| დასახელება: | ლოპრესორი | |
| უნიფიცირებული დასახელება: | მეტოპროლოლი Metoprolol | |
| დოზა: | 50მგ | |
| ფორმა: | აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 60 | |
| მწარმოებელი ქვეყანა: | საქართველო | |
| კომპანია: | ჯი-ემ-პი | |
| მწარმოებელი: | ჯი-ემ-პი | |
| რეგისტრაციის ნომერი დათარიღი: | #რ-030078 2020-05-06 - 2025-05-06 | |
| გაცემის რეჟიმი: | II ჯგუფი, გაიცემა ფორმა №3 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:ბეტა1-ადრენომაბლოკირებელი საშუალება. ქვ/ჯგ.: |
|
| ა.თ.ქ. კლასიფიკაცია: | ||
C07AB02 | C გულ-სისხლძარღვთა სისტემა | |
| 07 ბეტა- ადრენობლოკატორები | ||
| A ბეტა- ადრენობლოკატორები | ||
| B სელექტური ბეტა- ადრენობლოკატორები | ||
| ანოტაცია: | ||
| უკუჩვენება: | II-III ხარისხის AV ბლოკადა; ბრადიკარდია (გულის შეკუმშვათა სიხშირე <50 დარტყმა/წთ); სინუსის კვანძის სისუსტის სინდრომი; გულის მწვავე უკმარისობა; კარდიოგენული შოკი; პერიფერიული სისხლის მიმოქცევის გამოხატული დარღვევები; ვერაპამილის და კალციუმის ნელი არხების ბლოკერების ვენა ინიექცია; მაო-ს ინჰიბიტორების ერთდროული გამოყენება; პრეპარატისადმი მაღალიმგრძნობელობა. | |
| ორსულობა და ლაქტაცია: | ორსულობის პერიოდში დედისთვის მეტოპროლოლის გამოყენების საჭიროებამ უნდა გადააჭარბოს ნაყოფზე მისი უარყოფითი გავლენის მოსალოდნელ რისკს. მეტოპროლოლი აღწევს პლაცენტაში. ამიტომ ახალშობილში ბრადიკარდიის, არტერიული ჰიპოტენზიის, ჰიპოგლიკემიის და სუნთქვის გაჩერების თავიდან აცილების მიზნით, მოსალოდნელ მშობიარობამდე 48-72 საათით ადრე უნდა მოიხსნას პრეპარატი. მშობიარობიდან 48-72 საათის განმავლობაში საჭიროა ახალშობილის მდგომარეობის მკაცრი კონტროლი. მეტოპროლოლი მცირე რაოდენობით გამოიყოფა დედის რძესთან ერთად. ლაქტაციის პერიოდში არ არის რეკომენდებული მეტოპროლოლის მიღება. | |
| შენახვის პირობები: | 10-25C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილას! | |
| ვარგისიანობის ვადა: | 3 წელი. | |
| გაცემის წესი: | ექიმის რეცეპტით. | |
| გამოშვების ფორმა: | აბი 25მგ ან 50მგ, შეფუთვაში 60 აბი. | |
| სიფრთხილის ზომები: | ლოპრესორის დანიშვნა პაციენტებში გულის ქრონიკული უკმარისობით შესაძლებელია მხოლოდ მაშინ, როდესაც დაავადება კომპენსირებულ სტადიაშია. პრეპარატი სიფრთხილით ინიშნება პაციენტებში სასუნთქი გზების ქრონიკული ობსტრუქციული დაავადებებით, შაქრიანი დიაბეტით (განსაკუთრებით ლაბილური მიმდინარეობის დროს), რეინოს და პერიფერიული არტერიების მაობლიტირებელი დაავადებებით, ფეოქრომოციტომით (ამ შემთხვევაში საჭიროა ალფა-ადრენობლოკატორებთან კომბინაცია), ასევე, ღვიძლის და თირკმლების ფუნქციის გამოხატული დარღვევის დროს. ბრონქული ასთმით დაავადებულებში მეტოპროლოლის დანიშვნის აუცილებლობისას, საჭიროა ბეტა2-ადრენომიმეტიკებთან კომბინაცია ან მეტოპროლოლის დოზის კორექცია. კლონიდინთან კომბინაციაში მკურნალობის დროს, კლონიდინის მიღების შეწყვეტა საჭიროა მეტოპროლოლის მოხსნიდან რამდენიმე დღის შემდეგ (ჰიპერტონული კრიზის თავიდან აცილების