This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:ალმაგელი A
უნიფიცირებული
დასახელება:
ალუმინის ჰიდროქსიდი + ბენზოკაინი + მაგნიუმის ჰიდროქსიდი Algeldrate + Benzocaine + Magnesium hydroxide
დოზა:-
ფორმა:ორალური სუსპენზია
შეფუთვა1:170მლ ფლაკონი
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:1
მწარმოებელი ქვეყანა:ბულგარეთი
კომპანია:ბალკანფარმა-ტროიან
მწარმოებელი:ბალკანფარმა-ტროიან
რეგისტრაციის ნომერი და
თარიღი:
გაცემის რეჟიმი:III ჯგუფი, გაიცემა რეცეპტის გარეშე
ფარმაკოლოგიური
ჯგუფი/ქვეჯგუფი:
ჯგ.:წყლულის სამკურნალო საშუალებები.
ქვ/ჯგ.:ანტაციდები.
ა.თ.ქ. კლასიფიკაცია:
A02AX	
A საჭმლის მომნელებელი ტრაქტი და ნივთიერებათა ცვლა
	
02 ანტაციდები, კუჭისა და 12-გოჯა ნაწლავის წყლულის საწინააღმდეგო პრეპარატები და ნაწლავებში მეტეორიზმის შესამცირებელი პრეპარატები
	
A ანტაციდები
	
X ანტაციდები სხვა პრეპარატებთან კომბინაციაში
ანოტაცია:
	
	
შემადგენლობა:1 საზომი კოვზი (5 მლ) სუსპენზია შეიცავს: მოქმედი ნივთიერება: ალუმინის ჰიდროქსიდი ჟელე 2.18გ, 218მგ ალუმინის ოქსიდის შესაბამისი, მაგნიუმის ჰიდროქსიდი პასტა 350მგ, 75მგ მაგნიუმის ოქსიდის შესაბამისი, ბენზოკაინი 109მგ. დამხმარე ნივთიერებები: სორბიტოლი, ჰიდროქსიეთილცელულოზა, მეთილპარაჰიდროქსიბენზოატი, პროპილპარაჰიდროქსიბენზოატი; ბუთილპარაჰიდროქსიბენზოატი, საქარინის ნატრიუმი, ლიმონის ზეთი, ეთილის სპირტი 96%, გასუფთავებული წყალი.
ფარმაკოლოგიური თვისება:ალმაგელი ა წარმოადგენს ალუმინისა და მაგნიუმის ჰიდროქსიდების დაბალანსირებულ კომბინაციას, რომლებიც არახსნადია და თითქმის არ მიეწოდება ორგანიზმს. პრეპარატი შეიცავს ბენზოკაინს (ანესთეზინი), რომელიც წარმოადგენს ადგილობრივ გამაყუჩებელ საშუალებას. ალმაგელი ა ახდენს ადგილობრივ მოქმედებას კუჭის ლორწოვან გარსზე, იცავს მას მჟავებისა და სხვა მავნე ნივთიერებებისა და საკვების გამაღიზიანებელი მოქმედებისაგან. დამხმარე ნივთიერებას სორბიტოლს გააჩნია ზომიერი ნაღველმდენი მოქმედება, ასევე სუსტი საფაღარათო ეფექტი. ალმაგელი ა არ იწვევს სისხლის pH-ის ცვლილებას და კუჭსა და ნაწლავში გაზების წარმოქმნას.
ჩვენება:ანთებითი და ეროზიული ცვლილებების ხანმოკლე სიმპტომატური მკურნალობა, რომლებსაც ახლავს ტკივილი, ღებინება და გულისრევა; საყლაპავი მილის, კუჭისა და თორმეტგოჯა ნაწლავის ლორწოვანი გარსის მწვავე ან ქრონიკული ანთება ან სხვა დარღვევა.
უკუჩვენება:ალმაგელი ა არ ენიშნებათ ბავშვებს, ვინაიდან არსებობს სისხლში ჰემოგლობინის კონცენტრაციის შეცვლის საფრთხე. ალმაგელი ა-ს გამოყენება რეკომენდებული არ არის პრეპარატთა აუტანლობისას, რომლებიც შეიცავენ ალუმინსა და მაგნიუმს; ბენზოკაინის აუტანლობისას; ალერგიისას ადგილობრივი საანესთეზიოების მიმართ; ჩვეული ყაბზობისას; ალცჰაიმერის დაავადებისას; მწვავე ბრმა ნაწლავზე ეჭვის არსებობისას; წყლულოვანი კოლიტის, კოლოსტომიის ან პილეოსტომიის არსებობისას; ქრონიკული ფაღარათისას; ბუასილისა და თირკმლის უკმარისობისას.
