| დასახელება: | ატენოლოლი ნიკომედი | |
| უნიფიცირებული დასახელება: | ატენოლოლი Atenolol | |
| დოზა: | 50მგ | |
| ფორმა: | შემოგარსული აბი | |
| შეფუთვა1: | პლასტიკის კონტეინერი | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 30 | |
| მწარმოებელი ქვეყანა: | გერმანია | |
| კომპანია: | ტაკედა | |
| მწარმოებელი: | ტაკედა, გერმანია | |
| რეგისტრაციის ნომერი დათარიღი: | #რ-022266 2017-05-05 - 2022-05-05 | |
| გაცემის რეჟიმი: | II ჯგუფი, გაიცემა ფორმა №3 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:ბეტა1-ადრენომაბლოკირებელი საშუალება. ქვ/ჯგ.: |
|
| ა.თ.ქ. კლასიფიკაცია: | ||
C07AB03 | C გულ-სისხლძარღვთა სისტემა | |
| 07 ბეტა- ადრენობლოკატორები | ||
| A ბეტა- ადრენობლოკატორები | ||
| B სელექტური ბეტა- ადრენობლოკატორები | ||
| ანოტაცია: | ||
| ქიმიური დასახელება: | C14H22N2O3(RS)4-[2-ჰიდროქსი-3-] (იზოპროპილამინო)პროპოქსი]ფენილაცეტამიდი. | |
| აღწერილობა: | 50მგ-იანი გარსით დაფარული აბები: თეთრი კაფსულის ფორმის აბები ნაჭდევით გადასატეხად და წარწერით AB 55. 100მგ-იანი: თეთრი კაფსულის ფორმის აბები ნაჭდევით გადასატეხად და წარწერით AB 57. | |
| შემადგენლობა: | 1 აბი შეიცავს 50მგ და 100მგ ატენოლოლს. დამხმარე კომპონენტები: პროპილენგლიკოლი, ტალკი, ჟელატინი, მეთილჰიდროქსიპროპილცელულოზა 15 (E 464), ნატრიუმის ლაურილ სულფატი, მაგნიუმის სტეარატი, სიმინდის სახამებელი და მძიმე მაგნიუმის კარბონატი. საღებავი: ტიტანის დიოქსიდი (E 171). | |
| ფარმაკოლოგიური თვისება: | კარდიოსელექტიური ბეტა-ადრენობლოკერი. | |
| ფარმაკოდინამიკა: | ატენოლოლი წარმოადგენს ადრენორეცეპტორების ბეტა1-სელექტიურ (კარდიოსელექტიურ) ბლოკერს, არ გააჩნია მემბრანომასტაბილიზებელი აქტივობა და არ წარმოადგენს ნაწილობრივ აგონისტს. გააჩნია ანტიანგინალური, ჰიპოტენზიური და ანტიარითმიული ეფექტები. | |
| ფარმაკოკინეტიკა: | პერორალურად მიღებული ატენოლოლის 50-60% სწრაფად შეიწოვება და შარდით გამოიყოფა უცვლელ მდგომარეობაში, ნახევარგამოყოფის პერიოდი 6-7 საათია. თირკმლების უკმარისობით დაავადებულებში პრეპარატის გამოყოფის დრო დამოკიდებულია გორგლოვანი ფილტრაციის სიჩქარეზე. | |
| ჩვენება: | - არტერიალური ჰიპერტონია; - სტენოკარდიის შეტევების პროფილაქტიკა; - სინუსური ტაქიკარდია და სხვა ფორმის ტაქიარითმიები. გართულებების თავიდან აცილების მიზნით პრეპარატის მიღება უნდა ხდებოდეს მხოლოდ ექიმის დანიშნულებით! | |
| უკუჩვენება: | - ატენოლოლისადმი ჰიპერმგრძნობელობა; - II და III ხარისხის ატრიოვენტრიკულური ბლოკადა; - სინუსური ბრადიკარდია (<45-50 დარტყმა წუთში); - გულის მწვავე უკმარისობა; - არტერიული ჰიპოტონია; არ არის რეკომენდებული პრეპარატის დანიშვნა ბავშვებისთვის. | |
| ორსულობა და ლაქტაცია: | ორსულობის III ტრიმესტრში პრეპარატის დანიშვნა არ არის რეკომენდებული. | |