მიზნით). მეტოპროლოლის ჰიპოგლიკემიურ საშუალებებთან კომბინაციაში საჭიროა მათი დოზის კორექცია. ლოპრესორი სიფრთხილით ინიშნება ცნს-ზე დამთრგუნველად მოქმედ საშუალებებთან (ძილის მომგვრელი, ტრანკვილიზატორები, ანტიდეპრესანტები, ნეიოროლეფსიურები) კომბინაციაში. ქირურგიული ოპერაციების საჭიროებისას ანესთეზიოლოგი აუცილებლად ინფორმირებული უნდა იყოს მეტოპროლოლით მკურნალობის თაობაზე. პრეპარატის მოხსნა საჭიროა თანდათანობით, დოზის შემცირებით 10 დღის მანძილზე. პრეპარატის მოხსნის პერიოდში სტენოკარდიით დაავადებული პაციენტები ექიმის მკაცრი მეთვალყურეობის ქვეშ უნდა იმყოფებოდნენ. პაციენტებმა, რომლებიც მკურნალობენ მეტოპროლოლით, ალკოჰოლის მიღებისგან თავი უნდა შეიკავონ. პაციენტებში, რომელთა სამუშაო ყურადღების კონცენტრირებას მოითხოვს, მეტოპროლოლი ინდივიდუალურიმგრძნობელობიდან გამომდინარე ინიშნება. მეტოპროლოლის და ვერაპამილის ერთდროული გამოყენებისას მცირდება გულის წუთმოცულობა, გულის შეკუმშვათა სიხშირე, იშვიათდება პულსი. მეტოპროლოლის ფონზე ვერაპამილის ვენაში ინიექციამ შესაძლოა გულის გაჩერება გამოიწვიოს. ერთდროულად მეტოპროლოლის და კალციუმის ნელი არხების ბლოკატორების, საგულე გლიკოზიდების, რეზერპინის, ნიტრატების, კლონიდინის გამოყენებისას იზრდება არტერიული ჰიპოტენზიის, ბრადიკარდიის, AV ბლოკადის განვითარების რისკი. მეტოპროლოლი აძლიერებს ჰიპოგლიკემიური საშუალებების მოქმედებას. ინდომეტაცინი და ანთების საწინააღმდეგო სხვა საშუალებები, ასევე, ესტროგენები აქვეითებენ მეტოპროლოლის ჰიპოტენზიურ ეფექტს. მეტოპროლოლის და ოპიოიდური ანალგეტიკების ერთდროული გამოყენებისას ძლიერდება კარდიოდეპრესიული ეფექტი. მეტოპროლოლის ფონზე საინჰალაციო სანარკოზე საშუალებების გამოყენებისას იზრდება მიოკარდიუმის ფუნქციური დათრგუნვის და არტერიული ჰიპოტენზიის განვითარების რისკი. რიფამპიცინი, ბარბიტურატები აჩქარებენ მეტოპროლოლის მეტაბოლიზმს, რაც მისი ეფექტურობის შემცირებას იწვევს. სისხლის პლაზმაში მეტოპროლოლის დონეს ზრდიან: ჰიდრალაზინები, პერორალური ჩასახვის საწინააღმდეგო საშუალებები, რანიტიდინი, ციმეტიდინი. მეტოპროლოლი და ბეტა2-ადრენომიმეტური საშუალებები ფუნქციური ანტაგონისტებია. | |
| ჩვენება: | არტერიული ჰიპერტენზია (მათ შორის 60 წელზე მეტი ასაკის პაციენტებში); სტენოკრდიული შეტევების პროფილაქტიკა; მიოკარდიუმის ინფარქტის მეორადი პროფილაქტიკა; გულის რიტმის დარღვევები (სინუსური არითმია, სუპრავენტრიკულური ტაქიკარდია, პარკუჭოვანი ექსტრასისტოლია, მიტრალური სარქვლის პროლაფსით გამოწვეული არითმია); ჰიპერკინეზული კარდიალური სინდრომი; შაკიკის შეტევების პროფილაქტიკა. | |
| შემადგენლობა: | მეტოპროლოლი 25მგ ან 50მგ. | |
