევა ჩაიტარონ ყოველ 3 თვეში ერთხელ. სიმვასტატინით მკურნალობის ფონზე შესაძლებელია ტრანსამინაზების აქტივობის ტრანზიტორული ზომიერი მატება, რომელიც მიმდინარეობს უსიმპტომოდ და არ საჭიროებს პრეპარატის მოხსნას. თუ ტრანსამინაზების დონე 3-ჯერ აჭარბებს დასაშვებ ზღვრულ ნორმას და აქვს მუდმივი ხასიათი, საჭიროა პრეპარატის მოხსნა. ზო-20 ზრდის არაპირდაპირი ანტიკოაგულანტების მოქმედებას, ხოლო ციტოსტატიკებთან, იტრაკონაზოლთან, ფიბრატებთან, ნიკოტინის მჟავას მაღალ დოზებთან კომბინაციაში - მიოპათიის განვითარების რისკს. პაციენტებმა კუნთების ტკივილის, სისუსტის ან მომატებულიმგრძნობელობის გამოვლენისთანავე უნდა მიმართონ ექიმს. კრეატინფოსფოკინაზას მნიშვნელოვანი მატების ან მიოპათიის განვითარების რისკის არსებობისას საჭიროა ზო-20-ით მკურნალობის შეწყვეტა. ზო-20-სა და აზოლის წარმოებული ანტიმიკოზური საშუალებების ერთდროული დანიშვნისას საჭიროა ავადმყოფებზე განსაკუთრებული ყურადღება (მოსალოდნელია სისუსტის განვითარება და კრეატინფოსფოკინაზის დონის მატება). ოჯახური ჰოპოზიგოტური ჰიპერქოლესტერინემიის დროს, დსლ-რეცეპტორების სრული არარსებობისას, ზო-20-ით მკურნალობა სასურველ შედეგს არ იძლევა.
ვარგისიანობის ვადა:3 წელი.
გაცემის წესი:ექიმის რეცეპტით.
გამოშვების ფორმა:აბი 20მგ, შეფუთვაში 20 აბი.
შემადგენლობა:სიმვასტატინი 20მგ.
ფარმაკოლოგიური თვისება:ზო-20 - ჰიპოქოლესტერინემიული პრეპარატი. ზო-20-ის აქტიური ნივთიერება - სიმვასტატინი ორგანიზმში განიცდის ჰიდროლიზს შესაბამის ჰიდროქსიმჟავას წარმოებულამდე, ახდენს 3-ჰიდროქსი-3-მეთილგლუტარილ-კოენზიმ A(HMG _ Co A)-რედუქტაზას ინჰიბირებას ანუ მოქმედებს ფერმენტზე, რომელიც წარმოადგენს ქოლესტერინის ბიოსინთეზის საწყისი სტადიის კატალიზატორს. ზო-20 ამცირებს საერთო ქოლესტერინის, დაბალი სიმკვრივის ლიპოპროტეიდების (დსლ) და ძალიან დაბალი სიმკვრივის ლიპოპროტეიდების (ძდასლ) შემცველობას სისხლის პლაზმაში. ასევე, იწვევს მაღალი სიმკვრივის ლიპოპროტეიდების (მსლ) შედარებით მატებასა და ტრიგლიცერიდების დონის შემცირებას. ზო-20 ეფექტურია საერთო ქოლესტერინის და დსლ-ის დონის შესამცირებლად ჰეტეროზიგოტური ოჯახური და არაოჯახური ჰიპერქოლესტერინემიის დროს. ასევე - შერეული ჰიპერლიპიდემიის დროს, როცა ქოლესტერინის მაღალი დონე ერთ-ერთი რისკ-ფაქტორია. პრეპარატის მოქმედება ვლინდება მკურნალობის დაწყებიდან 2 კვირაში, ხოლო 4-6 კვირაში მიიღწევა მაქსიმალური თერაპიული ეფექტი. სამკურნალო ეფექტი შენარჩუნებული რჩება პრეპარატით მკურნალობის გაგრძელების შემთხვევაში. სიმვასტატინი კარგად შეიწოვება კუჭ-ნაწლავის ტრაქტიდან, პლაზმის ცილებს უკავშირდება 95%, ღვიძლში „პირველადი გავლის“ შემდეგ გამოიყოფა ნაღვლის საშუალებით.