| დოზირება და მიღების წესი: | აბების მიღება ხდება მცირეოდენი წყლის მიყოლებით 1-2-ჯერ დღე-ღამეში. მოზრდილებს არტერიული ჰიპერტონიისა და სტენოკარდიის შემთხვევაში ენიშნებათ 50-100მგ დღეში, არითმიებისას – 50-100მგ. მიოკარდიუმის ინფარქტი: ადრეული მკურნალობისას მდგრად ფაზაში ატენოლოლის ინტრავენური შეყვანიდან 15 წუთის შემდეგ ინიშნება პერორალურად ატენოლოლის აბირებული ფორმა 50მგ-ის დოზით, შემდეგ იგივე დოზა ეძლევა 12 საათში, ხოლო შემდგომ 100მგ დღეში ერთჯერ, ხანდაზმულ ავადმყოფებს, რომელთაც აღენიშნებათ თირკმლების ფუნქციის მოშლა, შეიძლება დაენიშნოთ უფრო დაბალი დოზა. დიდი სიფრთხილითაა საჭირო ატენოლოლის დანიშვნა ორსულობისა (I და II ტრიმესტრში) და ლაქტაციის პერიოდში. გულის იშემიური დაავადების მქონე ავადმყოფებში ბეტა-ბლოკერების მიღების ერთბაშად შეწყვეტამ შეიძლება გამოიწვიოს გულისცემის სიხშირის ზრდა ან ანგიალური შეტევების გაძლიერება, ამიტომ ასეთ ავადმყოფებში ატენოლოლის მიღების შეწყვეტა უნდა ხდებოდეს თანდათანობით. თირკმლების დაავადებების მქონე ავადმყოფებისთვის ატენოლოლის შერჩევა უნდა მოხდეს ინდივიდუალურად. გულის დეკომპენსაციით დაავადებულთათვის დოზების შერჩევა განსაკუთრებული ყურადღებით უნდა მოხდეს. ფეოქრომოციტომის მქონე ავადმყოფებს ბეტა-ბლოკერები მხოლოდ ალფა-ბლოკერების თანხლებით ენიშნებათ. ატენოლოლი ახდენს ჰიპოგლიკემიის დროს აღმოცენებული ტაქიკარდიის მასკირებას, მას შეუძლია გაახანგრძლივოს ჰიპოგლიკემიური რეაქცია ინსულინზე. შაქრიანი დიაბეტით დაავადებულებში სიფრთხილის გამოჩენაა საჭირო ჰიპოგლიკემიური პრეპარატების და ატენოლოლის ერთდროული მიღებისას. ატენოლოლის ფარმაკოლოგიური მოქმედება – გულის შეკუმშვათა რიცხვის შემცირება. იშვიათ შემთხვევაში, როდესაც აღმოცენდება გულის შეკუმშვათა სიხშირის შენელებით განპირობებული სიმპტომატიკა, აუცილებელია პრეპარატის დოზის შემცირება. დიდი სიფრთხილითაა საჭირო ბეტა-ბლოკერების დანიშვნა ავადმყოფებისთვის, რომელთაც აღენიშნებათ პერიფერიული სისხლის მიმოქცევის მოშლა (რეინოს სინდრომი, ხანგამოშვებითი კოჭლობა), რადგანაც მოცემული ჯგუფის პრეპარატები აძლიერებენ აღნიშნულ დარღვევებს. არასელექტიურ ბეტა-ბლოკერებისგან განსხვავებით კარდიოსელექტიური ბეტა-ბლოკერები ნაკლებად მოქმედებენ ფილტვების ფუნქციებზე, მიუხედავად ამისა ატენოლოლის დანიშვნა სასუნთქი გზების ობსტრუქციული დაავადებებისას უნდა ხდებოდეს მხოლოდ აბსოლუტური ჩვენებების შემთხვევაში. მათი დანიშვნის აუცილებლობისას, ზოგიერთ შემთხვევაში, შესაძლოა რეკომენდებული იქნას ბეტა2-ბრონქოდილატატორების გამოყენება. სიფრთხილის გამოჩენაა საჭირო ავადმყოფების გადაყვანისას კლონიდინიდან ბეტა-ბლოკერებზე. ამ პრეპარატების ერთდროული მიღებისას, ბეტა-ბლოკერების მოხსნის შემთხვევაში, კლონიდინის მიღება კიდევ რამოდენიმე დღეს უნდა გაგრძელდეს. უარყოფითი ინოტროპული ეფექტის გამო, სიფრთხილის გამოჩენაა საჭირო ბეტა-ბლოკერების დანიშვნისას I კლასის ანტიარითმიულ (მაგალითად, დიზოპირამიდთან) საშუალებებთან ერთად. | |
