| დასახელება: | სედალგინი ნეო | |
| უნიფიცირებული დასახელება: | პარაცეტამოლი + მეტამიზოლ ნატრიუმი + კოფეინი + ფენობარბიტალი + კოდეინი Paracetamol + Metamizole sodium + Caffeine + Phenobarbital + Codeine | |
| დოზა: | - | |
| ფორმა: | აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 20 | |
| მწარმოებელი ქვეყანა: | ბულგარეთი | |
| კომპანია: | ბალკანფარმა-დუპნიცა | |
| მწარმოებელი: | ბალკანფარმა-დუპნიცა | |
| რეგისტრაციის ნომერი დათარიღი: | ||
| გაცემის რეჟიმი: | I ჯგუფი, გაიცემა ფორმა №2 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:ანალგეზიური ანტიპირეტული საშუალებები. ქვ/ჯგ.: |
|
| ა.თ.ქ. კლასიფიკაცია: | ||
N02BE71 | N ნერვული სისტემა | |
| 02 ანალგეზიური საშუალებები | ||
| B ანალგეზიური ანტიპირექსიული საშუალებები | ||
| E ანილიდები | ||
| ანოტაცია: | ||
| გამოშვების ფორმა: | პოლივინილქლორიდის აპკისა და ალუმინის ფოლგის ბლისტერებში მოთავსებულია 10-10 აბი. 2 ბლისტერი და 50 ბლისტერი ინსტრუქციასთან ერთად მუყაოს კოლოფში. | |
| შენახვის პირობები: | ინახება მშრალ და სინათლისაგან დაცულ ადგილას, არა უმეტეს 25ºC ტემპერატურის პირობებში, ბავშვებისაგან დაცულ ადგილას! | |
| ვარგისიანობის ვადა: | 3 (სამი) წელი გამოშვების მომენტიდან. | |
| შემადგენლობა: | პარაცეტამოლი 300მგ, მეტამიზოლ ნატრიუმი 150მგ, კოფეინი 50მგ, ფენობარბიტალი 15მგ, კოდეინის ფოსფატი ჰემიჰიდრატი 10მგ. დამხმარე ნივთიერებები: მიკროკრისტალური ცელულოზა, ხორბლის სახამებელი, პოვიდონი, კროსპოვიდონი, ნატრიუმის მეთაბისულფიტი, ტალკი, მაგნიუმის სტეარატი. | |
| ფარმაკოლოგიური თვისება: | იგი წარმოადგენს კომბინირებულ პრეპარატს, რომელიც ავლენს ანალგეზიურ, სიცხისდამწევ, შაკიკისა და ხველის საწინააღმდეგო მოქმედებას. ხსნის გრიპისა და “გაცივების” სიმპტომებს. კოფეინი ასტიმულირებს თავის ტვინის ფსიქომოტორულ ცენტრებს, ავლენს ანალეფსიურ მოქმედებას, აძლიერებს ანალგეზიური საშუალებების ეფექტს, ხსნის ძილიანობას და დაღლილობას, აძლიერებს ფიზიკურ და გონებრივ შესაძლებლობებს. კოდეინი - ცენტრალური მოქმედების ხველის საწინააღმდეგო საშუალებაა; ოპიოიდური რეცეპტორების სტიმულირების გზით იგი ამცირებს ხველის ცენტრის აგზნებადობას. პარაცეტამოლი – არანარკოტიკული ანალგეტიკია; აბლოკირებს ფერმენტ ციკლოოქსიგენაზას უპირატესად ცენტრალურ ნერვულ სისტემაში, ტკივილისა და თერმორეგულაციის ცენტრებზე ზემოქმედებით; ახასიათებს ანალგეზიური და სიცხის დამწევი მოქმედება. მეთამიზოლ ნატრიუმი – არასტეროიდული ანთების საწინააღმდეგო პრეპარატი, ავლენს ანალგეზიურ, სპაზმოლიზურ ზემოქმედებას საშარდე და სანაღვლე გზების გლუვი კუნთების მიმართ. ფენობარბიტალი –საძილე და ეპილეფსიის საწინააღმდეგო საშუალებაა, რომელიც ხასიათდება სედატიური, საძილე, სპაზმოლიზური და ჩონჩხის კუნთების მომადუნებელი მოქმედებით. | |
| გვერდითი მოვლენები: | პრეპარატის მიღებისას შეიძლება განვითარდეს: ალერგიული რეაქციები (გამონაყარი, ქავილი, ჭინჭრის ცხელება); • ნერვული სისტემის მხრივ – ძილიანობა, კოორდინაციის დარღვევა, თავბრუ, თავის ტკივილი, ფსიქომოტორული რეაქციების სიჩქარის დაქვეითება, ადვილად დაღლილობა, კანკალი, გაღიზიანებადობა, მოუსვენრობა. ხანგრძლივი უკონტროლო მიღებისას მაღალ დოზებში – შეჩვევა (ტკივილგამაყუჩებელი ეფექტის შესუსტება), წამალის მიმართ დამოკიდებულება (კოდეინი); • გულ-სისხლძარღვთა სისტემის მხრივ – ჰიპოტონია, ტაქიკარდია, ექსტრასისტოლია; • სისხლმბადი სისტემის მხრივ – იშვიათად ჰემოლიზური ანემია, თრომბოციტოპენია, აგრანულოციტოზი; • კუჭ-ნაწლავის სისტემის მხრივ – პირის სიმშრალე, ტკივილი ეპიგასტრიუმის არეში, მადის დაკარგვა, გულისრევა, ღებინება, ფაღარათი ან ყაბზობა, ღვიძლის ფუნქციის დარღვევა; • სასუნთქი სისტემის მხრივ – ბრონქოსპაზმი (ბრონქული ასთმის შეტევის პროვოცირება); • შარდ-სასქესო სისტემის მხრივ – თირკმლების ფუნქციის დარღვევა. | |
