| დასახელება: | ალმაგელი | |
| უნიფიცირებული დასახელება: | ალუმინის ჰიდროქსიდი + მაგნიუმის ჰიდროქსიდი Algeldrate + Magnesium hydroxide | |
| დოზა: | - | |
| ფორმა: | ორალური სუსპენზია | |
| შეფუთვა1: | 170მლ ფლაკონი | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 1 | |
| მწარმოებელი ქვეყანა: | ბულგარეთი | |
| კომპანია: | ბალკანფარმა-ტროიან | |
| მწარმოებელი: | ბალკანფარმა-ტროიან | |
| რეგისტრაციის ნომერი დათარიღი: | ||
| გაცემის რეჟიმი: | III ჯგუფი, გაიცემა რეცეპტის გარეშე | |
| ფარმაკოლოგიურიჯგუფი/ქვეჯგუფი: | ჯგ.:წყლულის სამკურნალო საშუალებები. ქვ/ჯგ.:ანტაციდები. |
|
| ა.თ.ქ. კლასიფიკაცია: | ||
A02A | A საჭმლის მომნელებელი ტრაქტი და ნივთიერებათა ცვლა | |
| 02 ანტაციდები, კუჭისა და 12-გოჯა ნაწლავის წყლულის საწინააღმდეგო პრეპარატები და ნაწლავებში მეტეორიზმის შესამცირებელი პრეპარატები | ||
| A ანტაციდები | ||
| ანოტაცია: | ||
| ფარმაკოლოგიური თვისება: | ალმაგელი - პრეპარატი, რომელიც ამცირებს კუჭის წვენის მომატებულ მჟავიანობას. იგი წარმოადგენს ალუმინისა და მაგნიუმის ჰიდროქსიდების დაბალანსირებულ კომბინაციას, რომლებიც არახსნადია და თითქმის არ მიეწოდება ორგანიზმს. ალმაგელი ახდენს ადგილობრივ მოქმედებას კუჭის ლორწოვან გარსზე, იცავს მას მჟავებისა და სხვა მავნე ნივთიერებებისა და საკვების გამაღიზიანებელი მოქმედებისაგან, ამცირებს პეფსინის აქტივობას. პრეპარატი ამცირებს მომატებულ მჟავიანობას საყლაპავ მილში. ახდენს ანთების საწინააღმდეგო და შემომგარსველ მოქმედებას საყლაპავის, კუჭისა და თორმეტგოჯა ნაწლავის ლორწოვან გარსზე. დამხმარე ნივთიერებას სორბიტოლს გააჩნია ზომიერი ნაღველმდენი მოქმედება, ასევე ზომიერი გამხსნელი ეფექტი. | |
| ჩვენება: | • საჭმლის მომნელებელი ტრაქტის (საყლაპავი მილი, კუჭი და თორმეტგოჯა ნაწლავი) ზედა ნაწილების ლორწოვანი გარსის მწვავე და ქრონიკული ანთებების მკურნალობა. • საყლაპავის, კუჭისა და თორმეტგოჯა ნაწლავის დაავადებებისას – ეზოფაგიტი, თიაქარი, მწვავე და ქრონიკული გასტრიტი და გასტროდუოდენიტი, კუჭისა და თორმეტგოჯა ნაწლავის წყლულოვანი დაავადება, ოპერაციის შემდგომი კუჭის ლორწოვანი გარსის ანთება - მომატებული კუჭის მჟავიანობის (ჰიპერქლორჰიდრის) მდგომარეობათა სიმპტომატური ანტაციდური მკურნალობა. • როგორც პროფილაქტიკური საშუალება ზოგიერთი დანიშნული სამკურნალო საშუალებების გამაღიზიანებელი და ულცეროგენული მოქმედების შესამცირებლად საყლაპავის, კუჭისა და თორმეტგოჯა ნაწლავის ლორწოვან გარსზე. | |
| უკუჩვენება: | ალმაგელის გამოყენება რეკომენდებული არ არის იმ პრეპარატთა აუტანლობისას, რომლებიც შეიცავენ ალუმინსა და მაგნიუმს, მძიმე ყაბზობისას, ალცჰეიმერის დაავადებისას, მწვავე ბრმა ნაწლავზე ეჭვის არსებობისას, წყლულოვანი კოლიტის არსებობისას, ნაწლავზე ოპერაციების შემდეგ, ქრონიკული ფაღარათისას, ბუასილის, თირკმლის უკმარისობისას. | |
