This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:აზატრილი
უნიფიცირებული
დასახელება:
აზიტრომიცინი Azythromycin
დოზა:250მგ
ფორმა:კაფსულა
შეფუთვა1:-
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:6
მწარმოებელი ქვეყანა:ბულგარეთი
კომპანია:აქტავის
მწარმოებელი:ბალკანფარმა-რაზგრადი
რეგისტრაციის ნომერი და
თარიღი:
გაცემის რეჟიმი:
ფარმაკოლოგიური
ჯგუფი/ქვეჯგუფი:
ჯგ.:ანტიბაქტერიული საშუალებები.
ქვ/ჯგ.:მაკროლიდების ჯგუფის ანტიბიოტიკები.
ა.თ.ქ. კლასიფიკაცია:
J01FA10	
J მიკრობების საწინააღმდეგო პრეპარატები სისტემური გამოყენებისათვის
	
01 მიკრობების საწინააღმდეგო პრეპარატები სისტემური გამოყენებისათვის
	
F მაკროლიდები და ლინკოზამიდები
	
A მაკროლიდები
ანოტაცია:
	
	
შემადგენლობა:აზიტრომიცინის დიჰიდრატი, რომელიც შეესაბამება 250მგ აზიტრომიცინს. დამხმარე ნივთიერებებს: უწყლო ლაქტოზას, ხორბლის სახამებელს, მაგნიუმის სტეარატს, ნატრიუმის ლაურილსულფატს. მყარი ჟელატინის კაფსულის შემადგენლობა: აზორუბინი /E 122/, ტიტანის დიოქსიდი /E 171/ და ჟელატინი.
აღწერილობა:მყარი კაფსულები.
ფარმაკოლოგიური თვისება:აზატრილი წარმოადგენს მაკროლიდების ჯგუფის ანტიბაქტერიულ პრეპარატს. იგი არღვევს უჯრედის კედელში ცილების წარმოქმნას და ანადგურებს ინფექციის გამომწვევ ბაქტერიებს.
ჩვენება:აზატრილი ნაჩვენებია ამ ანტიბიოტიკისადმი მგრძნობიარე მიკროორგანიზმებით გამოწვეული ინფექციების სამკურნალოდ, როგორიცაა: - ზედა (სინუსებისა და შუა ყურის მწვავე ანთება, ტონზილოფარინგიტები) და ქვედა (ბრონქიტები, გართულებული ქრონიკული ბრონქიტი, ზოგიერთი სახის პნევმონია) სასუნთქი გზების ინფექციები; - კანისა და რბილი ქსოვილების ინფექციები (წითელი ქარი, იმპეტიგო და მეორადი პიოდერმია, ლაიმას დაავადების პირველი სტადია); - სქესობრივი გზით გადამცემი ინფექციები-ურეთრიტი და ცერვიციტი, გამოწვეული Chlamydia trachomatis-ით და გონოკოკებით. - კუჭისა და თორმეტგოჯა ნაწლავის ლორწოვანი გარსის წყლულოვანი დაავადება და ქრონიკული ანთება, Helicobacter Pylori-ის მოსასპობად.
უკუჩვენება:აზატრილი არ გამოიყენება აზიტრომიცინისა ან მაკროლიდების ჯგუფის სხვა ანტიბიოტიკებისმიმართ და დამხმარე ნივთიერებებისმიმართ მომატებული მგრძნობელობის დროს. აუცილებელია თქვენი ექიმის ინფორმირება რაიმე ალერგიის არსებობის შესახებ.
სიფრთხილის ზომები:ქავილის, ჰიპერემიის და კანზე გამონაყარის, სუნთქვის გაძნელების განვითარებისას პრეპარატის მიღება უნდა შეწყდეს და რჩევისათვის უნდა მიმართოთ თქვენს ექიმს, რადგანაც ეს შეიძლება იყოს ჰიპერმგრძნობელობის (ალერგიის) გამოვლინება. ამ შემთხვევებში, თუ აუცილებელია, ექიმი დაგინიშნავთ შესაბამის მკურნალობას. სხვა ანტიბაქტერიული საშუალებების მსგავსად, აზატრილმა შესაძლებელია, გამოიწვიოს ე.წ. ფსევდომემბრანული კოლიტის განვითარება, რომლის გამოვლინებაა მძიმე ფაღარათი და რომელიც საჭიროებს სპეციალურ მკურნალობას-ელექტროლიტებისა და სხვა ხსნარების გადასხმასა და ანტიბაქტერიული საშუალებების გამოყენებას.