ჩვენება:ჰიპერქოლესტერინემია: - პირველადი ჰიპერქოლესტერინემიით დაავადებულებში საერთო ქოლესტერინისა და ქოლესტერინი/დსლ გაზრდილი შეფარდების შემცირება, როცა დიეტოთერაპია და სხვა არაფარმაკოლოგიური ღონისძიებანი უშედეგოა; სიმვასტატინი ზრდის მსლ-ის შემცველობას და ამით ამცირებს დსლ/მსლ და საერთო ქოლესტერინი/მსლ შეფარდებებს. - კომბინირებული ჰიპერქოლესტერინემიისა და ჰიპერტრიგლიცერიდემიის დროს ქოლესტერინის გაზრდილი დონის შემცირება, როცა ჰიპერქოლესტერინემია რისკ-ფაქტორს წარმოადგენს. გულის იშემიური დაავადება; პრეპარატი ნაჩვენებია პაციენტებში: - საერთო სიკვდილიანობის შემცირების მიზნით; - კორონარული პათოლოგიით გამოწვეული სიკვდილიანობის შემცირებისა და მიოკარდიუმის ინფარქტის პროფილაქტიკის მიზნით; - თავის ტვინის სისხლმომარაგების გარდამავალი დარღვევებისა და ინსულტის განვითარების რისკის შემცირების მიზნით; - კორონარული სისხლის მიმოქცევის აღსადგენად ოპერაციის საჭიროების შემცირების მიზნით; - კორონარული ათეროსკლეროზის პროგრესირების შეფერხების მიზნით.
დოზირება და მიღების წესი:ჰიპერქოლესტერინემიის დროს პრეპარატის საწყისი დოზა შეადგენს 10მგ-ს ერთჯერადად საღამოს. დოზის მომატებისას საჭიროა ოთხკვირიანი ინტერვალების დაცვა. მაქსიმალური დღიური დოზაა 80მგ. თუ დსლ-ის დონე მცირდება 75მგ/დლ (1,94 მმოლ/ლ) ან პლაზმის საერთო ქოლესტერინის დონე მცირდება 140მგ/დლ (3,6 მმოლ/ლ) და მეტად, საჭიროა ზო-20-ის დოზის შემცირება. ოჯახური ჰომოზიგოტური ჰიპერქოლესტერინემიის დროს დღიური დოზაა - 40მგ ერთჯერადად საღამოს, ან დღიური დოზა 80მგ (გაყოფილი 3 მიღებაზე - 20მგ დილით, 20მგ შუადღისას, 40მგ საღამოს). გულის იშემიური დაავადების დროს მიოკარდიუმის ინფარქტის პროფილაქტიკისათვის საწყისი დოზა შეადგენს 20მგ-ს ერთჯერადად საღამოს. საჭიროებისას დოზის კორექციას ახდენენ ისევე, როგორც ჰიპერქოლესტერინემიის შემთხვევაში. ციკლოსპორინებთან, ფიბრატებთან ან ნიაცინთან კომბინაციაში სიმვასტატინის მაქსიმალური დოზა შეადგენს 10მგ/დღეში. ვინაიდან ზო-20-ის ელიმინაცია თირკმლების საშუალებით მინიმალური რაოდენობით ხდება, თირკმლის ფუნქციის ზომიერი დაზიანების მქონე პაციენტები არ საჭიროებენ დოზის კორექციას. ხოლო თირკმლის ფუნქციის გამოხატული დაზიანების მქონე პირებში (კრეატინინის კლირენსი 30 მლ/წთ ნაკლები) სიმვასტატინის დღეში 10მგ-ზე მეტი დოზით დანიშვნისას საჭიროა სიფრთხილე და მუდმივი კონტროლი.
გვერდითი მოვლენები:თავის ტკივილი, თავბრუსხვევა, ასთენია; მუცლის ტკივილი, ყაბზობა, მეტეორიზმი, გულისრევა, დიარეა, დისპეფსია, პანკერატიტი, ღებინება; გამონაყარი კანზე, ქავილი, ალოპეცია; ჰიპერმგრძნობელობითი რეაქცია (ანგიონევროზული შეშუპება, ფოტოსენსიბილიზაცია, კანის ჰიპერემია,მგლურასებრი სინდრომი, რევმატიული პოლიმიალგია, ვასკულიტი, ართრიტი, ართრალგია, თრომბოციტოპენია, ეოზინოფილია, ედს-ის მატება), ლაბორატორიული მაჩვენებლების გადახრა (ღვიძლის ტრანსამინაზების, ტუტე ფოსფატაზის, გამა-გლუტამილტრანსპეპტიდაზის, ჩონჩხის კუნთების კრეატინფოსფოკინაზის დონის მატება, ღვიძლის ფუნქციური სინჯების ცვლილებები). ზო-20 მთლიანობაში კარგად გადაიტანება, შესაძლებელია მცირედ გამოხატული და სწრაფად გარდამავალი გვენრდითი მოვლენების გამოვლინება.
უკუჩვენება:ღვიძლის დაავადებები (აქტიურ ფაზაში), ტრანსამინაზინების აქტივობის მყარი მატება (უცნობი ეტიოლოგიის), ორსულობა, ლაქტაცია, პრეპარატისადმი მაღალიმგრძნობელობა. პრეპარატი არ ინიშნება ბავშვთა ასაკში.
შენახვის პირობები:10-25C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილას!







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 051388997 sec.