სიფრთხილის ზომები:მკურნალობის დაწყებამდე შეატყობინეთ მკურნალ ექიმს, თუ რაიმე თანმხლები დაავადებები გაგაჩნიათ! სამკურნალო საშუალებების მიმართ ალერგიული აუტანლობის გამოვლინებისას – მცირე გამონაყარი, ქავილი, სახის შეშუპება, სუნთქვის გაძნელება, მისი გამოყენება უნდა შეწყდეს და დაუყოვნებლივ მიმართეთ ექიმს. სუსპენზიის განსაზღვრული რაოდენობით მიღებისას ვლინდება პირის ღრუს ლორწოვანი გარსისა და ენის დაბუჟება და მგრძნობელობის დაკარგვა. ეს მოვლენა გარდამავალია და ეს არ უნდა აწუხებდეს პაციენტებს. ალმაგელი ა-თი მკურნალობის დროს აუცილებლად უნდა მოერიდოთ ალკოჰოლისა და წვენების (ლიმონის წვენი, ძმარი და ა. შ.) გამოყენებას. მედიკამენტის ადგილობრივი გამაყუჩებელი მოქმედების შესუსტების შესაძლებლობის გამო. რეკომენდებული არ არის პრეპარატის ხანგრძლივად გამოყენება (6-7 დღე) ვინაიდან იგი ბენზოკაინს შეიცავს.
ურთიერთქმედება სხვა მედიკამენტებთან:აუცილებლად აცნობეთ მკურნალ ექიმს, რომ თქვენ სარგებლობთ რაიმე სხვა პრეპარატებით! რეკომენდებულია სხვა სამკურნალო საშუალებების მიღება 1-2საათით ადრე ალმაგელი ა-ს მიღებამდე ან მის შემდეგ. ალმაგელი ა ამცირებს კუჭის წვენის მჟავიანობას და ამან შესაძლოა გავლენა მოახდონოს სამკურნალო საშუალებათა დიდი რაოდენობის მოქმედებაზე ერთდროული მიღებისას. ალმაგელი ა ამცირებს რეზერპინის, ციმეტიდინის, რანიტიდინის, რკინის მარილების, ლითიუმის, ქინიდინის, მექსილეტინის, ფენოთიაზინური პრეპარატების, ტეტრაციკლინური რიგის ანტიბიოტიკების, ციპროფლოქსაცინის, იზონიაზიდისა და კეტოკონაზოლის სამკურნალო მოქმედებას. ალმაგელი ა ამცირებს სულფონამიდების სამკურნალო ეფექტს და ამიტომ მისი გამოყენება არ შეიძლება ასეთი პრეპარატებით მკურნალობის ჩატარებისას. ალმაგელი ა ამცირებს კუჭის სეკრეციის დონეს და ამგვარად შეუძლია გავლენა მოახდინოს კუჭის წვენის მჟავიანობის ფუნქციონალური კვლევის შედეგებზე.
განსაკუთრებული მითითებები:ხანდაზმული ასაკის ავადმყოფების მიერ ხანგრძლივი მიღებისას შესაძლებელია ძვლებისა და სახსრების არსებული დაავადებების გაუარესება. მისი გამოყენება რეკომენდებული არ არის ალცჰაიმერის დაავადებისას მისი მდგომარეობის შესაძლო გაუარესების საშიშროების გამო. მონაცემები დამხმარე ნივთიერებების შესახებ: ალმაგელი ა არ შეიცავს შაქარს და მისი მიღება შეუძლიათ შაქრიანი დიაბეტით დაავადებულებსაც. პრეპარატი შეიცავს სორბიტოლს, რომელიც უკუნაჩვენებია ფრუქტოზას თანდაყოლილი აუტანლობისას, ვინაიდან შესაძლოა გამოიწვიოს ნაწლავის გაღიზიანება და ფაღარათი. ალმაგელი ა შეიცავს კონსერვანტებს (პარაბენებს), რომლებსაც შეუძლიათ გამოიწვიონ გამონაყარი კანზე და ქავილი, ხოლო იშვიათ შემთხვევებში ბრონქების ალერგიული სპაზმი და ხუთვა. სატრანსპორტო საშუალებებისა და სხვა მექანიზმების მართვის უნარზე ზემოქმედება: პრეპარატის შემადგენლობაში შემავალი ეთანოლი არის იმ რაოდენობით, რომელსაც არ ძალუძს გავლენა მოახდინოს ავტომობილის მართვისა და ტექნიკით სარგებლობის უნარზე დღე-ღამის რეკომენდებული დოზების მიღებისას.