| სიფრთხილის ზომები: | მკურნალობის დაწყებამდე შეატყობინეთ მკურნალ ექიმს, თუ რაიმე თანმხლები დაავადებები გაგაჩნიათ! ალმაგელის გამოყენება არ შეიძლება 10 წელზე უმცროსი ასაკის ბავშვებში, ამ სამკურნალო ფორმის დოზირების სისწორის დაცვის შეუძლებლობის გამო. უფრო ხანგრძლივი გამოყენებისას (2 კვირაზე მეტი) აუცილებელია ექიმის რეგულარული კონტროლი. | |
| ურთიერთქმედება სხვა მედიკამენტებთან: | აუცილებლად აცნობეთ მკურნალ ექიმს, რომ თქვენ სარგებლობთ რაიმე სხვა პრეპარატებით! რეკომენდებულია სხვა სამკურნალო საშუალებების მიღება 1-2 საათით ადრე ალმაგელის მიღებამდე ან მის შემდეგ. ალმაგელი ამცირებს კუჭის წვენის მჟავიანობას და ამან შესაძლოა გავლენა მოახდინოს სამკურნალო საშუალებათა დიდი რაოდენობის მოქმედებაზე მათი ერთდროული მიღებისას. ალმაგელი ამცირებს რეზერპინის, ციმეტიდინის, რანიტიდინის, რკინის მარილების, ლითიუმის, ქიმიდინის, მექსილეთინის პრეპარატების, ფენოთიაზინური პრეპარატების, ტეტრაციკლინური რიგის ანტიბიოტიკების, ციპროფლოქსაცინის, იზონიაზიდისა და კეტოკონაზოლის სამკურნალო მოქმედებას. ალმაგელი ამცირებს კუჭის სეკრეციის დონეს და ამგვარად შეუძლია გავლენა მოახდინოს კუჭის წვენის მჟავიანობის ფუნქციონალური კვლევის შედეგებზე. | |
| განსაკუთრებული მითითებები: | ხანდაზმული ასაკის ავადმყოფების მიერ ხანგრძლივი მიღებისას შესაძლებელია ძვლებისა და სახსრების არსებული დაავადებების გაუარესება. ორსულობის დროს პრეპარატის გამოყენება არ შეიძლება 5-6 დღეზე მეტ ხანს ექიმის მეთვალყურეობის ქვეშ. პრეპარატის გამოყენება ორსულთა ტოქსიკოზის დროს რეკომენდებული არ არის. პრეპარატის შემადგენლობაში შემავალი ეთანოლი არის იმ რაოდენობით, რომელსაც არ ძალუძს გავლენა მოახდინოს ავტომობილის მართვისა და ტექნიკით სარგებლობის უნარზე რეკომენდებული დღე-ღამის დოზების მიღებისას. მონაცემები დამხმარე ნივთიერებების შესახებ: ალმაგელი არ შეიცავს შაქარს და მისი მიღება შაქრიანი დიაბეტით დაავადებულებსაც შეუძლიათ. პრეპარატი შეიცავს სორბიტოლს, რომელიც უკუნაჩვენებია ფრუქტოზას თანდაყოლილი აუტანლობისას, ვინაიდან შესაძლოა გამოიწვიოს ნაწლავის გაღიზიანება და ფაღარათი. ალმაგელი შეიცავს პარაბენებს, რომლებსაც შეუძლიათ გამოიწვიონ გამონაყარი კანზე და ქავილი, ხოლო იშვიათ შემთხვევებში ბრონქების ალერგიული სპაზმი და სუნთქვის გაძნელება. ალმაგელს შეუძლია გავლენა მოახდინოს ზოგიერთ ლაბორატორიული და ფუნქციონალური გამოკვლევებისა და ტესტების შედეგებზე: იგი ამცირებს კუჭის სეკრეციის დონეს მისი მჟავიანობის განსაზღვრისას; არღვევს დივერტიკულების ვიზუალიზაციისა და ძვლების სცინტიგრაფიის ტესტს ტექნეციის (Tc99) მეშვეობით; ზომიერად და ხანმოკლე დროით ზრდის გასტრინის შრატისმიერ დონეს, ზრდის ფოსფორის, შრატის pH და შარდოვანას შრატისმიერ დონეს. | |