ურთიერთქმედება სხვა მედიკამენტებთან:თუ თქვენ იღებთ სხვა სამკურნალო საშუალებებს, ან გსურთ მათი მიღება აზატრილით მკურნალობისას, აუცილებელია კონსულტირება თქვენს ექიმთან. კუჭის მჟავიანობის დამაქვეითებელ, მაგნიუმისა და ალუმინის შემცველ საშუალებებთან ერთად მიღება აქვეითებს პრეპარატის აბსორსციას. ამიტომ მისი გამოყენება აუცილებელია ზემოხსენებული პრეპარატების მიღებამდე 2 საათით ადრე, ან 2 საათით გვიან. არ შეიძლება აზატრილის მიღება ერგოალკალოიდების ჯგუფის (ჭვავის რქის ალკალოიდები) პრეპარატებთან ერთად. აზატრილის კომბინაციამ ბრომკრიპტინთან და ციკლოსპორინთან შეიძლება გამოიწვიოს სისხლში მათი კონცენტრაციის მომატება და ამასთან დაკავშირებული გვერდითი მოვლენები.
განსაკუთრებული მითითებები:აზატრილი სიფრთხილით ინიშნება ღვიძლისა და თირკმელების დაავადებების დროს. არ არის შეზღუდვები ხანდაზმული ასაკის პირებში გამოყენებისას. ავტომობილის მართვისა და ტექნიკით სარგებლობის უნარზე ზემოქმედება: ავტომობილის მართვისა და ტექნიკასთან მუშაობის დროს გამოყენება შეიძლება შეუზღუდავად. მონაცემები დამხმარე ნივთიერებების შესახებ: პრეპარატის შემადგენლობაში დამხმარე ნივთიერების სახით შედის ხორბლის სახამებელი, რომელმაც შეიძლება გამოიწვიოს ფაღარათი და მდგომარეობის გაუარესება გლუტენური ენტეროპათიის მქონე პირებში.
ორსულობა და ლაქტაცია:აზითრომიცინი ორსულობისას გამოიყენება მხოლოდ აბსოლუტური საჭიროებისას, რადგანაც არ არსებობს საიმედო კლინიკური მონაცემები მისი უსაფრთხოების შესახებ ნაყოფისა და ახალშობილისათვის. პრეპარატით მკურნალობისას ძუძუთი კვება უნდა შეწყდეს, რადგანაც ამან შეიძლება გამოიწვიოს სერიოზული გვერდითი რეაქციები ბავშვში. შეატყობინეთ თქვენს ექიმს ორსულობისა და ძუძუთი კვების შესახებ.