| ფარმაკოლოგიური თვისება: | კარდიოსელექტიური ბეტა1-ადრენობლოკატორი შინაგანი სიმპატომიმეტური აქტივობის გარეშე. ახასიათებს ჰიპოტენზიური, ანტიანგინალური და ანტიარითმიული მოქმედება. ამცირებს სინუსის კვანძის ავტომატიზმს, გულის შეკუმშვათა სიხშირეს, ანელებს ატრიო-ვენტრიკულურ (AV) გამტარობას, ამცირებს მიოკარდიუმის აგზნებადობასა და კუმშვადობას, გულის წუთმოცულობას, მიოკარდიუმის ჟანგბადზე მოთხოვნილებას. ფიზიკური და ფსიქო-ემოციური დატვირთვის დროს თრგუნავს გულზე კატექოლამინების მასტიმულირებელ მოქმედებას. სტენოკარდიის დროს მეტოპროლოლი ამცირებს შეტევების სიხშირესა და სიმძიმეს. არეგულირებს გულის შემკუმშვათა რიტმს პარკუჭთაზედა ტაქიკარდიის და წინაგულოვანი მოციმციმე არითმიის დროს. მიოკარდიუმის ინფარქტის დროს ხელს უწყობს გულის კუნთის იშემიური უბნის შემოსაზღვრას და ამცირებს ფატალური არითმიის განვითარებისადა მიოკარდიუმის ინფარქტის რეციდივის რისკს. მეტოპროლოლი, საშუალო თერაპიული დოზით გამოყენებისას, არასელექტიურ ბეტა-ადრენობლოკერებთან შედარებით, ნაკლებად ახდენს გავლენას ბრონქებისა და პერიფერიული არტერიების გლუვ კუნთებზე. მეტოპროლოლი შიგნით მიღებისას სწრაფად და თითქმის მთლიანად აბსორბირდება კუჭ-ნაწლავის ტრაქტიდან, სისხლის პლაზმაში აქტიური ნივთიერების Cmax 1-2 საათში მიიღწევა. მეტოპროლოლი მეტაბოლიზდება ღვიძლში არააქტიური მეტაბოლიტების წარმოქმნამდე. პლაზმიდან მეტოპროლოლის T½ შეადგენს 3-4 საათს. მიღებული დოზის 95%-ზე მეტი გამოიდევნება თირკმლების საშუალებით. მათ შორის 50% უცვლელი სახით. პაციენტებში თირკმლის დარღვეული ფუნქციით T½ არ იცვლება. | |
| დოზირება და მიღების წესი: | დოზირება ხდება ინდივიდუალურად. არტერიული ჰიპერტენზიის დროს ინიშნება 50მგ/დღეში განაწილებული 1 ან 2 მიღებაზე. არასაკმარისი ეფექტის შემთხვევაში შესაძლოა დოზის თანდათანობითი გაზრდა 100-200მგ-მდე დღეში და/ან სხვა ანტიჰიპერტენზიული საშუალებების დამატება. სტენოკარდიის დროს ინიშნება 100-200მგ/დღეში განაწილებული 2 მიღებაზე. არითმიების სამკურნალოდ ინიშნება 100-200მგ/დღეში განაწილებული 2 მიღებაზე. მიოკარდიუმის ინფარქტის პროფილაქტიკის მიზნით ინიშნება საშუალო დღიური დოზა 200მგ განაწილებული 2 მიღებაზე (დილას და საღამოს). შაკიკის შეტევების პროფილაქტიკის მიზნით ინიშნება 100-200მგ დღეში განაწილებული 2 მიღებაზე. პაციენტები თირკმლის დარღვეული ფუნქციით დოზის კორექციას არ საჭიროებენ. პაციენტებში, ღვიძლის ფუნქციების გამოხატული დარღვევით, მეტოპროლოლის მეტაბოლიზმი შენელებულია, რის გამოც საჭიროა პრეპარატის დოზის შემცირება. | |
| გვერდითი მოვლენები: | გულ-სისხლძარღვთა სისტემის მხრივ: შესაძლებელია ბრადიკარდია, არტერიული ჰიპოტენზია, AV გამტარობის დარღვევა, რეინოს სინდრომი, იშვიათად გულის უკმარისობის სიმპტომები. ცნს-ის და პერიფერიული ნერვული სისტემის მხრივ: თერაპიის დასაწყისში შესაძლებელია სისუსტე, დაღლილობის შეგრძნება, თავბრუსხვევა, თავის ტკივილი. იშვიათად - დეპრესია, ძილის დარღვევა. საჭმლის მომნელებელი ტრაქტის მხრივ: მკურნალობის დასაწყისში შესაძლებელია პირის სიმშრალე, გულისრევა, ღებინება, მუცლის არეში ტკივილი, დიარეა, ყაბზობა. სასუნთქი სისტემის მხრივ: წინასწარ განწყობილ პაციენტებში შესაძლებელია ბრონქული ობსტრუქციის სიმპტომების გამოვლინება. ალერგიული რეაქციები: კანზე გამონაყარი ქავილი. სხვადასხვა: შესაძლებელია წონის მატება, იშვიათად - თრომბოციტოპენია. |
Page generation time: 0. 051906353 sec.