| დოზირება და მიღების წესი: | საჭმლის მომნელებელი ტრაქტის ზედა ნაწილების ლორწოვან გარსებზე ანთების საწინააღმდეგო მოქმედების მისაღწევად პრეპარატი მიიღება 10-15 წუთით ადრე ჭამამდე. მოზრდილებში და 15 წელზე უფროსი ასაკის ბავშვებში – 5-10 მლ (1-2 საზომი კოვზი) 3-ჯერ დღეში. საჭიროების შემთხვევაში ერთჯერადი დოზის გაზრდა შეიძლება 15 მლ-მდე (3 საზომი კოვზი). 10-დან 15 წლამდე ბავშვებში ნიშნავენ მოზრდილთათვის რეკომენდებული დოზის ნახევარს. პრეპარატის მიღების შემდეგ 15 წუთის განმავლობაში წყლის დალევა სასურველი არ არის. • სიმპტომატური ანტაციდური მოქმედების მისაღწევად ალმაგელს იღებენ იმავე ერთჯერად და დღე-ღამის დოზებში, მაგრამ ჩვეულებრივ 45-60 წუთში საკვების მიღების შემდეგ და საღამოს ძილის წინ. მკურნალობის ხანგრძლივობა არ უნდა აღემატებოდეს 15-20 დღეს. • პროფილაქტიკისათვის – 5-15 მლ 15 წუთით ადრე იმ წამლების ყოველი მიღების წინ, რომლებიც აღიზიანებს კუჭ-ნაწლავის ტრაქტს, მაგრამ არაუმეტეს 10-12 დღისა. გამოყენების წინ სუსპენზია უნდა იქნეს ჰომოგენიზირებული ფლაკონის შენჯღრევის მეშვეობით! | |
| ჭარბი დოზირება: | ჭარბი დოზის ერთხელ მიღებისას (დოზის მიღება, რომელიც ბევრად აღემატება ექიმის მიერ დანიშნულს) არ აღინიშნება ჭარბი დოზის სხვა ნიშნები გარდა ყაბზობისა, მეტეორიზმისა, რკინის გემოს შეგრძნებისა. უფრო დიდი დოზების ხანგრძლივად მიღებისას შესაძლებელია თირკმელებში კონკრემენტების წარმოქმნა, მძიმე ყაბზობის გამოვლენა, ძილიანობა, მაგნიუმის დონის მომატება სისხლში. ასევე შესაძლებელია გამოვლინდეს მეტაბოლური ალკალოზის ნიშნები: ხასიათის ან გონებრივი აქტივობის შეცვლა, კუნთების დაბუჟება ან ტკივილი, ნერვიულობა და სწრაფი დაღლილობა, სუნთქვის შენელება, უსიამოვნო გემოს შეგრძნება. თუ შეამჩნევთ ამდაგვარ სიმპტომებს, მიმართეთ ექიმს დოზის შესამცირებლად ან მკურნალობის შესაწყვეტად. | |
| გვერდითი მოვლენები: | ალმაგელი კარგი ამტანობით ხასიათდება. შესაძლებელია გამოვლინდეს ყაბზობა, ღებინება, გულისრევა, კუჭის სპაზმები, გემოს შეგრძნების შეცვლა; ადგილობრივი და ზოგადი ტიპის ალერგიული რეაქციები. ავადმყოფებში თირკმლის უკმარისობით და დიალიზზე მყოფ ავადმყოფებში ხანგრძლივმა გამოყენებამ შესაძლოა გამოიწვიოს ნეიროტოქსიკურობის გამოვლენა (ხასიათისა და გონებრივი აქტივობის შეცვლა). თუ აგეღნიშნათ რაიმე გვერდითი მოვლენები ან უჩვეულო რეაქციები, გთხოვთ, აცნობოთ თქვენს ექიმს შემდგომი მკურნალობის შესახებ! | |
| ვარგისიანობის ვადა: | ორი წელი. არ მიიღოთ შეფუთვაზე მითითებული ვადის ამოწურვის შემდეგ! | |
| შენახვის პირობები: | სინათლისაგან დაცულ ადგილას, არაუმეტეს 25ºC ტემპერატურაზე. არ გაყინოთ! შეინახეთ ბავშვებისათვის მიუწვდომელ ადგილას! | |
| გაცემის წესი: | ურეცეპტოდ. | |
| შემადგენლობა: | 1 საზომი კოვზი (5 მლ) სუსპენზია შეიცავს: მოქმედი ნივთიერება: ალუმინის ჰიდროქსიდი ჟელე 2.18გ, 218მგ ალუმინის ოქსიდის შესაბამისი მაგნიუმის ჰიდროქსიდი პასტა 350მგ, 75მგ მაგნიუმის ოქსიდის შესაბამისი. დამხმარე ნივთიერებები: სორბიტოლი, ჰიდროქსიეთილცელულოზა, მეთილპარაჰიდროქსიბენზოატი, ლიმონის ზეთი, ეთილის სპირტი 96%, გასუფთავებული წყალი. | |
| გამოშვების ფორმა: | სუსპენზია შიგნით მისაღებად. |
Page generation time: 0. 049821186 sec.