დოზირება და მიღების წესი:სადღეღამისო დოზას, მკურნალობის სქემასა და მის ხანგრძლივობას განსაზღვრავს თქვენი ექიმი. მოზრდილები: - ზედა და ქვედა სასუნთქი გზების, კანისა და რბილი ქსოვილების ინფექციები (მიგრირებადი ერითემია და ლაიმას დაავადების გამოკლებით) -2 კაფსულა დღეში ერთხელ 3 დღის განმავლობაში; - პნევმონიები - 2 კაფსულა დღეში ერთხელ 3 დღის განმავლობაში ან 2 კაფსულა ერთხელ მკურნალობის პირველ დღეს და შემდეგ 1 კაფსულა დღეში, მეორედან მეხუთე დღის ჩათვლით; - მიგრირებადი ერითემის, ლაიმას დაავადების დროს - 4 კაფსულა ერთხელ დღეში მკურნალობის პირველ დღეს, 2 კაფსულა ერთხელ დღეში მეორედან მეხუთე დღის ჩათვლით; - სქესობრივი გზით გადამცემი ინფექციები - 4 კაფსულა ერთჯერადად არაგონოკოკური ურეთრიტებისა და ცერვიციტების დროს, გონოკოკებით გამოწვეულის შემთხვევაში - 8 კაფსულა ერთჯერადად; - წყლულოვანი დაავადება და ქრონიკული გასტროდუოდენიტები, Helicobacter Pylori-ზე ზემოქმედება - 4 კაფსულა ერთხელ დღეში 3 დღის განმავლობაში, ამოქსიცილინისა ან მეტრონიდაზოლის მიღებასთან ერთად 7 დღის მანძილზე და ომეპრაზოლისა და სხვა მსგავსი პრეპარატების მიღებასთან ერთად 7 დღის განმავლობაში ექიმის მიერ განსაზღვრული დოზებით. აზატრილის სადღეღამისო დოზა ინიშნება პერორალურად როგორც ერთჯერადი სადღეღამისო დოზა საკვების მიღებამდე ერთი საათით ადრე, ან 2 საათით გვიან. ბავშვები: საბავშვო ასაკის შესაფერისი დოზაა 10მგ/კგ სხეულის მასაზე პირველ დღეს ერთჯერადად და შემდეგ 5 მგ/კგ სხეულის მასაზე მომდევნო 2-5 დღე. რეკომენდებულია აზატრილის მიღება პერორალურად სუსპენზიის სახით. თუ გამოტოვეთ ერთი დოზა (პრეპარატის მიღების დრო), აუცილებელია დაუყოვნებლივ მიიღოთ იგი.
ჭარბი დოზირება:ჭარბი დოზირების დროს არ არსებობს მონაცემები აზატრილის დოზის გადაჭარბების შესახებ, თუმცა, თუ რაიმე მიზეზით გადააჭარბეთ დანიშნულ დოზას, რჩევისათვის მიმართეთ თქვენს ექიმს. მსგავსი ანტიბიოტიკების დოზის გადაჭარბებისას აღინიშნება გულისრევა, ღებინება, ფაღარათი, სმენის დარღვევა.
გვერდითი მოვლენები:ჩვეულებრივ, აზატრილს ახასიათებს კარგი ამტანობა. ზოგჯერ შესაძლებელია დარღვევები კუჭ-ნაწლავის ტრაქტის მხრივ - გულისრევა, ღებინება, მუცლის ტკივილი, ფაღარათი; ალერგიული რეაქციები-გამონაყარი კანზე, ქავილი. შედარებით იშვიათად შეიმჩნევა - მეტეორიზმი, საჭმლის მონელების დარღვევა, სიყვითლე, გულის ფრიალი, ტკივილი მკერდის არეში, თავის ტკივილი, თავბრუსხვევა, სწრაფად დაღლა, ღვიძლის ფერმენტების მაჩვენებლების მომატება და სისხლის სურათის გარდამავალი ცვლილებები. აზატრილით მკურნალობის დროს იშვიათად შეიძლება აღინიშნოს სერიოზული ალერგიული რეაქციები. ზოგჯერ ისინი შეიძლება გამოვლინდეს პრეპარატის გამოყენების შეწყვეტის შემდეგაც კი, რაც წარმოადგენს მისი ორგანიზმში გახანგრძლივებული არსებობის შედეგს. თუ თქვენ შეამჩნევთ ზემოჩამოთვლილი გვერდითი რეაქციებიდან რომელიმეს, ან ისეთებს, რომლებიც არ არის აღწერილი მოცემულ ინსტრუქციაში, გთხოვთ, შეატყობინოთ თქვენს მკურნალ ექიმს.
შეფუთვა:250 მგ 6 კაფსულა პოლივინილქლორიდი/ალუმინის ფოლგის ბლისტერზე. 250 მგ 8 კაფსულა პოლივინილქლორიდი/ალუმინის ფოლგის ბლისტერზე. 1 ბლისტერი გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები:ინახება არაუმეტეს 25ºC ტემპერატურაზე, ბავშვებისათვის მიუწვდომელ ადგილას.
ვარგისიანობის ვადა:ორი წელი. არ გამოიყენება შეფუთვაზე მითითებული ვარგისიანობის ვადის გასვლის შემდეგ.
გაცემის წესი:რეცეპტით.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 047753329 sec.