| უნიფიცირებული დასახელება: | ტრიმებუტინიTrimebutine | ||
| ა.თ.ქ. კლასიფიკაცია: | |||
A03AA05 | A საჭმლის მომნელებელი ტრაქტი და ნივთიერებათა ცვლა | ||
| 03 სპაზმოლიზური და ქოლინობლოკატორები | |||
| A სინთეზური სპაზმოლიზური საშუალებები და ქოლინობლოკატორები | |||
| A სინთეზური ქოლინობლოკატორები - მესამეული ამინოჯგუფის ეთერები | |||
| ანოტაცია: | |||
| ჩვენება: | გამოიყენება ტკივილის სიმპტომატური მკურნალობისათვის, რომელიც დაკავშირებულია კუჭ-ნაწლავის ტრაქტის და სანაღვლე გზების ფუნქციის დარღვევასთან. - სწორი ნაწლავის გაღიზიანების სინდრომი, ნებისმიერი კოლონოპათიები; - გასტროდუოდენიტები, პეპტიური წყლული, წამლით გამოწვეული გასტროპათიები; - დისფაგია, დისპეფსიური სინდრომი; - გულისრევა და ღებინება; - ახალშობილებში, უმცროსი ასაკის ბავშვებში-რეგურგიტაცია, ღებინება, აგრეთვე დისპეფსიური, ტოქსიკური, ინფექციური და აცეტონემიური ეთიოლოგიის აბდომინალური დარღვევები. ქირურგიული ჩვენება: - წვრილი ნაწლავების ოპერაციის შემდგომი ატონია; - ოპერაციის შემდგომი სლოკინი, გულისრევა და ღებინება. დიაგნოსტიკური ჩვენება: - გასტროდუოდენოგრაფია-პილორულ ნაწილში საკვების ევაკუაციის დარღვევისდროს; - საჭმლის მომნელებელი ტრაქტის რენტგენოსკოპიული და ენდოსკოპიური გამოკვლევა; | ||
| ფარმაკოლოგიური თვისება: | იგი წარმოადგენს კუჭ-ნაწლავის ტრაქტის პერისტალტიკის მარეგულირებელ საშუალებას. ვარაუდობენ, რომ პრეპარატის ეფექტი განპირობებულია გასტროინტესტინური ტრაქტის ოპიოიდურ რეცეპტორებზე მისი ზემოქმედებით. | ||
| დოზირება და მიღების წესი: | მოზრდილებს პერორალურად ენიშნებათ საშუალოდ 300 მგ, რექტალურად 100-200 მგ; კუნთებში ან ვენაში ერთჯერადი დოზა შეადგენს 50 მგ-ს, რომლის მიღების სიხშირე და ხანგრძლივობა დამოკიდებულია კლინიკურ სიტუაციაზე. ბავშვებში დოზის დადგენა ხდება ასაკთან მიმართებაში. | ||
| გვერდითი მოვლენები: | ვენაში შეყვანისას შესაძლოა გონების ხანმოკლე დაკარგვა. იშვიათ შემთხვევებში აღინიშნება კანზე ალერგიული რეაქციები. | ||
| უკუჩვენება: | მომატებული მგრძნობელობა პრეპარატების მიმართ; | ||
| ორსულობა და ლაქტაცია: | პრეპარატი სიფრთხილით ენიშნებათ ორსულებს, განსაკუთრებით I ტრიმესტრში, მკურნალობა ტარდება ექიმის მკაცრი კონტროლის ქვეშ. ლაქტაციის პერიოდში პრეპარატის დანიშვნა რეკომენდებული არ არის. | ||
| განსაკუთრებული მითითებები: | სიფრთხილით ენიშნებათ ავტოტრანსპორტის მძღოლებს და იმ პირებს, რომელთა მუშაობა მოითხოვს განსაკუთრებულ ყურადღებას. | ||
| ჭარბი დოზირება: | ამ შემთხვევაში საჭიროა სიმპტომატური მკურნალობის ჩატარება. | ||
| ურთიერთქმედება სხვა მედიკამენტებთან: | აღწერილი არ არის. |
Page generation time: 0. 023191845 sec.