| ურთიერთქმედება სხვა მედიკამენტებთან: | მედიკამენტური: სხვა ჰიპოტენზიური საშუალებები აძლიერებენ ატენოლოლის ჰიპოტენზიურ მოქმედებას. ბეტა-ბლოკერებმა შესაძლოა გააძლიერონ დიაბეტის საწინააღმდეგო პრეპარატების ჰიპოგლიკემიური მოქმედება და შენიღბონ ჰიპოგლიკემიის გამაფრთხილებელი ნიშნები, როგორიცაა ტრემორი და ტაქიკარდია. ატენოლოლის ერთდროულმა დანიშვნამ რეზერპინთან, მეთილდოფასთან, კლონიდინსა და ვერაპამილთან შეიძლება გამოიწვიოს გამოხატული ბრადიკარდია. ატენოლოლითა და კლონიდინით კომბინირებული მკურნალობის შეწყვეტის შემთხვევაში, კლონიდინით მკურნალობა გრძელდება რამოდენიმე დღე ატენოლოლის შეწყვეტის შემდეგ. ფარმაკოდინამიკური და ფარმაკოკინეტიკური: ავადმყოფებისთვის, რომლებიც ბეტა-ბლოკერებს ღებულობენ, ადრენალინის შემცველი პრეპარატების პარენტერულმა შეყვანამ შესაძლოა, იშვიათ შემთხვევაში, გამოიწვიოს სისხლძარღვების შევიწროვება, ჰიპერტონია და ბრადიკარდია. | |
| გვერდითი მოვლენები: | ჩვეულებრივ, ატენოლოლი კარგად გადაიტანება. გვერდით მოვლენებში შედის: გულისრევა, ღებინება, დიარეა, მოთენთილობა და კუნთების დაღლილობა. ხანდახან შესაძლოა აღინიშნოს თავის ტკივილი, გუნების შეცვლა და გულის ფუნქციების დარღვევა. იშვიათად აღინიშნება ძილის მოშლა, თრომბოციტოპენია, ალოპეცია, ჰემორაგიული გამონაყარი, ფსორიაზისმაგვარი რეაქციები კანზე და გულის ბლოკადის წარმოქმნა მომატებულიმგრძნობელობის ავადმყოფებში. არსებობს მონაცემები კანის ქავილისა და/ან მშრალი თვალების წარმოქმნის შესახებ ბეტა-ადრენობლოკერების მიღების შედეგად. თუ ეს სიმპტომები არ არის დაკავშირებული სხვა მიზეზებთან, ატენოლოლის მიღება უნდა შეწყდეს. | |
| ჭარბი დოზირება: | ჩვეულებრივ ბრადიკარდია და ჰიპოტონია წარმოადგენენ დოზის გადაჭარბების ნიშნებს, იშვიათად ისინი შესაძლოა წარმოიქმნან ორგანიზმის მიერ პრეპარატის აუტანლობით. მკურნალობა: მისი ერთ-ერთი პირველი პრინციპია: ძლიერი ბრადიკარდიის კუპირება შეიძლება 1-2მგ ატროპინის, და შემდგომ აუცილებლობის შემთხვევაში 10მგ გლუკაგონის ინტრავენური შეყვანით. აუცილებლობის შემთხვევაში, აღნიშნული ღონისძიებების ჩატარება შეიძლება განმეორდეს, ან მოხდეს გლუკაგონის ინტრავენური გადასხმები, რეაქციიდან გამომდინარე, 1-10მგ/სთ-ში. თუ აღინიშნება რეაქცია გლუკაგონზე, ან გლუკაგონი მიუწვდომელია, მაშინ აუცილებელია ბეტა-ადრენორეცეპტორების სტიმულატორების შეყვანა, მაგალითად, 5მგ პრენალტეროლი ინტრავენურად, რის შემდეგაც, აუცილებლობის შემთხვევაში, გრძელდება ინტრავენური გადასხმები 5მგ/სთ-ში, ან შესაძლოა დაინიშნოს დობუტამინის გადასხმები2.5-10 მიკროგრამ/კგ/წთ-ში სიჩქარით. | |
| გამოშვების ფორმა: | პლასტიკურ კონვეირში 50 და 100მგ-იანი ატენოლოლი ნიკომედის გარსით დაფარული აბები. 30 აბი შეფუთვაში. | |
| შენახვის პირობები: | ოთახის ტემპერატურაზე არა უმეტეს 25ºC-სა, სინათლისაგან დაცულ მშრალ, ბავშვებისთვის მიუწვდომელ ადგილას! | |
| ვარგისიანობის ვადა: | 5 წელი. მიაქციეთ ყურადღება ვარგისიანობის ვადას! | |
| გაცემის წესი: | მხოლოდ ექიმის რეცეფტით! |
Page generation time: 0. 050824101 sec.
