This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:ეფერალგანი C ვიტამინით
უნიფიცირებული
დასახელება:
პარაცეტამოლი + ასკორბინის მჟავა Paracetamol + Ascorbic acid
დოზა:-
ფორმა:სიროფი
შეფუთვა1:90მლ ფლაკონი
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:1
მწარმოებელი ქვეყანა:საფრანგეთი
კომპანია:ბრისტოლ-მაიერს სქუიბი
მწარმოებელი:უპსა ლაბორატუარ
რეგისტრაციის ნომერი და
თარიღი:
გაცემის რეჟიმი:
ფარმაკოლოგიური
ჯგუფი/ქვეჯგუფი:
ჯგ.:ანალგეზიური ანტიპირეტული საშუალებები.
ქვ/ჯგ.: 
ა.თ.ქ. კლასიფიკაცია:
N02BE01	
N ნერვული სისტემა
	
02 ანალგეზიური საშუალებები
	
B ანალგეზიური ანტიპირექსიული საშუალებები
	
E ანილიდები
ანოტაცია:
	
	
გვერდითი მოვლენები:რეკომენდებულ დოზებში გვერდითი მოვლენები არ აღინიშნება. ხანდახან მოსალოდნელია გულისრევა, ღებინება, ალერგიული რეაქციები კანზე გამონაყარის, ქავილის, კვინკეს შეშუპების სახით. იშვიათად - ჰემოპოეზური სისტემის მხრივ დარღვევები (ანემია, თრომბოციტოპენია, მეტჰემოგლობინემია, ლეიკოპენია, აგრანულოციტოზი). პრეპარატის მაღალი დოზითა და ხანგრძლივად გამოყენებისას მოსალოდნელია ღვიძლისა და თირკმელების ფუნქციის დარღვევა, რის გამოც აუცილებელია სისხლის სურათის შემოწმება. პრეპარატის მაღალი დოზით გამოყენებისას შესაძლებელია ჰეპატოტოქსიური და ნეფროტოქსიური მოქმედება. არასასურველი სიმპტომების გამოვლენისთანავე საჭიროა ექიმთან კონსულტაცია.
უკუჩვენება:მომატებული მგრძნობელობა პრეპარატის შემადგენლობაში შემავალი რომელიმე კომპონენტის მიმართ; ფერმენტ გლუკოზა-6-ფოსფატდეჰიდროგენაზას გენეტიკური დეფიციტი; სისხლის სისტემის დაავადებები; ღვიძლისა და თირკმელების ფუნქციის დარღვევა. სიროფი უკუნაჩვენებია 1 თვემდე ასაკის ბავშვებში.
განსაკუთრებული მითითებები:ღვიძლისა და თირკმლის ფუნქციის დარღვევის და ჟილბერის სინდრომის (კონსტიტუციური ჰიპერბილირუბინემია) არსებობისას პრეპარატი სიფრთხილით ინიშნება. პრეპარატის მიღებამდე აუცილებელია ექიმის კონსულტაცია. 1-3 თვემდე ასაკის ბავშვებში ეფერალგანის სიროფის გამოყენებისას დოზირების რეჟიმის განსაზღვრისათვის აუცილებელია ექიმის რეკომენდაცია. სიფრთხილის ზომები: პრეპარატის ხანგრძლივად გამოყენებისას რეკომენდებულია ღვიძლის ფუნქციური ტესტებისა და პერიფერიული სისხლის სურათის კონტროლი.
ურთიერთქმედება სხვა მედიკამენტებთან:ეფერალგანუისა და ბარბიტურატების, ანტიკონვულსიური პრეპარატების და რიფამპიცინის ერთდროული გამოყენებისას მოსალოდნელია ჰეპატოტოქსიური მოქმედების განვითარების გაძლიერება. სალიცილატებთან ერთდროული გამოყენება იწვევს ნეფროტოქსიური ეფექტის განვითარების გაძლიერებას. ეფერალგანისა და ლევომიცეტინის (ქლოეამფენიკოლი) ერთდროული გამოყენებისას უკანასკნელის ტოქსიურობა იზრდება. ეფერალგანის შემადგენლობაში შემავალი პარაცეტამოლი აძლიერებს არაპირდაპირი მოქმედების ანტიკოაგულატების მოქმედებას. ეფერალგანის გამოყენებისას სისხლში შარდმჟავასა და შაქრის რაოდენობის განსაზღვრის ტესტის ჩატარებისას მოსალოდნელია ცრუდადებითი შედეგი.
