This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







მოიძებნა 1 შედეგი.


დასახელება:ენალაპრილი
უნიფიცირებული
დასახელება:
ენალაპრილი Enalapril
დოზა:10მგ
ფორმა:აბი
შეფუთვა1:-
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:20
მწარმოებელი ქვეყანა:საქართველო
კომპანია:ჯი-ემ-პი
მწარმოებელი:ჯი-ემ-პი
რეგისტრაციის ნომერი და
თარიღი:
#რ-016306 2015-10-07 - 2020-10-07
გაცემის რეჟიმი:II ჯგუფი, გაიცემა ფორმა №3 რეცეპტით
ფარმაკოლოგიური
ჯგუფი/ქვეჯგუფი:
ჯგ.:აგფ-ს ინჰიბიტორები.
ქვ/ჯგ.: 
ა.თ.ქ. კლასიფიკაცია:
C09AA02	
C გულ-სისხლძარღვთა სისტემა
	
09 რენინ ანგიოტენზიურ სისტემაზე მოქმედი პრეპარატები
	
A ანგიოტენზინ გარდამქმნელი ფერმენტის (აგფ) ინჰიბიტორები
	
A აგფ ინჰიბიტორები
ანოტაცია:
	
	
შემადგენლობა:ენალაპრილის მალეატი 10მგ.
ფარმაკოლოგიური თვისება:პრეპარატი წარმოადგენს ანგიოტენზინ-მაკონვერტირებელი ფერმენტის ინჰიბიტორს. ორგანიზმში პერორალურად მოხვედრილი ენალაპრილი განიცდის ჰიდროლიზს ენალაპრილატამდე, რომელიც თრგუნავს ანგიოტენზინ I-ის გარდაქმნას ანგიოტენზინ II-ად, რითაც ხელს უშლის არტერიებისა და ვენების ვაზოკონსტრიქციას. ამცირებს მარჯვენა წინაგულსა და სისხლის მიმოქცევის მცირე წრეში წნევას, საერთო პერიფერიულ სისხლძარღვოვან წინააღმდეგობას და აქვს მკვეთრად გამოხატული ჰიპოტენზიური ეფექტი. აფერხებს თირკმელზედა ჯირკვალში ალდოსტერონის გამომუშავებას. კუჭ-ნაწლავის ტრაქტიდან შეიწოვება მიღებული დოზის 60%. პლაზმაში ენალაპრილის მაქსიმალური კონცენტრაცია მიიღწევა 3-4 სთ-ში. ვერ გადის ჰეპატო-ენცეფალურ ბარიერს, მაგრამ აღწევს პლაცენტაში. გამოიყოფა თირკმლების საშუალებით.
ჩვენება:- არტერიული ჰიპერტენზია (მათ შორის რენოვასკულარული); - გულის ქრონიკული უკმარისობა; - დიაბეტური ნეფროპათიის ფონზე განვითარებული მეორადი ჰიპერტენზია.
უკუჩვენება:ენალაპრილისადმი მაღალი მგრძნობელობა, ორსულობა, ლაქტაცია, ანამნეზში ანგიონევროზული შეშუპება, პორფირია.
სიფრთხილის ზომები:სიფრთხილეა საჭირო თირკმლის ფუნქციის დარღვევისას. ენალაპრილით მკურნალობის დაწყებამდე 2-3 დღით ადრე საჭიროა დიურეზული საშუალების მოხსნა, რათა არ მოხდეს არტერიული წნევის სწრაფი დაქვეითება. გულის ქრონიკული უკმარისობით დაავადებულებში შესაძლებელია ენალაპრილისა და საგულე გლიკოზიდების ან დიურეზული საშუალებების ერთდროული გამოყენება. მაგრამ კალიუმის შემნახველ შარდმდენებთან კომპლექსურ მკურნალობაში არსებობს ჰიპერკალიემიის განვითარების საშიშროება. ენალაპრილისა და ბეტა-ადრენობლოკატორების, მეთილდოფას, ნიტრატების, დიურეზული საშუალებების პრაზოზონის ერთად დანიშვნისას ძლიერდება ჰიპოტენზიური ეფექტი. ენალაპრილი ამცირებს თეოფილინის ნახევარგამოყოფის პერიოდს. ციმეტიდინი ახანგრძლივებს ორგანიზმიდან ენალაპრილის ელიმინაციას.
დოზირება და მიღების წესი:დოზის შერჩევა საჭიროა ინდივიდუალურად, ავადმყოფის მდგომარეობის გათვალისწინებით. საშუალოდ დღიური დოზა შეადგენს 10-20მგ-ს. გამონაკლის შემთხვევაში 40მგ-მდე დღეში (განაწილებული ერთ ან ორ მიღებაზე). ჰიპერტონიის მსუბუქი ფორმის დროს ინიშნება 10მგ დღეში ერთხელ, ყველა სხვა ფორმისას - 20მგ დღეში ერთხელ, შემანარჩუნებელი დოზაა 20მგ/დღეში. რენოვასკულარული ჰიპერტონიის დროს საწყისი დოზაა 5მგ/დღეში, შემანარჩუნებელი - 5-10მგ ერთხელ დღეში. გულის ქრონიკული უკმარისობის დროს საწყისი დოზა შეადგენს 2,5მგ-ს, შემანარჩუნებელი - 5-20მგ-ს, განაწილებული ერთ ან ორ მიღებაზე. დიაბეტური ნეფროპათიით დაავადებულებში ნორმალური არტერიული წნევისას ინიშნება დღეში 5მგ, ხოლო არტერიული ჰიპერტონიის შემთხვევაში - დღეში 15მგ.
გვერდითი მოვლენები:შესაძლებელია თავბრუსხვევა, თავის ტკივილი, გულისრევა, მადის დაქვეითება, ორთოსტატური ჰიპოტონია, ასთენია, ალერგიული გენეზის კანის გამონაყარი, მშრალი ხველა. იშვიათად - ტაქიკარდია, მუცლის ტკივილი, დიარეა, პროტეინურია, ჰიპერკალიემია, ბილირუბინემია, ნეიტროპენია, აგრანულოციტოზი.
ვარგისიანობის ვადა:3 წელი.
შენახვის პირობები:10-25C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილას!
გამოშვების ფორმა:აბი 10მგ, შეფუთვაში 20 აბი.
გაცემის წესი:ექიმის რეცეპტით.








Page generation time: 0. 048457246 sec.