| დასახელება: | ადიპინი | |
| უნიფიცირებული დასახელება: | ამლოდიპინი Amlodipine | |
| დოზა: | 10მგ | |
| ფორმა: | შემოგარსული აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 30 | |
| მწარმოებელი ქვეყანა: | საქართველო | |
| კომპანია: | ჯი-ემ-პი | |
| მწარმოებელი: | ჯი-ემ-პი | |
| რეგისტრაციის ნომერი დათარიღი: | #რ-036960 2022-06-12 - 2027-06-12 | |
| გაცემის რეჟიმი: | II ჯგუფი, გაიცემა ფორმა №3 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:კალციუმის არხების მაბლოკირებელი საშუალება. ქვ/ჯგ.:II კლასის სელექტიური ბლოკატორები. |
|
| ა.თ.ქ. კლასიფიკაცია: | ||
C08CA01 | C გულ-სისხლძარღვთა სისტემა | |
| 08 კალციუმის არხების ბლოკატორები | ||
| C კალციუმის არხების სელექტიური ბლოკატორები სისხლძარღვებზე უპირატესი მოქმედებით | ||
| A დიჰიდროპირიდინის წარმოებულები | ||
| ანოტაცია: | ||
| შემადგენლობა: | ამლოდიპინი 5მგ ან 10მგ. | |
| ფარმაკოლოგიური თვისება: | კალციუმის არხების ბლოკატორი (III თაობა). ამლოდიპინის ჰიპოტენზიური ეფექტი განპირობებულია სისხლძარღვთა კედლის გლუვ კუნთებზე პირდაპირი მოქმედებით, ხოლო ანტიანგინალური ეფექტი - პერიფერიული არტერიოლების გაფართოებით, რაც იწვევს საერთო პერიფერიული სისხლძარღვოვანი წინააღმდეგობის შემცირებას, რეფლექტორული ტაქიკარდიის წარმოქმნის გარეშე. შედეგად, მცირდება მიოკარდიუმის მიერ ჟანგბადზე მოთხოვნილება და ენერგიის მოხმარება. მეორეს მხრივ, ამლოდიპინი აფართოებს მიოკარდიუმის როგორც ინტაქტური, ასევე იშემიური უბნების მსხვილი კალიბრის კორონარულ არტერიებსა და არტეროილებს, აუმჯობესებს კოლატერალურ სისხლის მიმოქცევას, რაც ხელს უწყობს კორონარული არტერიების სპაზმის დროს მიოკარდიუმში ჟანგბადის მიწოდების გაუმჯობესებას. შიგნით მიღებისას პრეპარატი ნელა და თითქმის მთლიანად აბსორბირდება კუჭ-ნაწლავის ტრაქტიდან. ბიოშეღწევადობა - 60-65%. Cmax მიიღწევა საშულოდ 6-12 სთ-ში. პლაზმის ცილებს უკავშირდება 97-98%. T½ შეადგენს 35-50 სთ-ს. ამლოდიპინი მეტაბოლიტების (60%) და შეუცვლელი სახით (10%) გმოიყოფა ძირითადად თირკმლების საშუალებით. | |
| ჩვენება: | - არტერიული ჰიპერტენზია (კომბინირებული თერაპიის შემადგენლობაშიც); - სტაბილური სტენოკარდია; - არასტაბილური სტენოკარდია (მათ შორის პრინცმეტალის სტენოკარდია); - გულის უკმარისობა. | |
| უკუჩვენება: | პრეპარატის დანიშვნის უკუჩვენებებია - ჰიპერმგრძნობელობა, აორტის სარქვლის გამოხატული სტენოზი, გულის მძიმე უკმარისობა, არტერიული ჰიპოტონია, ტაქიკარდია, კოლაფსი, სისხლძარღვოვანი და კარდიოგენული შოკი, მიოკარდიუმის მწვავე ინფარქტის პირველი კვირა, ღვიძლის ფუნქციის დარღვევები. | |
| სიფრთხილის ზომები: | ადიპინის უსაფრთხოება ორსულობისა და ლაქტაციის პერიოდში დადგენილი არ არის. პრეპარატის მოქმედება პედიატრიაში შესწავლილი არ არის. პრეპარატი სიფრთხილით ინიშნება ღვიძლის დაქვეითებული ფუნქციის მქონე პაციენტებში. ხანდაზმული ასაკის პაციენტები და თირკმლის უკმარისობის მქონე ავადმყოფები დოზის შემცირებას არ საჭიროებენ. დასაშვებია როგორც ადიპინით მონოთერაპია, ასევე მისი სხვა პრეპარატებთან კომბინაციაში დანიშვნა. ადიპინის მიღება უსაფრთხოა თიაზიდურ დიურეტიკებთან, ამფ-ის ინჰიბიტორებთან, ალფა-ადრენობლოკატორებთან, ბეტა-ადრენობლოკატორებთან, პროლონგირებული მოქმედების ნიტრატებთან, ნიტროგლიცერინთან, არასტეროიდულ ანთების საწინააღმდეგო საშუალებებთან, ანტიბიოტიკებთან და პერორალურ ჰიპოგლიკემიურ პრეპარატებთან კომბინაციაში. მარცხენა პარკუჭის ფუნქციის მნიშვნელოვანი დაქვეითების დროს, ადიპინისა და ბეტა-ადრენობლოკატორების კომბინაცია დიდი სიფრთხილით ინიშნება. ადიპინი არ ახდენს გავლენას დიგოქსინის და ციმეტიდინის ფარმაკოკინეტიკასა და ფარმაკოდინამიკაზე. დოზის გადაჭარბებისას: გამოხატული არტერიული ჰიპოტონია. მკურნალობა: კუჭის ამორეცხვა, სისხლძარღვების შემავიწროებელი საშუალებებისა და კალციუმის გლუკონატის შეყვანა, გულ-სისხლძარღვთა სისტემის ფუნქციური მდგომარეობის კონტროლი. | |
| დოზირება და მიღების წესი: | რეკომენდებული საწყისი დღიური დოზა შეადგენს 5მგ-ს 1-ჯერ დღეში. პაციენტის ინდივიდუალური რეაქციის მიხედვით შეიძლება დღიური დოზის გაზრდა. მაქსიმალური დღიური დოზა შეადგენს 10მგ-ს. | |
| გვერდითი მოვლენები: | გულ-სისხლძარღვთა სისტემის მხრივ: ზოგჯერ - პერიფერიული შეშუპება, გულისცემის გაძლიერება, სახის წამოწითლება. ცენტრალური ნერვული სისტემის მხრივ: - თავის ტკივილი, თავბრუსხვევა, დაღლილობა, ძილიანობა. საჭმლის მომნელებელი სისტემის მხრივ: დისპეფსიური მოვლენები, შესაძლებელია ღვიძლის ტრანსამინაზების აქტივობის მატება. ალერგიული რეაქციები: შესაძლებელია - კანის ქავილი, კანზე გამონაყარი, მულტიფორმული ერითემა. | |
| ვარგისიანობის ვადა: | 3 წელი. | |
| შენახვის პირობები: | 10-25C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილას! | |
| გაცემის წესი: | ექიმის რეცეპტით. | |
| გამოშვების ფორმა: | აბი 5მგ ან 10მგ, შეფუთვაში 30 აბი. |
Page generation time: 0. 050107337 sec.