ჭარბი დოზირება:პარაცეტამოლის ჭარბი დოზირების შემთხვევაში მოსალოდნელია - გულისრევა, ღებინება, კუჭის არეში ტკივილი. 2 დღის შემდეგ მოსალოდნელია ღვიძლის დაზიანების ნიშნების გამოვლენა, რაც დაკავშირებულია ტოქსიური მეტაბოლიტის N-მეთილ-ბენზოქინონიმინის დაგროვებასთან, რომელიც პარაცეტამოლის მიღებისას თერაპიულ დოზებში ინაქტივირდება გლუტათიონთან კონიუგაციის ხარჯზე. მძიმე შემთხვევების დროს ვითარდება ღვიძლის უჯრედების, თირკმელების უკმარისობა და კომატოზური მდგომარეობა. ჭარბი დოზირების შემთხვევაში საჭიროა კუჭის ამორეცხვა, ადსორბენტების დანიშვნა (გააქტივებული ნახშირი), აცეტილცისტეინის (ზრდის ღვიძლში გლუტათონის წარმოქმნას) და მეთიონინის შეყვანა.
შენახვის პირობები:პრეპარატი ინახება არაუმეტეს 30C ტემპერატურაზე ბავშვებისთვის მიუწვდომელ ადგილას.
ვარგისიანობის ვადა:3 წელი. პრეპარატი არ გამოიყენება შეფუთვაზე მითითებული ვარგისიანობის ვადის გასვლის შემდეგ.
გამოშვების ფორმა:3% პერორალური ხსნარი (ბავშვებისათვის) (საზომი კოვზით) ფლაკონში 90 მლ.
შემადგენლობა:პარაცეტამოლი. სხვა ინგრედიენტები: მაკროგოლი 6000, საქაროზას ხსნარი, საქარინი (ნატრიუმის მარილი), სორბინოლის მჟავა, ნატრიუმის მეთილპარაჰიდროქსიბენზოატი, ნატრიუმის პროპილპარაჰიდროქსიბანზოატი, კარამელ-ვანილის არომატიზატორი, წყალი.
ფარმაკოლოგიური თვისება:ეფერალგანი შეიცავს პარაცეტამოლს, რომლესაც გააჩნია ტკივილგამაყუჩებელი, სიცხის დამწევი და უმნიშვნელოდ გამოხატული ანთების საწინააღმდეგო მოქმედება.
ჩვენება:ინიშნება მწვავე რესპირატორული დაავადებების, გრიპის, ბავშვთა ინფექციების, პოსტვაქცინური რეაქციების და სხვა ცხელებით მიმდინარე ინფექციურ-ანთებითი დაავადებების დროს. პრეპარატი აგრეთვე გამოიყენება თავის, ყელის და კბილის ტკივილის და მენსტრუალური ციკლის დროს არსებული ტკივილის კუპირებისთვის. ეფერალგანის სიროფი ინიშნება 3 თვიდან 12 წლამდე ასაკის ბავშვებში (სხეულის მასა 6-32კგ).
დოზირება და მიღების წესი:ბავშვებში დოზა დგინდება სხეულის წონის მიხედვით: მაქსიმალური ერთჯერადი დოზა - 10-15მგ/კგ სხეულის წონაზე, მაქსიმალური დღეღამური დოზა - 60მგ/კგ სხეულის წონაზე. სიროფი: მიიღება დიდი რაოდენობით სითხესთან ერთად საკვების მიღებიდან 1-2 საათში. ზუსტი დოზირებისთვის გამოიყენება საზომი კოვზი, რომელზეც აღნიშნულია დანაყოფები, ერთჯერადი დოზის მაჩვენებელი (15მგ/კგ), ბავშვებისთვის შესაბამისი სხეულის მასით: 4, 8, 12 ან 16კგ. დანაყოფები, რომლებიც არ არის აღნიშნული, შეესაბამება შუალედურ წონას: 6, 10 ან 14კგ. პრეპარატი შეიძლება მიეცეს ბავშვს განზავების გარეშე ან წყალში ან რძეში განზავებული. ბავშვის ასაკი: 1-3 თვე - მხოლოდ ექიმის რეკომენდაციით; 3-5 თვე - ბავშვის სხეულის წონა (კგ) 6-8, საზომ კოვზზე ნიშნული (პარაცეტამოლი მგ/ ხსნარის მოცულობა) 6 (90 მგ/3 მლ). 5 თვიდან 1 წლამდე - 8-10კგ - 8 (120 მგ/4 მლ); 1-2 წელი - 10-12კგ - 10 (150 მგ/5 მლ); 2-3 წელი - 12-14კგ - 12 (180 მგ/6 მლ); 3-4 წელი - 14-16კგ - 14 (210 მგ/7 მლ); 4-6 წელი - 16-20კგ - 16 (240 მგ/8 მლ); 6-7 წელი - 20-22კგ - 16 + 4 (300 მგ/10 მლ); 7-8 წელი - 22-24კგ - 16 + 6 (330 მგ/11 მლ); 8-9 წელი - 24-26კგ - 16 + 8 (360 მგ/12 მლ); 9-10 წელი - 26-28კგ - 16 + 10 (390 მგ/13 მლ); 10-11 წელი - 28-30კგ - 16 + 12 (420 მგ/14 მლ); 11-12 წელი - 30-32კგ - 16 + 14 (450 მგ/15 მლ). მკურნალობის ხანგრძლივობა: პრეპარატი, როგორც ტკივილგამაყუჩებელი საშუალება არ უნდა გამოვიყენოთ 5 დღეზე მეტ ხანს, ხოლო სიცხის დამწევის სახით 3 დღეზე მეტ ხანს ექიმის რეკომენდაციის გარეშე.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 050627795 sec.