ორსულობა და ლაქტაცია:ორსულობისა და ლაქტაციის დროს ალმაგელი ა-ს გამოყენება არ შეიძლება, რადგან იგი ბენზოკაინს შეიცავს.
დოზირება და მიღების წესი:მედიკამენტი მიიღება შიგნით. მოზრდილებში - 5-10 მლ (1-2 საზომი კოვზი) 3-4-ჯერ დღეში 10-15 წუთით ადრე ჭამამდე. ამ მკურნალობის ხანგრძლივობა შეადგენს 7 დღეს, შემდეგ იცვლება ალმაგელით მკურნალობაზე 15-20 დღის განმავლობაში. გამოყენების წინ სუსპენზია უნდა იქნეს ჰომოგენიზირებული ფლაკონის შენჯღრევის მეშვეობით!
ჭარბი დოზირება:ერთხელ ჭარბი დოზის მიღებისას, რომელიც ბევრად აღემატება ექიმის მიერ დანიშნულს, არ აღინიშნება ჭარბი დოზის სხვა ნიშნები გარდა არატიპიური ყაბზობის, მეტეორიზმის, რკინის გემოს შეგრძნებისა და ყლაპვისას მგრძნობელობის დაკარგვისა პრეპარატში ბენზოკაინის შემცველობის გამო. უფრო დიდი დოზების ხანგრძლივად მიღებისას შესაძლებელია ყლაპვის დარღვევა (ხშირი გადაცდენა), თირკმელებში კონკრემენტების წარმოქმნა, მძიმე ყაბზობა, მუცლის ტკივილი, ძილიანობა, მაგნიუმის დონის მომატება სისხლში. ასევე შესაძლებელია გამოვლინდეს ხასიათის ან გონებრივი აქტივობის შეცვლა, კუნთების დაბუჟება ან ტკივილი, ნერვიულობა და სწრაფი დაღლილობა, სუნთქვის შენელება, უსიამოვნო გემოს შეგრძნება. თუ შეამჩნევთ ამდაგვარ სიმპტომებს, მიმართეთ ექიმს დოზის შესამცირებლად ან მკურნალობის შესაწყვეტად.
გვერდითი მოვლენები:ალმაგელი ა კარგი ამტანობით ხასიათდება. შესაძლებელია გამოვლინდეს ყაბზობა, ღებინება, გულისრევა, კუჭის სპაზმები, გემოს შეგრძნების შეცვლა, მაგნიუმის კონცენტრაციის გაზრდა და ფოსფატის კონცენტრაციის შემცირება სისხლში, ადგილობრივი და ზოგადი ტიპის ალერგიული რეაქციები. ავადმყოფებში თირკმლის უკმარისობით და დიალიზზე მყოფ ავადმყოფებში ხანგრძლივმა გამოყენებამ შესაძლოა გამოიწვიოს ნეიროტოქსიკურობის სიმპტომები (ხასიათისა და გონებრივი აქტივობის შეცვლა). თუ განვითარდა რაიმე გვერდითი მოვლენები ან უჩვეულო რეაქციები, საჭიროა ექიმთან მიმართვა შემდგომი მკურნალობის შესახებ!
ვარგისიანობის ვადა:ორი წელი. არ მიიღოთ შეფუთვაზე მითითებული ვადის გასვლის შემდეგ!
შენახვის პირობები:სინათლისაგან დაცულ ადგილას, არაუმეტეს 25ºC ტემპერატურაზე. არ გაყინოთ! შეინახეთ ბავშვებისათვის მიუწვდომელ ადგილას!
გაცემის წესი:ურეცეპტოდ.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 048991753 sec.