| ფარმაკოკინეტიკა: | პრეპარატის ცალკეული კომპონენტები ადვილად შეიწოვებიან კუჭ-ნაწლავის ტრაქტში და განიცდიან შედარებით სწრაფ მეტაბოლიზმს. პრეპარატი გამოიყოფა ძირითადად შარდთან ერთად. კოდეინის ნახევრად დაშლის პერიოდი შეადგენს 3-4 საათს, კოფეინის – 3-6 საათს, პარაცეტამოლის – 1,5-3 საათს, ხოლო მეთამიზოლის 1-4 საათია. | |
| ჩვენება: | თავისა და კბილის ტკივილი, შაკიკი, ნევრალგიები და ნევრიტი, დამწვრობის შემდგომი ტკივილი, ტრავმა და ქირურგიული ჩარევა, რევმატიული ტკივილი, “გაცივება”, რომელსაც თან ახლავს ტკივილი და ტემპერატურის მომატება, ალგოდისმენორეა. | |
| უკუჩვენება: | პრეპარატის ნებისმიერი კომპონენტის მიმართ ჰიპერმგრძნობელობა; ჰემორაგიული დიათეზი, ანემია, ლეიკოპენია. გლუკოზო-6-ფოსფატდეჰიდროგენაზას დეფიციტი, თირკმლებისა და ღვიძლის ფუნქციის დარღვევა; ბრონქული ასთმა, მდგომარეობები, რომელთაც თან ახლავს სუნთქვის დათრგუნვა, ინტრაკრანიული ჰიპერტენზია, მიოკარდიუმის მწვავე ინფარქტი, არითმიები, არტერიული ჰიპერტენზია; ალკოჰოლური სიმთვრალე; გლაუკომა, ორსულობა, ლაქტაციის პერიოდი, ბავშვთა ასაკი (12 წლამდე). სიფრთხილეა საჭირო კუჭისა და თორმეტგოჯა ნაწლავის წყლულოვანი დაავადებისას გამწვავების სტადიაში და ასევე ხანდაზმულობის დროს. | |
| დოზირება და მიღების წესი: | გამოიყენება პერორალურად, ჭამის დროს, სითხის მიყოლებით. მოზრდილებში ინიშნება, ერთი აბი. არადამაკმაყოფილებელი ეფექტის დროს, შეიძლება დღეში 1 აბის 4 ჯერ მიღება. ერთჯერადი მაქსიმალური დოზაა – 2 აბი, ხოლო დღე-ღამური – 6 აბი. მკურნალობის ხანგრძლივობა – 5 დღემდე. | |
| ჭარბი დოზირება: | პრეპარატით ჭარბ დოზირებას მოჰყვება ცენტრალური ნერვული სისტემის დათრგუნვა, რაც გამოიხატება თავბრუსხვევით, ძილიანობით, რეფლექსების დათრგუნვით, ზოგჯერ პირის სიმშრალით, სუნთქვის დათრგუნვით, მნიშვნელოვანი სისუსტით, ზოგჯერ კი ცნობიერების დაკარგვით. მკურნალობა: ღებინების გამოწვევა, კუჭის ამორეცხვა წყლით, გააქტივებული ნახშირის მიღება და სიმპტომატური მკურნალობის ჩატარება. | |
| ურთიერთქმედება სხვა მედიკამენტებთან: | ანტიკოაგულანტებთან, სტეროიდებთან, ანალგეზიურ და არასტეროიდულ ანთების საწინააღმდეგო საშუალებებთან, მეტოტრექსატთან, ნეიროლეფსიურებთან და ალკოჰოლთან ერთდოულმა მიღებამ შეიძლება გამოიწვიოს სისხლის პლაზმაში მათი კონცენტრაციის შეცვლა, რის გამოც ასეთ პირობებში იმატებს გვერდითი მოვლენების განვითარების შესაძლებლობა. | |
| განსაკუთრებული მითითებები: | პრეპარატის ხანგრძლივი მიღებისას საჭიროა სისხლის სურათისა და თირკმლებისა და ღვიძლის ფუნქციების კონტროლი. მაღალი დოზების მიღებისას, განსაკუთრებით მკურნალობის დასაწყისში, შესაძლებელია ფსიქომოტორული რეაქციების შენელება. პრეპარატის ერთდროული მიღება ალკოჰოლის შემცველ სასმელებთან არ არის რეკომენდებული. ვინაიდან პრეპარატი შეიცავს მეთამიზოლ ნატრიუმს, მას შეუძლია შარდის წითლად შეფერვა, რაც საფრთხეს არ წარმოადგენს. ავტომობილის მართვა და სამუშაოების შესრულება, რომლებიც ყურადღების მაღალ კონცენტრაციას მოითხოვს: პრეპარატიში შემავალი კომპონენტების უმრავლესობა მოქმედებს ცენტრალურ ნერვულ სისტემაზე, რაც ცვლის ფსიქომოტორულ რეაქციებს, რის გამოც პრეპარატის მიღება არ არის რეკომენდებული ავტომობილის მართვის დროს ან ისეთ აპარატებთან მუშაობისას რაც მომატებულ ყურადღებას მოითხოვს. | |
| ორსულობა და ლაქტაცია: | პრეპარატს არ უნიშნავენ ორსულებს და მეძუძურ დედებს. მასში შემავალი ფენობარბიტალი, კოდეინის ფოსფატი და კოფეინი მავნეა ემბრიონისათვის, ნაყოფისათვის და ახალშობილისათვის. პრეპარატის კომპონენტების უმრავლესობა გადადის დედის რძეში. |
Page generation time: 0. 050457232 sec.
